لجميع اصحاب الأوبل والخبره في المنتدى ارجوا الدخول لتكون موسوعة ألأوبل في المنتدى

thamer909 · 2008-09-10T13:40:24+03:00

السلام عليكم ورحمه الله وبركاته ارجوا من الأخوه الأستفاده من بعضنا البعض في الأوبل مثلا محلات بيع قطع الغيار بدل من الجميح والورش المختصه والممتازه في الصيانة والقطع التي تركب على الأوبل مثل قطع الومينا وألأبيكا ارجو من الجميع التفاعل مع الموضوع لفائده الجميع وشكرا

DJ-SnoopY @user_23750 · 12-09-2008

O

OMEGA 5.7

^^^

كنت أعاني من كتمه في المكيف ودفع الهواء فاشل مرة وديته لورشة وقالي بننظف لك فلتر الهواء الداخلي والخارجي وفعلا صار دفع الهواء قوي مرة

فك الكبوت تشوف على يدك اليسار فوق في الزاويه .. شل الربل وفك الغطاء ونظفه بالهواء الي بمحطات البنزين

تحياتي

طيب هذا الخارجي الي اعرفه

والداخلي وينه؟

على فكره الخارجي للمعلوميه قيمته بالوكاله 160 ريال للي يحب يسأل

OMEGA 5.7 @user_106003 · 12-09-2008

^^^

كنت أعاني من كتمه في المكيف ودفع الهواء فاشل مرة وديته لورشة وقالي بننظف لك فلتر الهواء الداخلي والخارجي وفعلا صار دفع الهواء قوي مرة

فك الكبوت تشوف على يدك اليسار فوق في الزاويه .. شل الربل وفك الغطاء ونظفه بالهواء الي بمحطات البنزين

تحياتي

العارض @user_31614 · 11-09-2008

السلام عليكم ياليت تقول وين محل الفلتر الداخل والخارجي الي اعرفه فلتر مكيف واحد بس

OMEGA 5.7 @user_106003 · 11-09-2008

بسيطه غير فلتر الهواء الداخلي والخارجي أو تقدر تنظفهم لكن تغيرهم أحسن

أنا ألووو @user_21606 · 11-09-2008

نسيت اقول لكم مشكلة عندي

و هي ان المكيف عندي ( مكتوووم ) ارفع الهواء على اعلى شي

لكن الدفع خفيف مكتوووم وين المشكلة برايكم

و زر تدوير الهواء داخل السيارة لا يدور الهواء داخل السيارة

انما الروائح تهل من كل مكان

طبعاً حل تدوير الهواء اعطانا اياه الاخ ahmed1420

OMEGA 5.7 @user_106003 · 11-09-2008

بالنسبه للورش .. ألي أعرفه بالدمام والخبر وا قصر أخوي أنا ألوو جاب الي بالدمام

الخبر .. فيه ورشتين متخصصين بالأوبل

1- ورشه أسمها عالم القطع الالماني .. صناعية الخبر شفت وأنت جاي من طريق أسكان الخبر الي يكون سوق الجمعه التجاري على يمينك .. أمش بعد بأشارتين تلاقي لوحه زرقاء في زاوية اليسار لمحل أسمها (رهدان ) لف معها وأمش اشوي تلاقيها على يمينك مقابل محطة بنزين ناسي اسمها والله

2- ورشه أسمها عالم الأوبل .. نفس الشارع المذكور فوق أمش فيه طوالي الى ان تلاقي محل لقطع غيار مرسدس بنز لف معه يمين وأمش شوي تلاقي لوحه صفراء مكتوب عليها عالم الأوبل

بالنسبه للورشه الاولى غيرت عندهم دينمو وعبيت فريون وزيت مكيف .. والي بيتعامل معهم ينتبه منه لأنه استقلاااالي درجة أولى يعني لا يلعب عليك

الدينمو مستعمل درجته 13.5 بـ 600 ريال + 100 شغل يد = 700 ريال

غيرت بواجي وأسلاك بواجي بـ 580 ريال + 150 شغل يد = 730 ريال

غيرت فلتر هواء وفلتر بنزين ( 60 + 65 + 50 ريال شغل يد)= 175ريال

تغير فحمات خلفيه بسبب أن الهاند بريك فارط + شغل يد = 300 ريال

الفريون مع زيت المكيف 90= ريال

لكن أنصحكم لا تسوون عنده شي بس اذا قطع لان مدير الورشة الخبير الي عندهم سافر

المحل الثاني نفس الشي استقلالي لكنه مرة خبير ويعجبك .. التصليحات الي سويتها عنده

تغير فحمات أماميه وهوبات + شغل يد = ( 250 + 640 + شغل يد حوالي 100)

تغير البوشنقات مقصات وتغير الترموستات والحساس وتسييخ الرديتر + شغل اليد = 1800 ريال

الأرقام

المحل الأول أسمه عبدالرحمن العزه :0504946646

المحل الثاني أسمه قصي القيسي :0501036252

أنا ألووو @user_21606 · 11-09-2008

a

ahmed1420

وعندي استفسار اذا تكرمت بالنسبة للفحمات من وين اشتريها بالضبط غير الوكالة لأن سعرها بالوكالة غالي وكم سعر الامامي والخلفي اذا ممكن

