مشاكل أكسبلورر 2008

بعد إذن صاحب الموضوع
يغلق الموضوع لعدم الحاجة إلى رفعه والردود كافية للإجابة على سؤال صاحب الموضوع

حياك الله معنا

والسيارة ماشاء الله ...ولايسمى ماذكرته مشاكل وعيوب...!!

سؤالك عن لمبة الايرباق..فهذا حساس حزام الأمان فيه عطل ويستبدل مجانا من الوكالة وربما يكون أحد حساسات الايرباق ويتم تبديله أيضا من الوكالة


بالنسبة للسي دي فهذه مشكلتك وليست مشكلة الاكسبلورر:smilie6: وضع أي CD مخصص للسيارة وتجد الحل.

أما صوت الطقطقة فهذه عادة الأمريكي عموما..وهو صوت انكماش بعض الحدائد وصوت الاقزوز..وهذه لاتعتبر مشكلة.!

وبالنسبة لمن حذرته من شراء الاكسبلورر بسبب ضيقه ..فأنا ممن جرب الاكسبلورر وجرب راحته وسعته لدرجة أنه يفوق السيارات اليابانية الكبيرة من حيث السعة.

وعن عزمه فهو أكثر من رائع ..المكينة قوية جدا وعزمه ممتاز وكذلك تسارعه واستجابته.


والسيارة إلى هذا اليوم عليها طلب متزايد لدرجة عدم توفره في بعض الأوقات.


بالتوفيق

^ ^ ^

والله أنا مو نحيف واشوف المراتب مو ضيقة بالعكس احس ان المقصورة رحبة جداً

وبالنسبة لعدم راحة المراتب فما أعتقد أن مقاعد الأكسبلورر أقسى من البرادو ولا الكروزر

بالعكس حتى ولو كانوا قاسييين بس أهون من غيرهم


وبعدين يا رجال وش فيك شايل على السيارة زيادة عن اللازم اذا مو عاجبتك ليش شاريها

:a234:

يا إخوان اللي يبغى يشتري الأكسبلورر لازم يفكر 1000مرة
أولا لازم يكون نحيف :
لأن المراتب ضيقة وغير مريحة
وثانيا علشان مايثقل على السيارة لأن غزمها ضعيف
وبالنسبة لنظام الأمان اللي ولعت لنباته إدا كملت السيارة 8000كم راح أفحص السيارة
وأعطيكم العلم
تحياتي العطرة

الله يعطيك خيرها ويكفيك شرها .

بالنسبه للعيوب اذا كانت فعلا تسمى عيوب ما لك الا تكلم الوكاله عنها ... مادام انها على الضمان .

والا انا اشوف انها كلها مسأله بسيطه وما فيه شئ دايم يجي مضبوط ميه بالميه.

ان شاء الله خير وموفق اخوي

دقق في كلامه وما راح تلاقي شي يخوف الا بعنوان الموضوع فقط :)

السيارة روعة وأسأل مجرب

اما انك تقولي لمبة علقت وسي دي مضروب حطيته وعلق فهذي مو عيوب بالسيارة

تويوتا اللي هي تويوتا ويحلفون براسها فيها حقها من العيوب المصنعية


تحياتي

ليه يخوي أنا عطوني دفتر شيكات ههههه صيانه 8 و16 و24 مجانيه

والله كنت باطب بواحد حصلتة بالمعارض
والحمد لله تويوتا وبس

فيه ضمان عادي 60 الف كيلو او 3 سنوات
وفيه الضمان الممتد الى 200 الف كيلو او 5 سنوات

الضمان العادي على المكينة والقير والدفرنسات ضد العيوب المصنعية.... وهذا نافذ حتى لو ماتجيهم ولا مرة.... طالما كنت تتابع الفحوص الاساسية وتغيير الزيت كل 8000 كيلو

الضمان الممتد لازم تكون متابع معهم كل الفحوصات كل 8000 الى200الف حتى يشملك الضمان

وبصراحة... احس حكاية ضمانت ال 200 الف لعبة قوية
السيارة اذا كان فيها عيوب مصنعية راح تظهر من اول 10 الاف كيلو
واذا ما كان فيها شئ فكل الخرابات راح تكون اما سوء استخدام او سوء متابعة (يعني لازم تغييرزيت القرنس وتغير موية الرديتر والتشييكات المحافطة)

ميزة المتابعة بالضمان العادي او الممتد انك تحجهم اذا حصل مشكلة بالسيارة .... مثل تخرب العكوس او تسخن السيارة وينشعر راس المكينة
ان الخطأ منهم لانك متابع معهم وهم المفروض يحافظوا لك على السيارة

