يا اخوان يوكون ولا لاند كروزر؟؟؟؟

اللي سمعته ان الجمس محرك 8100 يسحب اكثر من سته اطنان او حوالي 13الف باوند تقريبا
وهو مخصص للسحب لان العزم فيه كبير وعالي جدا مثل االشاحنات

الواحد ياخذ السياره حسب ميوله انا شخصيا اميل بشكل كبير جداا لليوكون وعائلة GM حتى لو قالو فيه 100 عيب الهوى غلاب

السلام عليكم
اول شي اخووي اخذ الشي الي داش بخاطرك وكلها سياره والتيوتا معروف بتحمل ولاتصدق الي يقولك قطع الغيار بتيوتا رخيصه را بلعكس غاليه بنسبه لأمريكي .
وعندي ملاحظه حق بعض الاخوان المشاركين يا جمعه ترا اسمه جمس مو جموس
وفي اكس ار مو فكسار لا تخربون اللغه وتحرفون في الكلام وشكرا

والله لو معي قيمة ال VXR مافكرت بغيره , ولكن مد رجليك على قد لحافك ..

خلاصة الكلام عندك عائلة يوكن اريح وااوسع راعي بر ومقانيص لاند كرزور

لاند كروزر وبس :ch19:

الشباب ما قصروا وتكلموا بكل حياديه

لكن حبيت ابين نقطه وهي ان السياره الافضل هي اللي تلبي طلباتك

بالعربي اذا انت راعي بر ومطاعس خذ لك لند ولا باترول واذا انت لا راعي ديره وخطوط خذ لك يوكن ولا تاهو

وبالنسبه لكلام اخوي just chevro تقول ان اللاند 83 ما يمشي خطوط صح لان جودته ذيك الايام مهيب مره اما الان الجموس قلة جودتها والياباني زادت جودته وخير دليل انتشاره في بين الناس

اخوي برق وسحاب انا قلبي يميل للاند لكن مو انا اللي باشري السياره لذلك الامر يعود عليك شوف احتياجك وقرر

اتمنى اني افدتك بشي تحياتي لك

اقول انا والله العضيم خالي اشترى يوكون 2008 والله انه عااافه ورااح لعبد اللطيف جميل وطلب جي اكس ار 2008 تدري لييش باعه اول ما اشتراه كان فيه مشااكل بالجيير جلس اسبوعين بالوكاله بعدها صار فيه صوت اذا لف الطااره يمين بعدها بنشر عليه الكفر وجا ينزل الاستبنه ما عرفلها
اشوى انه بالديره مو مسافر ولا بالبر المهم ركب كفر ثاني وداه لكم بنشر قسم اني كنت معااه ولا وااحد عرف ينزلها
ببساطه السياره ما وثق فيها وطاحت من عينه وهو الان ينتضر الاند كروزر الجي اكس
تحياتي

لاحول ولا قوة الا بالله


للحين انتم تتهاوشون بهالمواضيع :)

كل واحد يتعصب لسيارته ويحاول يطلع نفسه انا الحيادي وغير المتحيز


انا مجرب الاثنين سواء ياباني وامريكي او لاندكروزر ويوكن


تختلف حسب نوع الاستخدام

والقناعه الشخصيه

ماراح اقولكم رأيي رغم اني مجرب السيارتين فتره كافيه للحكم :)

نصيحه لاتكتب موضوع ولا شي

استأجر يوكون واستأجر لاند

وجرب على راحتك

وخل عنك العضو الفلاني يمدح مواصفات هالسياره وان فيها مكينه وقير ونظام تعليق ومدري وش


اغلب الاعضاء معلوماتهم نظريه يقرا بهالمنتديات ويجي يقولك

مايدرون ان من استشارك دخل بذمتك :)

معلومات قيمه

انا ودي بس بقوة جر الموتر كم يقدر يسحب من طن

وبالنسبه للموتر اللي بالمقطع مليون بالميه 8100 ترا نعرف نفرق راس مالها فتحة كبوت

واعرف انه خلق الله تاخذ 2500 وتحط علامة الـ 8100

المهم لاهنت على المعلومات

الله يهديك يامستشارنا

اللاند واضح من صوته انه 6 سلندر لو اجيب اخوي الصغير قال سته سلندر

ياخوي نبي عدل ماعمري شفت محبين التايوتا جايبين مقطع تحدي بين لاندكروزر وبليزر على طعس

لانه الشي هذا مايرضينا كون المقطع ماهو عادل الاشياء ذي نشوفه عندكم

واعيد واكرر اللي معه تاهو يسير علينا بكرا لو وقفه بس نجرب معه

ويستمر الجدال ..... |4|

اخوي ولد وايل ترى مهوب كل جمس عليه علامة 8100 في الخلف يكون اصلا 8100

استكر 8100 موجود عند محلات الزينة والصدام ابو فتحتين موجود بعد .

