أحب الاكسبلورر لكن الناس مانصحوني فيه ، مارأيكم يااهل الاكسبلورر؟هل فعلا مشاكلة كثير؟

احنا كان عندنا اكسبلورر موديل 2004 سعودي ((وكالة))((مالك واحد))

وصراحه من شريناه لين بعناه قبل تقريبا شهر

ماغيرنا فيه الا القطع الاستهلاكيه وخرطوم تبريد انقطع وصلحناه بحول 1500 ريال فقط

وصراحه مريح وقوي ومع الدبل مستحيل يغرز في البر

وترى بعد لو تلقى اكسبلورر امريكي 8 سلندر احسن واحسن لان السعودي 6 سلندر وماشاء الله قوي

صراحه من وجهة نظري جيب قوي ومن اقوى سيارات فورد بل من اقوى السيارات الامريكية

والله اشوف انه سيارة حلوهـ

بس نصحني احد الشباب هنا بالمنتدى ..يقول لا تاخذ من موديل 2006 ونازل !!

اذا بغيت اكسبلورر خذلك من 2007 وفوق ..والله اعلم

أبتعد من اللأمريكي نصيحة مجرب كان معي 2005 طلع الشيب في راسي على حسن شكله وقة أداءة ونجاحة في الفحص تطلع عيوب المريكي شوي شوي
منها مايغيرون الزيت زود بس وامش الوكاله في الحاره ولا خويي معه 2004سعودي ممتاز ماشكا منه

كم سعر الاكسبلورر 2009فل كامل

أنا مسجل جديد في المنتدى ..وبحول الله سأفيد أهل الاكسبلورر بل أهل الاكسبلوررات مع أني لا أهتم بدخول الانترنت كثيرا..وقد تفاجأت وانزعجت كثيرامن ناس يكتبون هنا عن هذه السيارة وهم لا يعرفون عنها شيء ويقعون في أخطاء كبيرة جدا ..سيارتي هي إكسبلورر v8 2002 ولها معي 3سنوات ولا أقول إلا ما شاء الله تبارك الله عملية اقتصادية فخمة جدا قطع غيار متوفرة لدرجة إني غيرت جنزير المكينة ومزلقاناتها وشدادها ووجدتها في الشركة وهذا كله صيانة عادية لكل السيارات تصلح للعوائل الخفيفين والشباب والسفريات الطويلة في الرمال ممتاز جدا وفي المناطق الصخرية يتعبك شوي لأنه نازل .....وهناك مشكلة كبيرة ,,وكبيرة جدا ليس في هذه السيارة ..لالالا ..بل في الفنيين اللي عندنا في السعودية من كهربائيين وميكانيين سواء في الشركات أو في الورش الخارجية ..فأنت إذا جيت في الشركة قالوا لك غير قطع وكالة وهي بالإمكان إنها تتصلح ,, والذين في الورش أغلبهم ما تعلم إلا عندك .... وقد حصل لي قصص كثيرة من هذا القبيل ..نسيت أقول ترى فيه فرق كبير بين السعودي والامريكي أقصد بين الستة والثمانية مثلا الثمانية ما فيه أسلاك بواجي والمكينة على شكل v

وخلك من كلام الناس هذا كلام انت جرب وشف حنا الاكسبدشن من ثاني يوم طلعنا به للبر وشي قوي وبعدين الفورد بصفه عامه تكفيك عن كل اسيارات انت جرب وزيما يقول المثل التجربة خير برهان

