وش الحل يالربع في كمبروسر سيآرتي .؟

zeen-45 @user_90086 · 06-04-2008

السلام عليكم :cool:

طبعا هذي أول مشاركه لي بهذا المنتدى الرائع وأتمنى أني أفيد واستفيد منكم ..,,

المشكله أنا عندي كورولا 2003 قبل أسبوع عبيت لها فريون نوعه ( صيني ) وهو الوحيد الموجود بالسوق بالصناعيه وكل شيء تمام بالتبريد المكيف بعدها بيومين طلع عندي صوت بالكمبروسر طقطقه الموهم خليته كذا 3 أيام وهو على وضعه ..

بعدها وانا كنت ماشي بالطريق أختفى التبريد وطلع هواء حار وقفت السيارهـ أشوف الكمبروسر وقف ماعاد يشتغل وأروح للصناعيه قالي وآحد أنه انتهى الكمبروسر (( جيًم ) ويبيله تغيير ولايتصلح نقزت للوكاله وسألت عنه قالي بـ 1400 ريال :( قلت منا يالحيبي قال مافيه وأرجع للورشه قالي شوف التشليح ودور لك وتعال واركبه لك وأنظف لك الدوره ( مواصير ) المكيف كامله وبعدها نتفاهم على السعر ..

الزبدهـ هل الكمبروسر مايتصلح اذا وقف وبعدين وشرايكم بالمستعمل ..!! ؟

أتمنى تفيدوني بهالمسأله ..:confused:

MERCEDES 600S @user_49659 · 12-04-2008

اخوي zeen-45

شوف الرابط هذا
http://www.assayyarat.com/forums/showthread.php?t=126319
وتأكد من اللي راح تعبي منه الفريون
ويقول وينصح بعدم تعبه من الصيني لانه ((((مغشوش)))

يعني من نفس اللي عبيت منه انت

الله يوفقك ويسهل امرك

الراييق @user_49117 · 08-04-2008

والله بغيت اكل نفس المقلب المكيف يطلع هواء حار قلت راح الكمبرسر وطلع الكلتش طايح وانا حصلت كمبرسر كورولا 92 مستعمل 350 ريال وضمان ثلاث ايام وانصحك روح لمحل ثقة وخذ الكمبرسر على الشرط

فني سيارات @user_8460 · 07-04-2008

المستعمل افضل وانت ونصيبك
ولكن تاكد اكثر من الكمبريسر القديم هل فعلا ضرب خلاص او ممكن تصليحه يعني كلتش او رمان بلي
احيانا الرمان بلي البرينج يضرب ويخيل للفني ان الكمبريسر كله ضارب ولكن اذا الرمان بلي فقط هو الي ضارب بيكون المكابس الي داخله جيده وبحاله ممتازه ممكن تمشي عليه
ولا اعتقد ان الفريون هو سبب ولكن عدة اسباب تجمعت معاك و قدر الله لك ذلك

معلومات عن مكيف السيارة
http://www.assayyarat.com/forums/sho...d.php?t=102344

<نمر> @user_17936 · 06-04-2008

تصليحه وان كان ممكن لكن صعب وغير مجدي من الناحية المادية

مستعمل نظيف افضل و اسهل مع التاكد من نظافته وان ضغطه كويس (غير مستهلك )

والله اعلم