GRAND CHEROKEE OVERLAND 2008

اذا عاجبتك وتبغاها ,, لا تشتريها الان انتظر لنهاية السنة
اذا كان عندهم 2007 اعتقد انها فرصة جيدة

واحذرك من سوء الصيانة ,, تراهم جدا تعبانين وما يفهمو .. انا سيارتي ماشيه 28000 كم وقررت اني ما ارجع لهم بسبب سوء الصيانة.

وقطع الغيار غالية وغير موجودة اللا في الوكالة

هالسيارة ما يكتمل "جوها الخاص" إلا بالمحرك الهيمي 5.7, و موديل 2009 مو بعيد.

ألف شكر يا غالي.

2007موديل الاوفرلاندر صفو عليه كاش 127الف ريال من قوه محد يبي يشتري منعندهم

والله انا أنصحك فيه |1|

سياره عصريه وبقوة خياليه |1|

الوكيل هو المشكلة , البعض يمدحه والبعض الآخر يذمه :(

اذا السياره ماخش راسك غيرها توكل على الله وخذها دام انها جديده ان شاء الله مافيها مشاكل |1|

والله الله بالهيمي :D

بالتوفيق ,,

تحياتي,,,

الجراند شروكي موتر مايحتااااج ولاجيب الا جيب :)

لكن عيب هالوكيل ( المتحده ) ماقد شفت احد يمدحه !!

والله ما الومك سيارة لها جو خاص ...
من مصادر شبه مؤكد ان لم تكن اكيده :
-الشكل بيتغير كليا في 2011
-اذابتشتري وكاله وكان خيارك محرك الهيمي 5.7 فانصحك تنتظر الى 2009 لان المحرك بيضاف له تعديلات ترفع من قدرته الحصانيه الى بحر 370 حصان :emot4:

واي استفسار اخر حاضرين ...

بصراحة، أشكركم الشكر الجزيل VIC و fun1 على ردودكم.

المشكلة أنه ما صلح لي حتى الآن غير هالسيارة، و إن شاء الله شاريها شاريها و لازم وكالة بعد.

هل من معلومات عن احتمالية تغير شكل السيارة أو بعض المواصفات في الموديل القادم أو اللي بعده؟

السلام عليكم

موفق اخوي ان شاء الله

من تجربة شخصية اقولك:

انا شاري جراند شيروكي 2001 من الوكالة - سعودي مو امريكي -

سيارة ممتازة جدا و قوية وحجمها وفخامتها وربما لاتجد سيارة تقارنها تماماً .

من ناحية الوكالة اشهد الله ياناس الوكالة ( المتحدة للسيارات ) افضل وكيل شفته والله .

افضل التوكيلات - الفااااااشلة - وحتى من تويوتا -

خدمة واستقبال وتصليح ويشتغلون فعلا لمن يقولون لك غيرنا فعلا غيرو و بعض الاحيان يحطون لك قطع اللي تغيرت في السيارة .

مافي غش او تهرب او خداع مثل بقية الوكالات .

في تويوتا مثلا يقولون لك صيانة1000كيلو مجانية ( طبعا مجانية لأنهم مايسوون شي والله من كلام موظف تويوتا نقول له متى تخلص السيارة اليوم ولا بكرا ؟ قال ليش ؟ تعال بعد شوي وخذها قلنا له ماتسوون شي قال لا بندخلها على الفني ويشوفها مثل ما انا شفتها من برا ويطالع تحتها وبس . )

المتحدة الصيانة الاولى 5000 كيلومتر مجانية وفيها تغيير بعض ا لقطع من فلاتر وزيوت.

ولاتستلم السيارة الا بعد التست رود والغسيل - اذا خلص الدوام ولا صار التست رود ماتستلمها هههه صارت معاي والله - .

عيوب السيارة :

1- بعض القطع غالية وبعضها عادية مثال ( تغيير بريكات وهبات الاربع للسيارة ارخص ب30% من تغييرها في اليوكن تقريبا ).

2- سعر السيارة بعد الاستخدام سنوات ينزل في هالبلد هههه والسبب هالسيارات الامريكية + مافي ناس تقدّر السيارة بصراحة .
من هنا اقترح عليك تدور السيارة في المعارض حتى يكون سعر السيارة اقل عليك ولو بعت بعدين تكون خسارتك اقل .

3- الاوفر لاند فعلا رههههههههههههيب جدا وهو خياري من فترة لكني غيرت رأيي هذه السنة .

4- المكيف أمامي + وسطي فقط ( مايناسبني )

5- المقاعد ل5-6 ركاب ( مايناسبني )

السيارة تغيرت كلياً عن الموديلات السابقة . بقوة و اعتمادية اكثررر .

موفق اخي الكريم

السيارة افكر فيها جديا من فترة ومتردد ...
السيارة كقوة ومتعة قيادة ودفع رباعي ما عليها كلام لكن تبقى مشكلتها في الوكيل وبالاخص قطع الغيار
هل يعقل زجاج خلفي ب 3 الاف ريال وعليها لموديل 2003 (تجربة شخصية) !!!!
فيه نقطه احب انوه عليها عشان ما نظلم السيارة واحب ان الاخوان يراعونها وهو ان اغلب ملاكها اللي يشتكون منها تكون السيارة وارد امريكا يعني مستخدمه وقليل من تجد سيارته على يده من الوكاله وهذا يفسر سبب كثرة المشاكل احيانا ...

طمّنّا kuja. هل تم شراء السيارة؟ و ما البدائل المنافسة المقترحة؟

بالنسبة لي، أعجبتي السيارة بمواصفاتها، لكني متردد من "خدمات ما بعد البيع". لذا أقوم حاليّا بالبحث الجاد عن جميع المواضيع و آراء المجربين لهذه السيارة. و قد يفيدنا أكثر خبيرنا salehhd.

تحياتي،،،

السلام عليكم

الجراند شروكي من الجيوب المتوسطة القوية والفخمة لكن السعر مترفع نوعاً ما وبهذي القيمة قد تجد خيار افضل
مشكلة السيارة الاساسية هي الوكيل فخدمات مابعد البيع دون المستوى ومبالغ في اسعار قطع الغيار