الحين اكثر الناس تقول حسب الاستخدام طيب اي سيارة لو عاملتها بهداوه بتعيش معاك حتى لو انها داايوو ,, واكبر دليل شوف سيارات الشياب كوريات ومعمره معاهم ,, السياره نحكم انها ممتازه لو كرفتها كرف الويل ونادر ما خربت هي اللى تستاهل الاشاده ,, بالنسبه لي انا اتوقع الفورد هو افضل الموجود بالنسبه لسيارات الامريكيه وليس الافضل ,, انا استخدمت الكابرس الصابونه والله والله والله اني كرفته كرف مطبات اخطوط طويله متواصله جو حاار بارد يمشي معاك طبعاً الصابونه من 93 ونازل ,, حالياً سيارتي فورد واسافر عليها من الشرقيه للمدينه يعني تقريبا 1400 كيلو اضطرت مره اسافر للمدينه من الدمام وارجع بعد يومين والله ان وصلت لدمام وما فيه غير حنة الماكينه اليوم الثاني شغلتها امشي فيها ثقيييله كاني اسحب وراي شي والمشكله سفري كان بالليل يعني الجو بارد ,,, ما اقول غير الله يعوضنا بالكابرس
اتمنى احد يرشح لي سياره تجمع المواصفات شي
السعر المناسب
الرساوه بالطريق
جودة المواد الداخليه والخارجيه
قلة الاعتماد على الاكترونيات
جودة الصناعه
اتحدى فيه سياره بالمواصفات ذي غير الكابرس القديم
والله يالغالي انا عندي ماركيز 96
سافرت عليها من المدينة للشرقية تقريبا 20 مرة
وكلها دعسة وحدة يعني اوقف اعبي بنزين واكمل وماشي طبلون السيارة
وأزيدك من الشعر بيت مرة جيت عليها في الاجازة الصيفية واخذها اخوي الكبير اليوم الثاني راح فيها الى أبها
وأول مارجع وياخذها اخوي الثاني وللطائف
تمشورت مشورة مايعلم فيها الا الله مشت تقريبا مسافة 30 الف كيلو خلال فترة بسيطة جدا
ومازالت الى اليوم الحمدلله تكد وماتقول لا
والحين اسبوعيا رايح فيها وراجع من المدينة الى ينبع والعكس وطول الطريق 170
الحين ماشية 314 الف كيلومتر
أمس المرة الأولى اللي تخرب علي وتوقف في الخط وأتوقع انها من جلد البلوف
راح انزل موضوع في المنتدى عسى حلها بسيط
لاتنسون تقولون ماشاء الله :)
