بخصوص تغيير الزيت لدى الوكالة

شاكر لكم اخواني مشاركتكم في هذا الصرح ,,

خصوصا الأخ اسامة الغامدي على التوضيح

ياشباب ويا فيكتور خلوني اوضح لكم نقطة واشرح لكم ليش يتم تغير الزيت حق القير!!!

أولاً من واقع خبرة ومن دون ما اشوف نفسي لكن فعلاً الخبرة أثبتت أنو لازم يتغير زيت القير لأنو القير عبارة عن تروووس تحتك بعضها ببعض وفيها زيت يعمل على تقليل الحرارة الناتجة عن الإحتكاك

وعشان كذا نتيجة للإحتكاك ينتج حرارة يخفضها الزيت لكن مع الإحتكاك يكون في نتوءات او شوائب الإحتكاك بين التروس تملي الفراغات اللي في سنون التروس ولمن تتراكم مع مرور الوقت يصير تحرك الترس بشكل دائري وشابك مع الترس الأخر لمن يتحركون حيكون في الشوائب اللي قلت لكم عليها فيضطر سنون الترس بالضغط على سنون الترس الثاني اللي يتحرك معاه فمع الضغط هذا ممكن يسبب في تأخير التعشيق...

بمعنى انو لمن يتغير الزيت تروح هالشوائب الناتجة من الإحتكاك فبالتالي ما راح تحس في تأخير في التعشيق او حتى صوت ناتج عن الإحتكاك فلازم يتغير الزيت حسب الشركة المصنعة للسيارة يعني ممكن زي الفورد اللي كان عندي يتغير كل 40 الف كيلو ما ادري عن السيارات الثانية وإذا السوناتا مالها فلاتر فمو معناته ان الزيت ما يتغير..


وإن شاء الله يكون شرحي واضح وإذا في احد مافهم يقولي عشان اوضحه بشكل افضل لأني كتبت لكم الرد بشكل سرييييييع جداً

وشكراً،

السوناتا السته ســلندر مافيـها فلتــر قيــر
لكـن الأربـعة فيـها فلتر للقيــر

^^^^^^^

كم موديل سيارتك؟؟:)

عفوا اخوي فيكتور

اعارضك بنقطة ان فلتر القير ما يتغير الا عند التوضيب .

انا بصيانة الاربعين عند الوكاله ..

غيروا زيت القير والفلتر حق القير ..


والافضل تغيير الفلتر كل تغييرة زيت قير ..

اضمن .. واسلم .. واريح .

وما اتوقع الواحد يبخل بمبلغ بسيط في سبيل انه يحافظ على القير سليم ومعافى لاكثر وقت ممكن .

تحياتي ..

أخوي , اسامة و فيكتور ,,

مشكورين و الله

ما قصرتوا ., خدموتني كثير كثير

ان شاء الله نخدمكم

فلتر القير ما يتغير الا عند التوضيب لا قدر الله:eh_s1:

ودها الوكالة وفك نفسك لأنو انا كنت اغير زيت الفورد حقي السابقة واكثر الورش وربي من جنبها ما يعرفون شي انا عدمو لي القير الفورد وصار لمن يغير من ثاني إلى ثالث يتأخر فنصيحة يا شباب غيروا زيوت القير في الوكالة اضمن واريح لك وبعدين انا بالنسبة لي للكيا الجديدة اللي عندي اتوقع اذا غيرت زيت القير وصار فيه مشكلة لا سمح الله يروح ضمان السيارة والله أعلم

أخوي فكتور مشكور على الرد ,,

أفدتني كثير و الله ,,

بالنسبة للقير هل في داعي اني اغير فلتر القير بعد و لا لأ ؟؟

تحياتي

أنا غيرت عندهم زيت القير

والسالفه بسيطه وماتاخذ ربع ساعه

وزيتهم كاسترول:eh_s1:

سعر تغيير الزيت 90 ريال

اخوي الرحال الدولي ,,

مشكور على الرد

بس أنا افضل اني اغيرها عندهم بحكم اني اول مرة اغير زيت القير ,, << علشان الراحة النفسية و الوسوسة ,,

مشكور مرة ثانية على ردك و ننتظر ردود الإخوان اللي جربوا



** أعنى بالورشة الخارجية يعني الكراجات اللي برى الوكالة اللي تغير زيت و تسوي فحص سريع ..