يوكن دينالي 2008&فورد اكسيبديشن 2008

أخوي العملس

أنا أنصحك بـ الاكسبيدشن لان الصراحه يتحمل أكثر من الجمس

وبعدين الوكيل ممتاز

والموتر معي 5 سنوات مافيه أي خراب أبداً

وفي البر ممشاه حلو بالنفود أزين من الدينالي

والصراحه الجديد شكله خيال

وكم من ناس يشتكون من الدينالي واعرفك واحد طلع يوكون ماكمل شهر معه

ماشي تقريبا 200 كم فقط وصار الدفرنس يهرب زيت

ووحد اخر يوم رقى مطب خفيف على سرعه انفتحت الايرباقات

الدينالي خرباته كثير والوكيل لك عليه

ام الاكسبيدشن ما اذكر احد كر فيه خربات ووكيلهـ توب

ومثل ماقلتلك في البر أزين بكثير من الدينالي

وانا الصراحه مافيه محل ما رحت فيه تقطيع شعبان ونفود

والى هالحين ماشي توب

واتوقع الفورد من احسن السيارات الامركيه الي تصبر

ولك الاخيار

وبالتوفيق ,,

الف شكر لكم اخواني وربنا يقدم الي فيه خير استخرنا والاسبوع الجاي ييسرها الله

إذا تبي راحه من الصيــانه خــذلك الأكسبدييشـن
وإذا ماعندك مشكـله بالصيـانه خـذلك الدينالي
لكـن خذ في بــالك إذا بتاخــذ أكسبديشن حط براسك أنك ماراح تبيع
وإذا أنت ناوي فتره قريبه وتبيع يعني 4 أو 5 سنين خذلــك دينالي

أنا أنصحك تجرب السيارتين في الوكالة كي تحكم وتتخذ القرار

بالتوفيق

انصحك بالفورد
و توجد رسالة على الخاص اتمنى ان تساعدك
دمت بخير و عافية ...

مرحبا اخوي واتمنى هذي بعض الصور لكل السيارتين :

الدينالي من الداخل



من الخارج




اما هذه الصور فهيا لفورد اكسبدشن

من الداخل فورد اكسبدشن لميتد



من الخارج




اخوي الكريم بيني وبينك اميل للدينالي لكثرت مميزاته مقابل الفورد اما بالنسبه للمساحه الدخليه ممكن المرتبه الثالثه تنزلها بالبيت اذا بغيت تسافر وترجعها اذا رجعت من السفر لانها خفيف جدا وسهله الفك والتركيب ماتاخذ دقيقه ..

بالتوفيق اخوي اشتر الي ترتاح له انت وتشوفه مناسب

صوتي الى الدينالي وبقوووووووووة
مايميز الاكسبيدشن هو المقعد الثالث قابل للطي وحيز القدمين ... اما المواصفات الاخرى فلصالح الدينالي ... وانت واحتياجك وذوقك ..

أخوي رفيع الشأن ماقصر

والاكسبديشن بدأ يكتسح السوق وبقوة..أنصحك بالليمتد لون أبيض كريمي أو لؤلؤي كما يسمى

عن تجربة لليوكون والاكسبديشن كلهم 2007 وبدون شك الاكسبديشن تفوق وبجدارة في كل شئ


القرار الأخير بيدك واستخر والله يوفقك

بشكل ما تتخيل قد ايش تهمني المساحة الداخلية بالذات بعد ما شفتها بالاكسيبدشن

بعدين المشكلة اصلا اكتشفت بالدينالي ان مافيه مكان لو لانبوبة غاز تبغى تعبيها!! يعني انا معي كابريس بصراحة اول شي يتوقعه الشخص انه يلاقي مساحة للتخزين اكبر في سيارة اكبر بعد ما دعبست فيه لقيت ان الكابريس مساحة الشنطة فيه خير من 2 دينالي والله تضايقت,,,يا اخي يوم يخش دماغك سيارة وتلاقي فيها عيب والله تنجن فعلا.

شكرا لك اخي الكريم

اكسيبديشن 2008

والله دينالي افضل

لكن اذا كان يزعجك شكلة الشبابي البحت فالخيار الاكسبيدشن الليمتد

من كلامك اخوى اشوف ان المساحة الداخلية مهمة جدا بالنسبة لك. إذا كان هذا الأمر فالإكسبدشن هو الخيار الأفضل

شغلة دييفيدى وكاميرا تقدر تركبهم خارج الوكالة وتزيد عليهم سلة خلفية تركب على مكان القلص واكسسوارات ثانية ويضل معاك فلوس تمول سفرة على حساب فرق السعر بين السيارتين

عز الله انك جبتها في رقم (7)هذا بلاي

اخوي وفيت وكفيت وجزيت خير الجزاء

بالنسبةالاكسيبدشن ما فيه ديفيدي الا في ابو ثلاجة قالوا نعطيك ورقة خصم لمودا كار يركبوه ب 3الاف وخصمنا200ولو ركبت عند غيرهم يروح الضمان؟شاشة الملاحة نعم تعمل كديفيدي بس والسيارة واقفة.