مع ان حكاية ان ينشعر الرأس بالحرارة فهذي راح تكون خلل مصنعي
لان من مزايا سيارات فورد الجديدة ان بها ميزة التبريد الجاف.... بمعنى اذا راحت موية الرديتر كاملة وبقيت تمشي بدون ماء .... فانها تقدر تمشيك مسافة تصل الى 25 كيلو وفي اسوأ الاحوال تطفي ولا تقدر تشغلها وماراح تتأثر المكينة او اي حاجة بالسيارة

لكن لتحافظ على هذا النظام ينبغي لك تتابع معهم وتطور برمجة السيارة عند اصدار تحديثات لها وتحافظ عليها

بالمناسبة
الفحوصات تغيرت من 5000 الى 8000 ابتداء من عام 2008
بمعنى ان 2007 كل 5 الاف و 2008 كل 8 الاف وهذا من شركة فورد الام
وراح تحصل الفحوصات كل 8000 كيلو (خمسة الاف ميل) في كل كتيبات السيارة العربية والانجليوية

نقطة:
السيارات الجديدة مثل المراية
اذا حافظت عليها تحافظ عليك
واذا لعنت خيرها راح تلـ....

هلا بك أخوي مساء وهلا وغلا بكل أهل أبها ...

بالنسبة للصيانة أول كانت كل خمسة ألاف يمكن غيرها هاذي الايام ... ومثل ما قلت لك هذا ضمان الخمس سنوات ولازم تكون متابع معاهم .. والاسعار تختلف من مسافة لمسافة

لكن أنت طالبهم بالضمان التلقائي ...
موترك كما ماشي اللحين ؟

بالنسبة للمسجل أعتقد أن الخطأ منك ...

لا اخوي الصيانة كل 8 الاف كيلو
بس انت متاكد ان الصيانة في الضمان التلقائي مجاني؟ما اتوقع يجي من توكيلات الجزيرة شي مجاني

صيانة توكيلات الجزيرة الان بالنسبة للاكسبدشن تونا ماخذينه 2008 من 3 اشهر او اربعة اشهر تقريبا هي كل 8000 كلم واتضح من الموضوع ايضا الاكسبلورر ماادري عن باقي سيارات فورد
تحياتي

الموتر جديد !!! 2008 هذي عيوب مصنعيه ... الاصوات ممكن تكون وسوسه بس لمبه تولع هذا كلام ثاني ...
صراحه من كثر مشاكل السيارات الجديده اللي اشوفها هيناااا في المنتدى (حتى التويوتا!!) ..لقيت انه مافيه احسن من الددسن:eh_s1: والا هايلكس اذا خرب عليك اقرب بقاله ...بلا وكاله بلا خرابيط ..ولا كمبيوتر ولا الكترونيات على غير سنع جير ومكينه ويفضل دبل والباقي هندل

والله ناوي اشتريه وخوفتني الله يحفظك :(

أنا في السعودية أبها
والصيانة كل 8000كم عند توكيلات الجزيرة

أول شيء السيارة كم لها معك وكم ماشية ؟ وأنت في أي بلد ؟
إذا كنت في السعودية اللي أعرفه أن جميع وكالات السيارات عندنا بما فيها فورد الصيانة كل 5000 ألاف كيلو تتم الصيانة والسعر يختلف يعني صيانة الخمسة الاف تختلف عن العشرة الاف ... والعشرة تختلف عن 15 ألاف وهكذا لمدة خمس سنوات.. هذا إذا بغيت ضمان الخمس سنوات ...
لكن إذا ما بغيت ضمان الخمس سنوات فيه ضمان تلقائي الظاهر أنه سنة أو مائة ألف كيلو أو ستين ألف ماني متأكد بالضبط ...
بأختصار فيه ضمانين ضمان خمس سنوات وهذا عليه صيانة كل خمسة ألاف كيلو وفيه فلوس وفيه ضمان تلقائي ما فيه فلوس من الصدام للصدام ...
والحمدلله شغلتك إن شاء الله بسيطة مسجل ولمبات أتوقع أنها مسألة برمجة لا أقل ولا أكثر

وبالنسبة لطقطقة الكنداسة يمكن تكون ماشي على مويه وهذا عادي لأن الكنداسة تكون حارة والماء بارد ... لكن إذا الصوت مزعج يمكن تكون الكنداسة غير ثابته ...
موفق ...

حياك الله أخوى



مثل مايقولون اخوانا المصريين، الوكالات زى المنشار طالع واكل نازل واكل :)

كل الوكالات تشترط الصيانة الدورية عندهم عشان الكفالة. لولا هاذا الأمر كنت ماتشوف عند الوكالات أحد :)