وياما في ناس معروفين ومزعجينا ان مواترهم 8100 وهي اصلا 6000 او 5300



http://www.assayyarat.com/forums/showthread.php?t=84931&highlight=Vortec

برضو المقطع الثاني ما اعجبكم ليش ما قلتوا احتمال يكون vxr محرك 4.7 بدل ماقلتو 4.0

لاتعليق ;)

بين سييرا ولاند وتقول متكافئة ..!!!!

المتعارف عليه اذا تبي تعرف قوة سيارتين على مرقى ماتخليهم يرقون حول بعض كلن له جره

المفروض كلهم على جره وحده بالدور حتى يكون فيه عدل لانه ماتدري هل جرة لاول اسهل من الثاني او لا هذا اولا

ثانيا كيف تقارن مكينه 8100 بمكينه 4500 و 6 سلندر



ياليت تجيب لنا وزن الـ 8100 فارغ مجرد الكلام بدون اثبات لا يقدم ولا يؤخر



اذا كانت الكفه متعادله من ناحيه حجم المكينه وطبيعه السياره وانا اخص سيارات الدفع الرباعي

حتما النتيجه من صالح تويوتا




ممكن تعطيني دليل على انه الجمس دفرنس واحد يكون بعلمك راعي الجمس اعرفه وموتره دفرنسين

ولو تبي اسدح لك صور لموتره ماعندي مانع



اسألك بالله هذي عادله بين موتر سته سلندر حجم لاميكنه 4000 سي سي
مع موتر اخف وبمكينه 5300 سي سي عجيب امرك

وزن السييرا باب واحد اللي موجود بالمقطع 4825 باوند
والجكس ار وزنه 5690 باوند هل فيه مقارنه ..؟؟؟؟

http://www.toyota.com/compare/index.html#h_overview


انا اعيد واكرر ياليت اللي معه تاهو 5300 يسير علينا بكرا نجرب معه وبس

المقطع هذا ماهو مالي عينكم
رغم التفوق الملحوظ للجمس السوبربان ذو الوزن الثقيل الي وزن الشاسيه حقه يعادل وزن اللاندكروزر كامل ومع العمل ان شاسيه ال 2500 اثقل واقوى من شاسيه ال 1500 وغير كذا 8.1 اثقل وزن من 6.0 يعني وزن السيارة ثقيل ولا يساعدها في قطع الرمال ومع ذلك تفوق وغير كذا ان البعض يدعي انه غير مخصص للتطعيس ونظام تعليقه غير مخصص لهذا الشئ وهاذي سواته اجل لو كان مخصص لها وش بيصير وبنسبة 99%100 ان الجمس دفرنس واحد اجل لو دبل وش بيصير
خلاص هذا مقطع احسن منه ومحرك 5.3 بناء على رغبة البعض بين سييرا 2008 ولاند 2008 واظن المعادلة متكافئة وشوفو الفرق

كيف تفوق السييرا

[YOUTUBE]zNr-y-UOn1U[/YOUTUBE]

يا حليلك أنت

وهل أنت هنا للدفاع عن اليوكن أم للدفاع عن كل ما هو أمريكي!!

-------

والحمد لله ما عندي مشاكل حالياً لأني عارف ماضي شركة JEEP وعارف حاضرها

وعارف ليش سيارات الجيوب يسمونها أغلب الناس جيب تيمناً بإسم هذه الشركة السباقة سابقاً في سيارات الدفع الرباعي.



ولكني أرجع وأسأل نفس السؤال بصيغة أخرى

لماذا اليوكن لا يعتبر سيارة جيب في عُرفنا!!؟؟؟؟؟

الله يوفقكم جميعاً

سلام