استفسار بخصوص قـير الـيوكن

الحمد لله شباب لقيت المقطع وأتوقع هذا أكبر إثبات يعني أنا متأكد كثير راح يقول خرابيط فاضيه ويطلع

لكن أكبر من إثبات كذا ما أتوقع إنه فيه

تفضلو الرابط http://www.youtube.com/watch?v=Sy87_QBW3-Y

وتحياتي ........

هلا والله بالشباب أنا والله يا أخوان هاذي المره الرابعه إلي أسمع الكلام عن القير !! فيه واحد قريب

للخويي خرب عليه قير جمس LS 2007 يعشق على الــD ما يصير شي كأنه على الــN أوالــP

<<<<كلام موثوق ومشكله ثانيه سمعتها من واحد في معرض أقيم للسيارات في الرياض لجميع

الشركات وكنت بالصدفه عند شركة جنرال موتورز وألقى واحد يسولف لمدير المبيعات عن مشكلته

عن القير يقول خرب و وداه الوكاله وغيروه له <<<<هذا كلام غير موثوق والمشكله الثالثه مقطع

على اليوتيوب واحد مصور جمسه ومشكلته نفس مشكلة خويي بالضبط وراح أدور المقطع مره ثانيه

وإن شاء الله ألقاه وراح أنزله على طول...

وتحياتي ..

آسف أخوي إني كنت معصب :D
بس حسبتك من شلة حسب الله .. الشريطية:(
ماعندهم إلا كلمة الأمريكي ماينفع وخذ ياباني وبالأخير يدبسك بموتر ياباني مبوّش
شف وأنا أخوك خويي باعه وهو واقف وبسرعة ومن شايب أبلشه ،لأنه تورط بقيمة شيك الأرض لازم يفرغ الأرض من بكره أوبعده ..
شراه الشايب بـ112.5 بمائة واثناعشر الف وخمسمائة ريال ، علما بأنه LS ، علما بأنه سيم منه قبلها بـاسبوع بـ117000 ريال ،،،
علما لو إنه عارضه علي ماشريته ، بسبب إنه مهمل ومتعسف بدرجة زائدة
مايعرف رحمه للموتر يكبس عليه تحت الطعس مباشرة ونرقى مراقى الهايلوكسات والجيوب الربع ،با لإضافة إنه في اسبوع تحول موتره لعزبة عزوبية(شاهي ، عصير ،عدة طبخ متنثرة) بس دخله محل تلميع ورقّع فيه وباعه..

اخوي كامري نسيت اقولك :)
يوكن اقل نوع قيمته 122 الف ريال
بعد الخصم مدري كم يكون عند بالبيد طبعا ً

طالب الاداريه
كلامك صحيح وانا اخوك
وهي منتشره
وسالفة القير شفتها هنا فقط !! بموضوع واحد
وتخوفت منه

كامري الشيوخ
حياك الله لكن شف وانا اخوك الفرق بالسعر واضح جداً بين بالبيد والجميع والتوكيلات
بالبيد كان ارخصهم
المميزات بـ 141 الف بعد الخصم
فتحه ، دفيدي ، جنط 17 ، جلد ، لو ابي جنط 20 بيكون بـ 144 الف :)

اخوي بدر :
اليوكون الجديد ما انتشر عبث انتشر عن سمعه لهذةه السيارة الرائعه وبالنسبة للقير نعم هناك اختلاف بين قير 2006 و2007 من ناحية نعومة التغيرات وايضا امور اخرى ... نصيحتي لك اسال اصحابها عن قيرها ومكينتها والخ ... ولو تلاحظ ان اكثر سيارات الــ suv الكبيرة الجديدة في الوقت الحالي هي اليوكون والتاهو الجديدتين على الرغم من كثرة الكلام و القيل والقال وارتفاع سعرها بالايام الاخيرة
والله يكتب لك ما فية الخير اخوك طالب الادارية

ممكن اخوي بدر تذكر لنا مواصفات اليوكون الي تبي تشريه

تحياتي

مغلي الزين
لا أبشرك امس كنت بالبيد وقال بتصير زياده من 2000 الى 5000 من الاسبوع القادم :) !!
يعني بيصير حول 144 الف ريال
وبالنسبه للاندكروزر انا ماحب التويوتا وانا اخوك :) !!
والاندكروزر 2008 ياكثر ماسمع مشاكله وعيوبه :) !!

