مابين النيسان باترول والتويوتا FJ ماذا تقولون ..؟

والله كلهم حلوين بس لو خيروني اخترت FJ لأنه شبابي وقوته وعزمه لابأس فيها

وجودة احسن وسعره مايطيح

[/CENTER]

السلام عليكم ورحمة الله وبركاته

الباترول معروف بقوته بس ما فيه جوده وسعره يطيح على طول
وFJ تويوتا معروف بجودته وسعره فيه

الباترول اكيد....

اقوى....واحلى داخليه....

تحياتي...

بس لأنه نيسان ..؟

أبي شيء يرجحه أكثر ..



إذا على اللي موجود بالسعودية فأنا غسلت ايدي ..

كنت أظن الـ SGL فيه مواصفات ..

لكن فيه واحد من الشباب يقول الـ GL-V ماكينته 4800 ..



اممممم ..

طيب الـ FJ كم حجم ماكينته ..؟ وكم فئة له ..؟



ماعليه كلام ..

لكني احترت أكثر مع الإخوان هنا ..



طيب بما انك مجرب للـ FJ ..

كيف الموتر معك في التطيعس ..؟

من ناحية الحرارة والبنزين والزيوت وغيره ..؟



مثل ماقلت قبل ..

البر ماأقدر أقيس احتياجي على أساسه ..

لأن البر وطلعات البر خلال شهرين من 12 شهر فقط ..



أنا عارف والله ان مافيه مقارنة ..

والمقارنة من أساسها خطأ ..

لكن ماعندي إلا هالخيارين ..

وحُصرت خياراتي بهالاثنين ..



أنا مالي بالتعديل من هدرز وماإلى ذلك ..

لأني أتسم بالمحافظة على الموتر وخصوصاً أموره المكيانيكية وماإلى ذلك ..



لكن طال عمرك أنا أبي موتر أعتمد عليه بغض النظر عن الحجم ..

أبي موتر قوي ومضبوط وصرفية معقولة وحرارة مطمئنة أثناء التطعيس ..



إن بعض الظن إثم وأنا أخوك ..

وليتك طرحت رأيك لعلي أستفيد ..:)

انت ياطويل العمررررررررر تبي تقنعنا بالباترووووووووووووول بي طريقة

يعني بالعربي ( دعاية مبطنه ) سامحنا على لقساوة والله يرزقنا وياك من حلاله

والله خياراتك تحيّر
ولو أنا اللي بختار باخذ الباترول دون تردد حسب وضعي لأني
متزوج ولأني ما أحب السيارات الشبابية وكان معي باترول 2003

والـ SGL مايجي من موديل 2005
الموجود حاليا سفاري وسوبر سفاري

لكن بوضعك عزوبي وتحب السيارة الشبابية يناسبك الـ fj
ويتميز عن السفاري بصرفية البنزين والشكل الجديد
وخدمة الوكيل وقوة المكينة لخفة الوزن مقارنة بالباترول

الباترول يتميز بالحجم عائلي أكثر
والله يكتب لك اللي فيه الخير
تقديري..

تعديل الـ FJ أسهل من الباترول وحتى بالوكاله متوفر كل شي من فلتر وهدرز ووو ... :)

كلام أخوي FJ مقنع وانا معه بكلامه وبالتوفيق أخوي ...

تحياتي

اخوي المقارنه بين الاثنين صعب اول شئ ماهي منافسه لها او العكس

السفاري قارن به بالاند او الباجيرو يوكن سياره مقاربه لها بالموصفات

ااختصار الجواب اذا تحب سياره شبابه اف جي

واذا عائليه اكثر السفاري


تحياتي لك

اذا كان الباترول 4800 فأكيد باترول ..
والباترول اذا كان قير عادي ومكينته 4800 .. صدقني بالبر بيخدمك خدمه ماتتصورها وماراح يقول لا !
عن تجربه مع احد الزملاء.. :) وغير كذا تعديل الباترول سهل من فلتر وهدرز ووووو... القائمه تطول :)

اما اذا كانت مكينة الباترول 4500 فآخذ لي fj أفضل

شو أخوي أختار السياره إلي تناسب أحتياجاتك

أذا عندك عايله انصحك بلبترول لنه اكبر و اوسع

بس اذا انته شاب بصراحه الأف جي أفضل لنه على قدك و استخدامه جميل في البر و حتى في المدينه و القوه اثنين مايختلفون عليها

انا استعملة النيسان و الف جي اشتريتها بصراحه سواقت الأف جي امتع في البر و مانكر انه النيسان بعد ممتع

و اول شي استخر و أن شاء الله ترسا على السياره إلي تريحك

باترووووووووول من غير تردد
احلى نيسان ابو رفارف سوداء

باترول اذا 4800
لان ال4500 فاشل على الباترول (اربع ابواب)
شخصيا ارى الاف جي انعم (قد تكون نظرتي خاطئة)
الباترول معروف بالبر لكن حط بالك ان الاف جي اقل استهلاك بنزين من الباترول
والله يوفقك للي فيه الخير
دمت بود

الباترول SGl

في المملكه يجي مكينه 4500 سي سي

بدون ثلاجه

بدون مكيف خلفي

جنط حديد

صادمات سود!

بدون كشافات

بدون سي دي




بالعربي حق تطعيس وبس



واذا بتشتريه عشان الطعوس لازم تغير كفراته لانها نحيفه لازم تعرضها والا بخيب ضنك في البر!!|3|

خذ الباترول

لانه نيسان

طيب الباترول مع المحافظة بإذن الله مايهربد ..

خصوصاً إن استخدامه في البر سيكون محصور في شهر أو شهرين ..

وخلال هالشهرين يمكن ست أو سبع مرات فقط ..

كذلك من ناحية السعر أرى انه ماشي ماشاء الله خصوصاً عندنا في القصيم ..

لكن ليش مايقارن بالـ FJ من ناحية القوة ..؟



لم أرى أسباب تثني العزم الـ FJ ..

فياليتك تتحفني بأسبابك التي تراها ..



أكيد التويوتا ماعليه مزايدة ..

لكن لاحق لنا في هضم وإغفال قوة وجبروت الباترول ..

وأتفق معك بخصوص أسعار قطع الغيار ..

لكن أيهما أقوى ..؟

وكم حجم ماكينة الـ FJ ..؟



الباترول الـ SGL وش عيبه ..؟

مثل ماتشوف في أحد الردود السابقة ..

محرك سعة 4800 , ثلاجه , مكيف أمامي وخلفي , فتحة سقف , دفلوك ،

وأعتقد أنها كفاية وزيادة لسيارة بر وطعوس ..

وإلا لك رأي ثاني ..؟




أطمع بالمزيد من أرائكم ياإخواني ..