الكاميرا في الايدي بور ما فيه ابدا الا اذا به وماهم عارفين عاد مصيبة.

اكرر لك شكري وتقديري



الحال يسرك والف شكر على ردك ياغالي وجزاك الله خير,وعليكم السلام



صدقت بس ضيعت الشكل والمشكلة لازالت قائمة حيث لا يمكنك طي المقاعد ايضا في ال اكس ال.

عموما الف شكر لك وجزاك الله خيرا



من ناحية قوة صادق اما الوسع ففرق بسيط كما ذكرت وهو الي مضايقني بالدينالي

الف ثم الف شكر لك

حياك اخوي ابو مروان
انا سأعطيك وجهة نظري .....بكل حيادية ومنطق وبعيدا عن التعصب لأي من السيارتين

1- بالنسبة للشكل الخارجي...المسألة تختلف من شخص لآخر ولكن الدينالي شكله شبابي اكثر ولذلك راح يكون اغلب التصويت هنا في المنتدى لصالحه خذها مني من الآن :D
هذا لايمنع ان الاكسبيدشن شكله جميل ايضا وايضا نوع ال Limited يجي جنوط نيكل مقاس 20 ودعاسات جانبية اوتوماتيكية تفتح مع فتح الباب وتغلق بالالتصاق مع بودي السيارة عند اغلاق الباب تعطيك شكل رياضي رائع ومهيب

2- ذكرت ان الاكسبديشن لاياتي بشاشة ديفيدي الا في الليمتيد (مقاعد طراز كابتن ..وفي وسط المقعد الخلفي ثلاجة) واعتقد في الايدي باور ايضا وليس في الليمتيد فقط....بامكانك الاختيار مابين شاشة ملاحة او شاشة ترفيه في هذا الطراز....وتجي المقاعد متصلة...يعني انحلت هالمشكلة

3- الكاميرا الخلفية...موجودة في الاثنين...بالنسبة للاكسبديشن موجودة بزاوية المرآة الخلفية


4- اذا كنت راعي بر وتطعيس...فبصراحة شديدة..كلتا السيارتين ليست خيار جيد وهذا حال السيارات الامريكية من فئة الوزن الثقيل...ثقيلة جدا في البر ولو طاح عليك الموتر والله سيارتين يالله تطلعك
لكن يمكن الاكسبديشن احسن حالا بحكم ان هناك مستويات للدبل بحيث تقدر تستخدم الدبل الثقيل ليساعدك في الخروج لكن الدينالي لو برك,,,,دور لك شلة مواتر يطلعونك

الحل من وجهة نظري...لازم قفل دفرنس ....ولا بتتعب كثير في التطعيس


5- قوة المكينة والفخامة الداخلية ...لصالح الدينالي بدون ادنى شك وهذي ميزة قوية تحسب للدينالي
6- السعر واالصيانة لصالح الاكسبديشن بدون ادنى شك
7- المقعد الخلفي.....شخصيا انا تهمني هالنقطة بشكل غير عادي نظرا لكثرة اسفاري وكثرة امتعتي
والله العظيم ميزة طي المقاعد في فورد لاتقدر بثمن....صراحة تريحك بشكل خيااااااااااااااالي

اذا انت راعي سفر كثير واغراضك وعيالك واجد...الدينالي راح يبهذلك بخصوص المساحة اما الاكسبديشن تفتك من هالمشكلة بضغطة زر!

في النهاية...السيارتين من أفضل ماانتجته أمريكا وكما ترى كل سيارة فيها مزايا وعيوب والكامل وجهه سبحانه وتعالى .....والخيار متروك لك....اهم شي لاتنسى الاستخارة
وبالتوفيق ان شاءالله واتمنى اني اكون افدتك

مافيه مقارنه الدينالي قارنه بانفقيتور اما الاكسبديشن فلا يصل لمستوى الدينالي

السلام عليكم
والله ياابو مروان انا نصيحتي لك الدينالي ماشا الله موتر فخم وقوي واذا تهمك المساحه شوف اليوكون xl دينالي اتوقع الفرق مو كبير مره لانه حسب علمي انه نفس المحرك بس تفرق المساحه واستخير والله يوفقك