احب اقدم نصيحتى لاصحاب سيارات التاهو واليوكن ....والموضوع هو سنسر الاطارات يمكن البعض يعرف هذه المعلومه او البعض لا يعرفها ....والنصيحه هى لا تترك عامل الاطارات عند تغيرها لوحده يجب ان تراقبه وتنبهه قبل ان يفتح الاطار من الجنط فى حال تغييرك للاطار او تصليحه لان البعض يخلع بلف الاطار عن طريق خلعه بقوه وتغييره بواحد جديد مما قد يسبب كسر السنسر الموجود والمربوط اصلا بالبلف والبلف لا تغيره لانه اساسا مربوط بالسنسر...وفى حالة البنشر لاتمشى على السياره مسافه طويله لتتفادى ان يتعرض السنسر لضرر نتيجة ان تدوس على صخر او الحديد الموجود بالطرق السريعه ....وفى الختام ارجو اكون قد افدتكم.
أنا أول ولعت معي اللمبة يجب فحص جهاز ضغط الإطارات وعادوا لي البرمجة
ولآن تطلع لي نفسها بس يجب تغيير جهاز ضغط الإطارات وش الحل ياشباب اليوكن ( شريت الخسران يوم الربايح)
يقدر يغيرها البنشري لكن مع الانتباه للحساس انا مغير الاربع كفرات ما انتبه للاول و كسره والباقيات ظبطهن
وللعلم ما يأثر على ادأ السياره لو تكسرت الاربع كلها تبقى السيارة تمشي بلا اي نقص لا في وظائفها ولا قوتها
والله من روعة السيارة وعمليتها مايتغير الكفر الا في الوكالة والبنشري يخرب السنسر؟؟؟؟
اجل اذا بنشر في خط بعيد او صحاري اوخبوت اتصل على جنرال يرسلون لك بوش يجي يغيره
اخي مشكور على الموضوع - حصلت معي عندي يوكون 2005 و غيرت الجنوط و الكفرات وقبل ما يفك العامل الكفرات القديمة علشان ينقل الحساس قلت لة انتبة و كأن كان قلبي حاسس و بالفعل حط الكفر على المكينة و لما دارت المكينة ضرب الحساس من الداخل و انكسر و انا واقف علية و قلت لة هيا روح وجيب لي واحد جديد انا نبهتك المهم قال نجيب غراء و نصلحة قلت لة ما يصلح روح و جيب لي واحد جديد المهم سمعنا عمهم وقال لة روح وجيب واحد جديد طبعاً كانوا كلهم متضايقين المهم راح وجاب واحد جديد وكان سعرة والله ما اتذكر بس انة كان غالي في حدود 300 ريال او اكثر الكلام هذا لة حوالي اكثر من سنتين.
