سيارة آوتلاندر 2008

اخوي يالليت تحط موضوعك بقسم بالإستفسارات ..

اتفق مع كيني تماما
اضف الى ذلك ان هذه السيارة راسية جدا واقوى سيارة في فئتها كما ان تصميمها رائع سواء الداخلي او الخارجي وعليك بالفل الكامل

أخي الكريم .. الأوت لاندر سيارة رائعة بجميع المقاييس

وتتوفر بمحركين 2.4 لتر أربعة سلندر مزدوج الكامة بقوة 185 حصان و بمحرك 3.0 لتر ستة سلندر بقوة 235 حصان

والسيارة قابلة للتحكم مابين الدفع الرباعي والدفع الخلفي وقيرها CVT من ست نسب

والسيارة تشطيبها رائع وجودتها ممتازة .. بس يعيبها (وجهة نظر) تلبيسة الباب لأنها بلاستيك

واللي يقولك (هذا حال ميتسوبيشي) في جودة المواد الداخلية .. يسمحلي أقوله رح شف تويوتا ونيسان وقارنها بجودة الميتسو من داخل بعدين تعال تكلم :D

وعلى فكرة .. السيارة غير متوفرة عند الوكيل حالياً لأن كلها طارت والإقبال عليها غير طبيعي رغم إنه لم يعمل لها أي دعاية أو إعلان ;)

تحياتي وإذا كان عندك أي استفسار .. العضو (عاشق ميتسوبيشي) راح يفيدك لأن عنده أوتلاندر 2008

Kenny

مرحبا أخوي ...

أشكر ردك ونصحك بس الموديل أتكلم عنه 2008 .... إحتمال تغير الوضع .

أكرر شكري

السلام عليكم
اخوي الوالد عنده اوتلاندر موديل 2005 والسيارة ما بتسوى سعرها وكل فلس راح يندفع فيها حرام لأن السيارة عادية وأقل من عادية ولا فيها تقنية وغير مريحد ابداً كأنك راكب سيارة قديمة وصوت المحرك بتسمعه بشكل واضح والهواء عند السرعات العالية 150 كم/س وصوت الاطارات.والسيارة غير آمنة من حيث مواصفات السلامة
فنصيحتي لك اخوي ابعد عن الميتسوبيشي احسن لك ولا تفكر فيه
ومثل ما يقول المثل (ابعد عن الشر وغني له)
واسال مجرب ولا تسال طبيب
والراي لك اخوي

يتراوح السعر مابين 70 الف الى 90 الف... ممكن يتغير السعر حسب الوكيل.

متوفرة السيارة بنوعين من المحركات،، 2.4 لتر 168 حصان
3 لتر 220 حصان.

حسب اراء الي شارين السيارة في الانترنت،، معظم الاراء كانت ايجابية، بس كان في بعض الملاحظات على بعض المواد الرخيصة المستعملة في كبينة القيادة ( هذا هو حال مستبيشي )