حب السعوديين للفكتوريا وصلت إلى أمريكا في تقرير!!!!

الفورد هي هايلوكس الشباب تصبر على الكد زي الهايلوكس عند الشيبان

يمراحب والله
الحين انت ويش محرق رزك
ويش تبي بالضبط
التيوتا كان ول اما الحين اسمحلي
الفورد موتر كل واحد يشهدله قوه عزم محرك مشي يتحمل سرعته
تمشي عليه 5000ولا يطلب شيء الا زيت
اما التيوتا مايعدي 3000الا وهوناقص الزيت
وسلامتك

كلامك صحيح وملاحظه في فورد واحد من أقاربي..
فرحان بالفورد اللي استعمال أمريكي..
وما كمل كم شهر إلا وجاتك الزيارات الودية لورش الصناعية والعالم كلها قاعدة:emot96:

هههههه :emot96: عاد هاذي قوويييييية..
مشككوورررررييييييييييين كلكم يا أحسن أعضاء..

اللنكولن ياخو ttoo حساسه وملكية يعني الناس اعتادو عليها انها تكون ليمو

اما الفكتوريا والماركيز غير ومفضلة اكثر وليست حساسه زياده مثل لنكولن

....

مشكور على الموضوع الرائع ويمكن هذا سبب يخلي فورد ماتوقف صناعتها ..


..
..

تقبل مروري

من قال مافيه فرق بين 98 و2008 ؟


الماكينة زادت قوتها

والمساعدات تغيرت

تصميميا فيه فروق خاصة الماركيز

الداخلية فيه اختلافات عديدة

ركبت ماركيز 98 وعندي 2005
فرق شاسع بينهم

والسيارة مشهود لها بالتحمل
ومافي مثلها بالراحة

يعني جودة وراحة وقوة وخدمة ممتازة بعد البيع
وتجيب سعر زين لو بتبيعها

بالاضافة الى انها في السلامة متميزة
والدليل ان الماركيز حاصلة على 5 نجوم في التصادمات الامامية والخلفية
و5 نجوم للصدامت الجانبية(للركاب الخلفيين) و4 نجوم (للركاب في الامام)

مع العلم ان طراز التجربة كان ما فيه ايرباقات جانبية(تتوفر بشكل اختياري)


وبنفس سعر الكامري
تبيني اشتري كامري؟:)

لانها غاليه شوي ههههههههه

يمكن ماتختلف بالشكل والمواصفات لكن تختلف بحالة السيارة يعني آخذ واحد موديل 98 طيب أنا غيرت الواجهة والخلفية وضربتها بوية وأجلس أمشي فيها..مثلي مثل اللي عنده 2008 لكن الفرق إن الـ98 تطلب قطع كل فترة وفترة ومن ورشة لورشة أما الجديد فبإذن الله 5 سنوات بدون وجع راس

:)

مشكووووووووور على الرابط

أحسن إنه في ذا الكلام طب في الكابرس الإسترالي طبه ,

خلاصه الكلام المكتوب

(إن الكراون فيكتوريا والجراند ماركيز حلوا محل الكابرس بعد توقف انتاجه منذ العام 1996 , فأصبحوا السيارتين الاكثر شعبية لدى الامريكان, وعلى الرغم من تدشين الكابريس الاسترالي (الهولدن )0 ,ظلت مبيعات فورد لهذه السيارتين قوية , وخاصة في المملكة العربية السعودية والكويت ,)

يمديكم على الترجمه ؟

واحد يترجم لنا المكتوب يراعي شعورنا لانصير مثل الاطرش في الزفة
كلام الخواجات هذا مانعرفه
:emot76:

الكراون فكتوريا من السيارات التي لها شعبية كبيرة بين الناس ويعود لعدة اسباب
- التمسك بالشكل الكلاسيكي
- سيارة عملية إلى حد ما
- مساحتها الداخلية وراحتها
- سعرها المعقول بالنسبة لأسعار السيارات الأخرى
- رخص قطع الغيار وتوفرها
- وأعتقد من أهم أسباب أنتشارها هو بقائها على نفس التصميم . لأن الناس ما تحب تغامر بالشي الجديد يعني مثلا عند إختلاف شكل السيارة فيكون الناس متخوفين منها هل هي مثل النوع السابق في جودتها وقوة تحملها.

^^^^^^^^^^^^^^
اللينكولن سيارات رزه رسمية اكثر

مانقدر نحكم من يتفوق فورد أم تويوتا ,,,

لكن تويوتا تتفوق في سيارات من فئه معينه , وكذلك تويوتا ,,,, دعنا من التعميم...

