اطلب مساعدتكم لي في شراء سيارة ياااهل الخبرة ؟؟

تعجز الكلمات عن شكرك اخي المارودر2004
جزاك الله خير

الدبل غير مرغوب فيه ومشاكله كثيره واذا جيت تبيعه نادرا تبي تلقى اللي يشتريه
وعندنا جمس 2001 شاشه و دبل وكل ماجا شراي (من معارفنا او الاقارب ) وعرف انه دبل ينحاش :D رغم اني ماشوف فيه شي
والدبل يجي اربع ازارير فوق بعض على الطبلون يسار السايق لكن ماجربت استخدمها ولاعمرنا طلعنا فيه بر

وبالنسبه للمرغوب ابو شنطه ارغب عند البيع ولشراء (اذا كانت خلفية السياره تفتح للاعلى )

لكن انا بنظري اشوف اذا كانت خلفية الجمس باب في موديلات 99 وتحت احلى من ابو شنطه
لكن من موديل 2000 وفوق الشنطه اللي تفتح للاعلى احلى من الباب

لكن يظل المرغوب ابو شنطه والمقعده الخلفيه المتصله

99 له رغبه خصوصا ان الشكل تغير من موديل 2000

وماسمعت عنه شي لكن كان عندنا جمس موديل 99 والقطع اللي خربت علينا طرمبة البنزين والكمبرسر

من الافضل تكون مكينته 1500 لانها اكثر اقتصاديه من حجم 450 (2500) وافضل لك عند البيع ولها رغبه ومن باب الافضليه خذ فل كامل

وغالبا اسعارها من 30_38 الف ريال

وقبل اتمام الشراء اهم شي تتأكد من نظف المكينه والقير والدفرنس والبدي

جرب سواقة السياره وشوف دعستها وعزمها ووقت التبديل للقير وتأكد من عدم وجود اصوات

طبعا هذا لايغني عن فحص الكومبيوتر

والله يبارك لك بالموتر مقدما