الباثفايندر 2008 LE مسحوب بالكامل من السوق

اشور عليك بالمعارض ..

تلقى اللي تبيه ان شاء الله وبسعر أرخص ..

وخصوصاُ أن الباثفيندر من بعد 2005 ما عاد عليه هذاك الطلب اللي قبل .. (بسبب الحجم والشكل من وجهة نظري ) ..

لكن المشكله في المعارض انه احتمال ما تحصل الوان كثيره او مواصفات كثيره ..

اتمنى لك التوفيق ان شاء الله ..

اخي bargima

هل تقصد جميع الالوان غير موجوده ام انت مختار الوان محدده وبمواصفات محدده ؟

ياريت توضح اكثر علشان نساعدك ؟

السلام عليكم
المعروف عن الوكالات انها اذا لم تحصل السياره عندهم ممكن يطلبونها لك من فرع ثاني
اخوي الفاضل انا يوم اشتري الاكستيرا طلبت فل لونه فضي و ماحصلته عند فرع القصيم وقالي البائع فيه واحد بحائل ويوم رفع السماعه عليهم قالو له محجوز من قبل البنك الاهلي قلت مافيه غيره قال لحضه وقعد يطقطق بالكمبيوتر وبعدين قال لي مافيه شي بالسعوديه كلها وفيه دفعه تبي تجي خلال يومين ثلاثه مشيت من عنده وكلمت الرياض ورد علي واحد قلت له ابي اكستيرا فل فضي وقالي موجود بصوت خافت وطلب رقم جوالي وعطيته الرقم وبعد شوي دق علي تعرفت عليه وقلت له انا من القصيم وابي هسياره وقالومافيه بسعوديه كلها وشلون تقولي انت انه عندك وقالي السيارات الي نتوقع رواجها ننزلها من النضام بحكم انها مبيوعه وهي موجوده عندنا علشان العموله التي ياخدها من العميل
وقالي بالحرف الواحد كلن يدور مصلحة نفسه جلست اسبوع وبعدين دق علي فرع القصيم وقالي السياره وصلت تعال استلمها
ولكن الغريب اني سئلت بائع في شركة تايوتا فرع عنيزه وقال لي انهم مالهم عموله على بيع السياره وهذا عين الصواب ولا يكون فيه مشاكل بين الباعه

وكالة نيسان ماتبطل عوايدها ..

وأعتقد إن هذا التصرف يدل على سوء الوكيل لدينا ..

في عام 2005 م

ذهبت إلى وكيل نيسان (( الحمراني )) وقد عقدت العزم على شراء أرمادا 4×4 (( لون أسود ))
تفاجأت بالرد منهم
بأن عليه طلب غير طبيعي .. ولن يتوفر قبل 3 أشهر
وذهبت إلى معارض النسيم .. ولم أجد ما أرغبه ( عدم توفر 4×4 ) .

توجهت بعدها مباشرة إلى عبداللطيف جميل .. وأشتريت برادو .. وأستلمته خلال ثلاثة أيام .

المشكلة ليست هنا ..

المشكلة أنني صدقتهم في البداية
ولكن بعد مرور 3 سنوات .. أكتشفت بأن الوكيل فاشل ..وهو من يظلم سيارات نيسان بسوء إدارته
والدليل على ذلك
كم عدد سيارات الأرمادا الآن ..؟؟؟
وهل فعلاً عددها الآن .. يدل على أن الطلب في ذاك الوقت .. كبير جداً لدرجة أن نتنظر 3 أشهر ؟؟

وأعتقد كما فعل بالأرمادا .. سيفعل بالباثفيندر ..

أتمنى من كل شخص يريد الشراء ولم يجد في الوكالة .. أن يقوم بمراسلة .. المركز الرئيسي في دبي ..

ويقول لهم .. لأنني لم أجد باثفيندر الذي أريده لدى الوكيل .. سوف أتوجه إلى الوكلات الأخرى لتوفر لي سيارة أخرى بالمواصفات التي أريدها ..

السلام عليكم
والله ياخوي انا زيك كنت ناوي على الفل لكن تعبت وانا انتظر كل مااروح يقولون بعد اسبوع واخرتها احد المسئولين قال مااعتقد نجيب وتوكلت على الله واخذت اللي تحت الفل تقريبا نفس المواصفات المهمة