142000 الف ريال حرام تحطها بيوكنلاندكروزر ولا تدور غيره ابدا

هذه الاشاعة دائما تجدها عند وكلاء جنرال عندما تذهب لهم يقولون سوف تزيد الاسعار بمعدل 10000او 5000 وكله كذب
وانصح ان الواحد يبحث في الوكالات وينتظر وسيجده بسعر مناسب|3|

لواء العز
والله السياره قمه بالروعه والابداع
الماردور 2004
ياليت والله ياخوك وبأذن الله مابه اي مشاكل يارب
ويعطيك العافيه
ابو تركي
والله ان السعر يستـاهل وانا اخوك وبالذات الفل ومقارنة بـ الاكاديا السعر يستاهل
الهامور
بأذن الله ياشيـخ
يعطيكم العافيه اخواني

C A R R E R A
الله يعـين ياخوك وكلامك ريحني والله
وانا كنت خايف من الخراب والسياره ابيها لي وللعمر
وجزاك الله خير

Magellan
شسـالفه يالغـلا ؟ حيـاك الله يابعـدي وروق فديتك :D
خبري بأن التعـصب فقط بمواقع الكوره !! مادريت بعد انه بالسيـارات ؟

انا شفته بالمعرض وعجبني وبالصدفه شفت شخص يلعن والدين اليوكن والسبه القير وخرابه !! وانا بكل امانه ماعندي خلفيه بالسيـارات

100 سياره = مليون ريال وشوي :eek: الله يعين اصحابهم بس

الله يوفقه يارب فيها ومشالله طيب ياخوي يوم باعها هل سعرها طاح ؟ بكم اخذها وبكم باعها الله يسلمك ؟

والله الاندكروزر مدري شسـالفته ياكثره مستخدم للبيع والحين 2008 ماشفت احد مدحه !!
الله يعينهم اصحابها بس
يعطيك العافيه يالغلا

جوبير
والله مدري بس ياخوك
انا ابي سياره لي وللزمن وعلمً بأني مانيب راعي طلعات بر ومشاوير واجد
كلها الدوام والبيت ومقاضي البيت :) !!
يعطيك العافيه يالغلا

الخل الوفي
حياك الله يالغـلا
والله مادري وش اقول يالغـلا !!
انا ماشفت اليوكن احد يشتكي منها لكن شفت هنا بالمنتدى
او بمعنى اصح ماعندي خلفيه بعالم السيارات ومادخلت الا هنا واخذت كم معلومه ومن ضمنها هذي !!
وبالنسبـه للعـيسى هل هي التوكيلات العالميه ؟؟

مصفي الطابلون
حياك الله اخوي
بالنسبـه لليـاباني والله مادري ان كان قصدك تويوتا فأنا من أشد الناس المعـارضين لـ سياراتها :)
مدري ليـه !!
وبصراحه التويوتا الفخـامه بل فل كـامل ويكفيك شكل لاندكروز الفل كامل واقل من الفل بدرجه يمين الله شي يقهـر :) !!
يعطيك العافيه يالغلا

SrOoObY

والله ياخوك مدري ليه من الله اليـاباني مابلعته ان كان قصدكم تويوتا

C300-SRT8
حيـاك الله يالغـلا والله بكـلامك هذا ارتحت شـوي
والسيـاره مره جنـان ولكن قريت كم موضوع هنا وبصراحه خـرعني
وخصوصا ً اني ماعندي خلفيه بـ عالم السيارات وهذي أول سيـاره
وجزاك الله خير يالغـلا
وبصراحه اليوم انصدمت من بالبيـد لمن قال لي ان الاسبـوع القادم الاسعـار راح ترتفـع من 2000 لـ 5000 ريـال
ولكن الله يعـينا والسيـاره تستـاهل ويعطيك العافيه اخوي