على العموم لا تحتار و لا هم يحزنون ، أنت شف إذا السياره بتقعد عندك سنتين أو أكثر و ميزانيتك تسمح ركب الميشلان إذا أقل في رأيي ركب اللي أرخص و أسأل الأعضاء في المنتدى عن اليوكوهاما أو التويو أو الهنكوك ....و غيرهم ترا الجوده موجوده في هالماركات و إن كان في نظري الميشلان أفضل .
نقطه مهمه إذا جيت بتشتري الكفرات من محل بنشري شف كيف مخزن الكفرات ترا طريقه التخزين تأثر على الكفر و الأفضل تروح لوكاله الكفرات و أنتبه لتاريخ الصنع
الغريب أن سعر الميشلان التايلندي قبل سنه و نص أو أكثر كان ب 240 الحين وصل ل 350 ريال حتى الكفرات ارتفعت اسعارها ....الشكوى لله
الميشلان يمكن تكون افضل بس لاحظ انه يتوفر منه الامريكي و الفرنسي و التايلندي و طبعا الفرنسي يمكن يكون اغلى بالسعر يليه الامريكي و الارخص التايلندي ( تأكد من السوق بنفسك ) و طبعا الجوده يمكن يكون الفرنسي افضل يليه الامريكي ثم التايلندي و لكن كلهم بمقاييس الميشلان .
بعض الاخوان طرح الفايرستون بس لاحظت ان الكثير يشتكي منه و بعد سعره غالي مقارنه بجودته .
في رأيي ( و هذا يعتمد على ميزانيتك و كم سنه راح بتستخدم السياره ) اذا كانت مشاويرك قليله و مانت راعي خطوط فليش تركب طقم ب 2000 ريال ركب لك تويو و إلا يوكوهاما او كوري يمكن الكفر يطلع ب 250 ريال يعني الطقم ب 1000 يمشيك سنتين قدام و يمكن بعدها تغير السياره .
و على كل حال إذا ركبت جديد حاول انك ما توقف السياره في الشمس مده طويله ترا يتأثر الكفر و السياره عموما تتأثر .