شف اخوي اذا انت عاجبك فا انا انصحك به يكفيك انه من شركه عريييييقه حنا كان عندنا اكسبدشن 99 والله ممتاز وحتى الان مع عمي ونطلع به لبر مايغرز وهو ثقيييل اجل الاكسبلورر وش يبي يصير من تجبره صراحه عزم ولا اروع وعزل في الخط وراحه وصوته ...لاتعليق طرببببب والله كفوا هالموتر وابعد وانا اخوك عن جنرال موتورز التاهو والشله عند خالي يوكن مواصفات بااااايخه وسعر نار وفي البر ماينفع ولا بريال الهوندا الاكورد في البر احسن منه وصوته عادي وفي الخط المرتبه الاخيره تعووووور بزياده والدبه او الشنطه صغيييييره وعلشان تشيل المرتبه يبغالك واحد يقواها اما الاكسبلورر والاكسبدشن لا بضغطت زر وتنزل خاصتا الفل كامل من موديل 2003 الا الحين والمراتب تنصفط بزر

كان معي 2005 وكنت أعاني من ضعف تبريد المكيف فقط ، أما القوة والراحة ممتازة ، والآن والحمد لله معي 2008 ومافيه مشاكل حتى الآن . وتبريد المكيف ممتاز بعد ما اضافوا له قوة قصوى للتبريد وماراح تحتاجه .

ومن ناحية المقارنة مع سعر اليوكن .... اليوكن 133 ألف ريال أما الاكسبلورر أقل شيء بـ 97ألف ريال

اخي الحبيب ،
عندي اكبسلورر وكالة 2002 و انا ابحث الان عن سيارة اخرى ، وبصراحة من كثر اعجابي بها افكر ان اشتري اكسبلورر 2008 ، طول هذه السنوات اثبتت قوة تحمل وقوة جر وتسارع رهيب وثبات على الخط ، والمكيف رائع لجميع المقاعد ولا تسمع كلام العوام ..

اعمل استخارة وعسى ربنا يوفقك ..

والله مع الاسف ان الاكسبلورر يذمونه كثير،

مع ان شكله ناجح ناجح ناجح ، اكشخ جيب عندي بصراحة، رهيب.

الله المستعان، والله يكتب الي فيه الخير للجميع،

ونسأل الله التوفيق لنا ولكم ولجميع الي ردو على الموضوع.

^^^^^^^^^

كم فرق السعر عندكم؟ عندنا بالكويت اقل فئة من التاهو اغلى من الأكسبلورر ب 3000 دينار تقريبا (42 الف ريال)

كيف تشتري اكسبلورر والفرق بينه وبين التاهو بسيط من ناحية السعر ؟!

عزيزي " Gantool "

امتلكت قبل فترة فورد اكسبلورر 2007

لمدة قصيرة " نوعا ما " ولكن من خلال قيادتي له لاحظت التالي :

1. قوة المكينة ضعيفة مقارنة بحجم وثقل السيارة .
2. الدبل فيها ضعيف ومعقد .
2. العزم متوسط ويضعف اذا كانت السيارة فيها اكثر من 6 ركاب .
3. المكيف تبريدة متوسط .
4. ومع ذلك فهي مريحة جدا وراسية على الخط .
5. وكيلها ممتاز مع أن أسعار قطع غيارها مرتفعة .


بالتوفيق

pnrb يعطيك العافية، ريحتني نفسياً شوي.

ريكمارو، حبيب قلبي انا اسال عن الاكسبلورر، لاغيرة.

والله وانا اخوك المشكلة الناس تتلكم وماتدري عنه مشاكل ومدري ايش
نصيحتي لا تصدق الا واحد معه السيارة
فورد شركة ممتازة
ويكفي وكيلها الي يعد من افضل الوكالات في السعودية
عندنا 4 سيارات من فورد
2 فكتوريا
اكسبدشن وانا معي ايدج
ومرتاحين الحمد لله
ومثل ما قلت لك لا تصدق الا واحد معه السيارة

2003 بالفعل كانت فيه دفعات فيها مشاكل. بس كان عند نسيبى 2003 وتوه من شهر تقريبا باعه واشترى 2008 ولحد ما باعه عمره ما اشتكى من الموتر. 2005 ماسمعت احد يشتكى منه (عند أخوى واحد) بس المكيف ضعيف

من طراز 2006 والموتر ماشاء الله ممتاز وماسمعت عن اى مشاكل لحد الأن