وعليكم السلام ورحمة الله وبركاته...
والله تنفع كاتب " ساخر " ياميدو بيك...:)
بالفعل عندنا عسكر فيهم نسبة لا بأس بها من الغباء تتفاوت من فرد إلى فرد...وقد تنال الرتب العليا من الضباط...
على كل حال حبيت أعزز لك بموقف صار لي قبل أكثر من سنة..
الكابرس اللي معاي ركبت له جنوط ( أسلاك20 )...
وكنت أتمشى فيه يوم خميس... وقفت في تفتيش وطلب الأوراق...
ورجعها لي وقال: الجنوطات هذي كيف ركبتها؟؟؟ ( لاحظ الجنوطات ) :)
وانتم خابرين الجنوط الأسلاك مالها مسامير... مسمار واحد في الوسط بس على شكل قبة..
فقلت له: ركبتها في البيت ...
قال: كيف؟؟
قلت: هذي طال عمرك تركب عن طريق ( الكبس ).. ارفع السيارة بعفريته وركب الجنط واوزنه في الوسط واضغطه بيدك ولا برجلك الين تسمع صوت ( طقه ) معناها الجنط ركب... نزل العفريته وامش..
قال: بدون مسامير ولا شي ؟؟؟؟؟
قلت: أبد...
قال ( وهو يحك راسه ) : والله خطيرة ياخي.. انتبه في الخط بس..
قلت: الحافظ الله...
قال: تفضل الله يستر عليك..
وخلال النقاش هذا كنت أمسك نفسي عشان ما أضحك قدامه وياخذ موقف مني.. لكن اللي معاي في السيارة قلبوها مسرحية....
:emot96:
والحمد لله...
الزبدة ان موضوعك جميل... ( يالزيز يارايـــء )
