السلام عليكم ورحمة الله وبركاته
يا اخوان البارح قلنا نغير زيت الفورد ـــ زيت مكينه وزيت جرابكس مع فلتر
المهم قلنا نشتري زيت الجربكس من محلات قطع الغيار الاصليه
المهم شرينا الفلتر بــ 45 ريال نوع موتر كرفت ,, واكتشفت ان فيه نوعين من فلتر موتر كرفت الخاص بالجربكس نوع اصلي درجه اولى ونوع شبيه درجه ثانيه وهو النوع اللى ينباع في البناشر ويقول لك انه اصلي مع انه مو اصلي اضافتاً ان سعره غالي بـ 60 ريال !! يعني ابو يمن بايع لك تجاري لا ورافع سعره كمان :(
ولو تعرفون وش عيوب التجاري اولها انك اذا فتحت طنجرت الجربكس تحصل الفلتر طايح ومستحيل يقول لك السبب لانه راح يركب واحد مثله تجاري
ثاني شي تدرون كم سعر زيت الجربكس الاصلي في قطع الغيار 9 ريال فقط :) وعند البناشر اسوا زيت بــ 15 ريال :(
ثالث شي نادراً البنشري ما ينبهك لتغير الزيت الموجود في ( البطيخه ) او الطنجره اللى في الجربكس لان فكها ياخذ وقت , مع ان كمية الزيت تكون في البطيخه حوالي 7 علب ومجموع الزيت اللى يكون بالجربكس ككل 12 علبه :(
رابع شي سيفون الماكينه الموجود في البناشر ماهو اصلي وانا قارنت بين الاصلي اللى اشتريته من قطع الغيار وبين الموجود في البناشر مع ان كلهم من شركة موتر كرفت
واكتشفت الاتي ,,, لون السيفون الاصلي ابيض ناصع والمقلد مايل للبيج او الحليبي ,, الجلد الموجود في وجه السيفون بالاصلي ناعمه ومتساويه الاطراف بعكس المقلد ,,, يوجد رقم على راس السيفون بالنسبه للاصلي ولايوجد بالمقلد ,,, واضح ان المقلد معاد تصنيعه من الشكل بعكس الاصلي ,,, سعر الاصلي بقطع الغيار بــ 10 ريال وبالبناشر 20 ريال ومقلد ..
برضه اكتشفت شي :D بالنسبه للبطاريات , البنشري يبيع البطاريه بــ 300 وياخذ القديمه ويبيعها بــ 70 ريال:rolleyes: لا ويحاسبك على شغل اليد 20 ريال
اما قطع الغيار يبيع البطاريه بـ 230 وياخذ البطاريه القديمه والتركيب مجاني
واهم شي تأكدو من تاريخ البطاريه وخليه يعطيك فاتوره ان تاريخ البطاريه صنعت في نفس السنه لان بطاريات موتركرفت ما عليها ضمان ...
معاً يداً بيد لا للبناشر بعد اليوم :D
وش رايكم اصلح اشتغل في وزارة التجاره |13|