وبالنسبه لأن الاغلبيه يشترون استعمال امريكي انا معك , لكن من قال قليل اللي يشتري جديد !؟

خــبر// نـــفــاذ الكـــراون فكــــتــوريـا في الــــســـعــودية.!!


طيب الناس يبحثون عن اللي ينقصهم , لاتقول ان الناس يشترون الفكتروريا بسبب انها مريحه وكأنه سبب غير كافي , طيب العالم ليه يشترون الكامري ؟ , علشانها تكرف في الغالب ,,,

وكل سياره كذلك لازم يكون فيه سبب لإقبال الناس عليها ؟, باختصار تعليلك غير منطقي ,,,

ولاتنسى الجديد يفرق عن المستعمل مهما كان التشابه في الشكل والمواصفات والموديل او حتى المطابقه ! , واسأل المجربين ,,,


وأنا اجزم ان الفكتوريا عمرها اطول من عُمر الكامري , شوف حالة الكوامري موديلات 2000 وشوف حاله الفكتويا موديلات 98 و 99 وقارن بينهم (الاغلبيه)

بالنسبه للمشاكل , طبعاً لازم تكون كثيره , لأنك زي ماقلت اغلبها مستعمله , وهذا يؤيد ان الجديد مهما كان فهو مختلف عن المستعمل وافضل بكثير ,,,

الشكل اشوفه رائع جداً وهو اختلاف في الاذواق لا اكثر , المواصفات قلت لك كل يبحث عن اللي ينقصه اللي يبحث عن المواصفات يلقاها في سياره ثانيه ,,,,

تحياتي,,,

اللينكون غالية , وسيارة فخمة ,

يعني لو اشتري لي لينكون ما راح اطلعه الا في العيد ولا ليلة عرسي ,
:a120(60):

اعتقد الفكتوريا والماركيز سيارات لايعلى عليها
من ناحية الجودة والاعتمادية

ههههههههههههههه تضحكون على اعماركم انتم؟
تكذبون الكذبه وتصدقونها يعني تويوتا احسن من فورد؟
اشوا ان فورد مانتشرت الا عشانها رخيصه ومريحه ويمديك تقلبها على طول من 98 الى 2008
يعني اغلب اللي عندنا استعمال امريكي عشان ارخص واغلبها موديلات قديمه
قليييييييييييييييييييييل مررررررررررره الواحد يروح للوكاله عشان يشتري وحده جديده لانه بيتحطم
يجيك واحد جنبك قالبها بالكامل وانت شاريها بمبلغ وقدره وهو ماتعدى الثلاثين فيه اكثر من كذا غبنه !!!! لا والقهر لا مواصفات ولاشي بالله وش فيها شي زايد على تويوتا ؟ لانقول افالون؟ الكامري وهي الكامري مثل مواصفاتها او اكثر لا ومحرك 8 سلندر على الفاضي الكامري تروح عليه بالله ذا محرك ومن ناحيه الجوده تبطي تصف جنب تويوتا شوف مراكز القيور بس الخاصه بفورد ياكثرهاااا غير مشاكل الحراره والتقطيع والايرباق الفاشل اللي فيها لو ظربت يدي الصدام اللي قدام وهي تشتغل يطلع الايرباق الظاهر الله من زين نظام الامان
اما تويوتا محد يعرف لها عشانه قليل احد يخرب بس الفورد اريح بس لو ابي الراحة باخذ افالوون واونتهينا لاتقارن يعني
الفورد مانتشر الا عشانه رخييييييييص ومريح والا مافيه شي يشجع لا مواصفات ولا شكل ولا غيره

ذكرت بين قوسين إني خرجت من صلب الموضوع وكان نفس الوقت اللي طلع فيه صاحبي الكراون فكتوريا ذكر لي سالفة تويوتا كامري وهو توه مطلعها من الوكالة وكان خرابها التكييف , مجرد سالفتين جت في وقت واحد . . لا أكثر ولا أقل :smilie6:

حرام عليك ياخوي تقول انشهرنا في امريكا بس :D

الموقع ويكيبديا عالمي في كل مكان يعني عالميا اصبحنا معروفين

وروح شوف كم لغة ترجمت مقالة الكروان فيكتوريا

عموما لاباس بما ذكر فالموقع ويكيبديا ليس موقع تجميع معلومات بحسب

وانما يبين بأحوال الوضع في كل معلومة فقط لمن اراد التمعن اكثر للتفاصيل

وانا اقصد ذكر ما اقتبس منه وهو مناطق القوة في انتشار الفورد في الكويت والسعودية ...

اظن هذا النبذة التي ذكرت هي الي مخلي فورد تكمل تصنيع الموتر بدون تغيير :D

فمان الله