السلام عليكم ورحمة الله وبركاته
موضوعي وبإختصار
سيارتي ازيرا 2007 ماشيه 21 الف
عندي اصوات مزعجه بالديكور ( الكنسول الاوسط الفضي اللي فيه مكان الاكواب + الدرج او التكايه )
طبعاً الاصوات هذي عندي من كانت السياره ماشيه 13 كيلو بالعربي من استلمتها من المجدوعي
اصوات تكسير ترفع الضغط وتجيب السكر تطلع صوت زنه وطقطه مع المطبات او حتى بدون المطبات يعني معزوفات على كيف كيفك
كلمت الوكاله عن المشكله هذي في فحص الالف كيلو وقالو لي طلبيه وبعد عشرين يوم تجي
خليتهم لين مشت سيارتي 5 الاف وقالو ماجت وتجي بعد 20 يوم
فحص الـ 10 الاف نفس الكلام
الـ 15 الف نفس الكلام
20 الف نفس الكلام بعد عشرين يوم
سيارتي لها معي 8 شهور وهم كل ما اجيهم يقولون بعد عشرين يوم
يعني ما ادري ينتظرون الضمان يخلص ولا يبوني اطفش واتأقلم مع الصوت وهذا اللي مستحيل يصير لأني كاره السياره بكبرها بسبب كنسول ودرج
6 سنوات عميل عندهم ويفرقنا كنسول :D
جد ياشباب طفشت من السياره لأني صرت ما اطيق هالاصوات ابداً ابداً وانا احوم حول المعارض ماني بعيد عنهم الزم ماعلي راحتي
مشورتكم ومساعدتكم كما تعودنا منكم وبالمره لو تشوفون المهندس خالد القوصي يعطينا رأيه باللي حاصل
اخوكم بلا حدود
