مشكلة مكيف ماركيزي اتحلت بمية ريال بدون ما اغير الشاشة

فعلا أخوي هذا قسام الهوا وهو واحد من أكثر الأعطال في مكيف الماركيز وأسهلها حلا

غالبا أخوي مروحة المكيف أو ثلاجة المكيف احتمال ضعيف لكن الغالب المروحة أذا كان الصوت فيه زي قرقعه وطقطقه

أخوي ببساطة لا تغير شي بالسيارة ألين يقنعك انه خربان وإيش علاقة هالخراب بالمشكلة اللي عندك يعني سولف مع المكيانيكي ولا الكهربائي عن العطل واذا حسيت انك مرتاح له أو مقتنع بكلامه والرجال ما يستهبل ويلف ويدور عليك اتوكل على الله وإذا سوا إنه زعلان لما تقعد تسولف معاه اعرف إن مافي براسه سالفه وشفلك غيره بس أول اسأل أكثر من واحد وبعد ما تجمع كلامهم اقعد لحالك في البيت وفكر وصدقني لحالك بتكتشف ايش المشكلة ودائما واحد زائد اثنين تساوي ثلاثة بس في نصابين راعين ورش عندهم واحد زائد اثنين يقلبوها مليون

ياشباب انا عندي فورد ماركيز 2001 امريكي فل كامل بس في مشكله اني اذا شغلت المكيف يطلع صوت قوي جدا لدرجة ان يهز الطبلون بعض الاحيان والصوت من عند الراكب ما ادري ايش الحل افيدوني جزيتم خيرا

تقريبا نفس السالفة صارت معي بس في الفكتوريا كان توزيع الهواء ثابت من فوق ومن تحت بس
مايطلع مع الهوايات الامامية للطبلون ولفيت على كهربائيين المدينة كلهم واللي قال ب1600 واللي
قال ب1400واللي قال افك الطبلون واخذ 250 من غير شغلة الخراب يعني يفك الطبلون على عماها

الين جيت عند تركي بالمجمع اللي عند محطة طابة وعلمته بالسالفة باح وفصل لي صغير بخزان الهواء اللي على الرفرف الايسر وقام بتوصيله من جديد وقالي اخذ منك 100 ريال والسيارة
تلقاها جاهزة بعد ساعة رحت ورجعت لقيت السيارة 100 % والحمدلله


احذروا حقين الورش النصاااااااااااااااااااااااااااابين