أهلا بالجميع
طابت احوالكم وسياراتكم
خبراء ورشتنا في هذا المنتدى الغالي والمفيد :)
لدي مشكلة ساشرحها لكم وافيدوني افادكم الله
قبل 48 ساعة من الأن ! (شوف تاريخ وزمن المشاركة :D )
شغلت السيارة الصباح واسمع صوت (قراند مركيز 96)
صوت ما يطمن ابد
وافتح الكبوت ... واطالع قلت شكله البكرات بكرات السير
رحت لميكانيكي شاف الصوت .. قال شكلها البكره فعلا
غير بكره ..(وطلعت البكره فعلا فيها اثر سير متقطع) وبالمرة طلعنا السير لقيناه نص عمر قلت غيره
ركبنا شغلنا بعده الصوت
قال تدري الشداد غيرنا الشداد
المهم مازال الصوت موجود قال الفني تدري هذي طرمبة المويه
غيرنا الطرمبة (طرمبة المويه )والحمد لله راح الصوت وحركات المروحة والبكرات والسير مثل الألف ماشاء الله ميه ميه
لما فك الطرمبة طبعا طلعت المويه والاوساخ والدنيا عاد قام هو بعد ما ركب الطرمبة الجديدة
وشغلنا السيارة بدأ يضيف مويه تدريجيا يقول خلها تنشفط جوا
وبعدين قال روح وامشي عليها ولما توقفها لفترة وتبرد افتح الكبوت شغل السيارة وزود مويه
والله رجعت البيت وانا مطمن لزوال الصوت الحمد لله
وبعد ساعة نزلت للسيارة وافتح الكبوت واطالع دبة المويه خزان المويه
والله مافيه ولا قطرة !!
قلت في خاطري (يمكن هذي توصية الرجال اني اعبيه)
شغلت وعبيته
وانتظرت شوي وطفيت السيارة وطلعت البيت
سؤالي هاللحين عند تغيير الطرمبة هل تحتاج السيارة لمويه زيادة أول مره
وبعدها ماهو المعدل الطبيعي للمويه في الدبه ؟؟
افيدوني جزاكم الله خيرا
ولكم دعوة مباركة مع صلاة المغرب
اخوكم الفورد فوردك
