MRV HONDA ياخوك مايحتاج تعتذر ماحصل الا كل خير
بس بما انك مجرب السيارة عندي استفسارات ياليت صدرك يتسع لها
أولا بالنسبة للموديل الشكل السابق 2008 يقولون المكيف الخلفي للسيت الثاني تعبان مايبرد خصوصاً وقت الظهر لأنه مجرد فتحات تهوية .. هل هذا صحيح؟
ثانياً بالنسبة للموديل الجديد سألتهم قالو مافيه الا الفل بـ 140 الف وسألت متى بيجي النوع اللي اقل منه وكم سعرة ماعطاني اي خبر ..يقول مادري .. ياليت اذا عندك علم بهالموضوع تفيدنا فيه
انا بصراحة ناوي على هالجيب لكن محتار بين ال 2008 وال 2009 .. الجديد زين بس غالي..والقديم عليه عرض الفل ب 115 الف
ثالثاً .. هل عندهم في الوكالة امكانية تجربة السيارة ووين بالضبط للموديل القديم والجديد
ولا هنت وكثرت عليك بالأٍسئلة
حياك الله يا طويل الذراع
1- المكيف عندي في موديل2005يبرد لدرجة الأولاد في المرتبة الثانية يطلبون مني إقفال المكيف لشدة البرودة0ياليت خويك يشيك في الوكالة سبب هذي المشكلة0
لكن وقت الظهيرة كل السيارات تحتاج وقت للشعور بالبرد0
2-على حسب معلوماتي المتواضعة ان العادي سوف يعرض في نهاية أكتوبر أو بداية نوفمبر 2008
3-والله يا أخي تبغى نصيحتي إذا كان ليس لديك مشكلة في الميزانية خذ موديل 2009 وإذا بتشتري كاش الأفضل تشتري من المعارض (الموزعين المعتمدين -موجود معرضين واحد في الشفا والثاني في النسيم) لأن بصير السعر عليك أقل0
4- تستطيع تجربة السيارة (والتطعيس عليها)عند الوكالة الواقعة على طريق خريص0
