1- أني ما أحرق البوري كل مشوار أطلعه على واحد غشيم بالسواقه ومدري من وين مطلع الرخصة.
2- أني ما افقع عيون اللي قدامي من كثر ما أكشّح (أكبّس) عليه.
3- أني لما أجي ألف، محد يسقط علي.
4- أني لما أبي ألف يمين من عند الإشارة، مايكون أحد واقف على آخر الخط اليمين وساد الطريق على العالم مع ان بقية المسارات اللي على اليسار ياتكون فاظية او فيها احد، مدري ليش كذا لازم يكون هو اول واحد وطز فيك انت اذا بغيت تلف يمين تنطق لمين تفتح الإشارة او انك تنزل وتجلده.
5- أني لما أكون ماسك الهاي واي بالخط اليسار مايجي واحد وراي ويفقع عيني بالزنون القرمبع حقه يبيني أوخّر مع انه مافي مجال الف يمين بسبب وجود سيارات الا بحل واحد بس، اركّب مراوح هيليكوبتر على سقف الإيبيكا وأطير فوق عشان حضرة جنابه راعي القلاردو يعدّي ويفكنا شره.
6- أني لما أجي اوقف عند بيتي ما القى أحد ملحّم السيارة عند الباب، لا ني قادر البّق السيارة ولاني اقدر ادخل البيت.
7- أني لما اوقف سيارتي عند سوق، بيت، دائرة حكومية، اي زفت، ما اجي والقاها مشمّخة او مصدومة من بزارين او من سيارة مجهول.
8- أني لما أكون واقف بالسيارة عند الاشارة مع اهلي، ما اسمع دسكو جمبي او اشوف شباب يستعرضون مهاراتهم بالرقص الشرقي والغربي والجنوبي والشمالي.
9- أنه اذا فاز اي فريق كورة ماتصير بلاوي بالكورنيش وتجمّعات هبالة ومضايق خلق الله.
10- أني اروح محطة بنزين ومايكون 95 مخلّص.
11- أني ما اشوف احد واقف عند الاشارة ويعمل سيفون لخشمه او يتفّل.
12- أني أكون واقف عند اشارة وما اشوف طرارين خصوصاً حريم.
13-أني أشوف سواق مطعم - سواق باصات مدارس - سواق مخابز - سواق شركات يمشي بهداوة وبشويش.
14- أني أشوف ددسن البلدية مافيه عمال بالحوض.
15- أني أشوف الكورنيش أو الهاف مون أو أي حديقة فيها نوع من النظافة.
16- أني ماشوف واحد يرمي علبة ببسي وهو ماشي من السيارة او علبة دخان او الزقارة أو منديل.
17- أني ماشوف واحد داعس 260 وسط حارة.
18- أني ماشوف سائق يغلط عليك وغصب يبي يطلّعك انت الغلطان.
ونفسي ... ونفسي...... ونفسي... ولكن....؟
(هذه كلمات من خاطري وهي غير منقوله والرجاء عدم نقل الموضوع بتاتاً إلاّ بموافقة من كاتبه)
