اخواني السلام عليكم
انا انسان عادي جداً
سيارتي الحالية كامري 96 ابيض رصاصي من اسفل جناح وديكور خشب ( ليمتد )|1|
والسيارة هذي فعلاً اثبتت انها فعلاً سيارة 12 سنه تحملتني تصدقون على ان سواقتي من جنبها
لكن من حبي لها احافظ عليها وماتعبتني من ناحية اعطالها قليلة بالمرة
ولانه خدمتني خدمات جليلة حبيت اشارك البشرية جمعاء بخدمات سيارتي الكامري
المهم قلت ,,,, بقلبها ليموزين :D
من جد والله ليموزين عشان تخدم العالم كله لانها معطائه و لأن الحالة الاقتصادية لأخوكم متهالكه بعض الشيء
المهم انا الان في الاجراءات الاخيرة لتكون ليموزين
والان افكر في سيارة ايجار منتهي بالتمليك واسدد ايجاره من المكده :D
فكره صح ويمكن غبية لكن المضطر يركب البحر
العائلة كبرت وابي سيارة عائليه أنا مانيب راعي بر ومقناص ولاعندي ميزانية محدده ولاعندي مشكلة من ناحية الاسماء او بلد التصنيع
اهم شي القسط من 1000 الى 1500 ريال يعني السيارة بدفع ايجارها في 5 سنوات
واهم شي كذلك تخدم مثل الكامري 12 سنه وبعدين اقلبها توصيل معلمات :D
وش قلتوا يالحبايب
وش ترشحون لي موتر