فحمات بريك امامي بـ 200 ريال
فحمات بريك خلفي بـ 150 ريال
حساس بريك بـ 40 ريال

المحل >> عالم القطع

أنا ألووو @user_21606 · 11-09-2008

موضوع حلوو و يستحق المتابعة

أما بالنسبة للقطع و الورش

فأغلب ورش (التخصص) فيها استغلال لأن صاحبها عارف انك محتاج

بالدمام طبعاً القطع تلقاها بالمحل اللي قال صاحب الموضوع عنه ( عالم القطع ) و له فرعين

واحد بنهاية شارع الملك سعود على اليمين -- و الثاني بالخضرية على الشارع الرئيسي على اليمين

الورش :

يوجد ورش متخصصة بالاوبل بالدمام و الخبر لكن اللي اعرفها بالدمام

موقعها :

بالخضرية و انت جاي من جهة طريق سيهات يجيك مدخل فيه (مؤسسة التقوى)

ادخل فيه و امشي الى ان يجيك تقاطع + تعدي هذا التقاطع

و بعد مسافة 30 متر بتشوف على يمينك عدد كبير من سيارات اوبل مصففه

و على يسارك بتشوف ورشة اسمها ( نور ) <<<<<< نور ماهي لميس نوووور

صاحبها واحد سوري لكن انا ما ارتحت .............

الورشة الثانية:

اسمها ( الشاطري ) و هي على امتداد نفس الشارع المذكور فوق بعد تقاطعين من ورشة ( نور )

تلقاها على اليمين و بيصير على يسارك (مخرطة الخضرية)

و بتشوف جنبها كم اوبل موقفة و اعتقد انها للتشليح طبعاً ما تعاملت معاها

لأن المسؤؤل ما كان موجود كان مسافر و مافيها الا عمال ما يفهمون حتى عربي

الورشة الثالثة :

اسمها ( الاردنية الالمانية ) و صاحبها واحد اردني و هي بنهاية الشارع المذكور

هي الورشة ما قبل الاخيرة تقريباً و صلحت عندهم السيارة

الاصلاحات و التكلفة :

غيرت

1-جلد مقصات
2- جلد ذراع شاصي
3- فحمات بريك امامي و خلفي و غيرت حساس بريك
4- خراطة هوبات امامي و خلفي

التكلفة = 600 ريال للكل

ورشة (( نور)) كان بيسوي لي هالشغل بـ 1000 ريال

مع اضافة شغل تغيير اذرعة خارجية و كراسي مساعدات و وزن للمقصات لان الكفرات كانت فارشة

بس هذا اللي عندي

اوووه صح نسيت اسعار القطع

جلد ذراع شاصي عدد 1 بـ 40 ريال << انصحكم اذا بتغيرون فأحسن تغيرونه كامل لأن الجلد ما فادتني لسى فيه فضاوة
جلد مقص عدد 2 بـ 135 ريال
جلد مقص عدد 2 بـ 115
ذراع خارجي عدد 2 يمين و يسار بـ 200 ريال للواحد يعني 400 ريال
فحمات بريك امامي بـ 200 ريال
فحمات بريك خلفي بـ 150 ريال
حساس بريك بـ 40 ريال

نصيحة ثانية قبل لا تشترون من خارج الوكالة اسألوا عنها في الوكالة لأن القطع نزلت اسعارها
قبل كم يوم كنت بمحل قطع الغيار فسألت عن (طرمبة الماء) فطلع سعرها بـ 190 ريال
و قد قرأت ان احد الاخوان اشتراها بـ 300 ريال و شوي و واحد اشتراها بـ 400 و شوي فإنتبهوا للأسعار

OMEGA 5.7 @user_106003 · 11-09-2008

السلام عليكم

أشكرك أخوي ثامر والله توي فينا خير ياخوك

أنا كنت أعاني من مشكلة أرتفاع الحرارة في الأوبل ووصولها للـ H

والحمد لله تم حل المشكلة نهائيا وصارت الحرارة ما تعدي 92 مع المكيف

أولا تم تسييخ الرديتر وسعره يتراوح من 120 الى 150 ( لانه ألمنيوم)

و تم تغيير الواير الي بالقرب من البطارية وتبديله بواحد جديد

ثانيا تغير الترموستات ( المنظم أو البلف) ووظيفته للي ما يعرف يحجز الماء الحار الي جاي من الرديتر الي أن يبرد وينقله مرة ثانيه ويستقبل ماء حار ويبرد وينقله وهكذا

ثالثا تغير حساس المراوح الى 92 درجه .. يعني مع المكيف الحرارة 90 الى 92 وبدونه الحراره 85 ثابته

.. آسف لعدم توفر الصور

ahmed1420 @user_5410 · 11-09-2008

وهذي مشاركة سبق لي وضعها بالمنتدى لكن اختفت الصور وحبيت وضعها هنا ليستفيد منها الجميع

السيارة : اوميغا
[CENTER]المشكلة : تعطل نظام منع دخول الهواء الخارجي بالمكيف .
مدة التصليح: 30 دقيقة
التكلفه : قيمة القطع فقط . وبلاش وكالة ووجع راس.

المشكلة غالبا ما تكون من بلف الهواء أو المنظم اذا صح تسمته

اولا: نبدأ بالتأكد من بلف الهواء الموجود قرب المحرك وغالبا يتآكل من الحرارة وتنفصل عنه الليات وإليكم التوضيح بالصور:

هنا صورة للمحرك ومكان بلف الهواء داخل الدائرة الصفراء

وهذه الصورة للبلف الذي نتكلم عنه عن قرب

عند التأكد من سلامة البلف وثبات الليات بشكل جيد ننتقل للخطوة الثانية وهي منظم الهواء ويعمل بالكهرب وهو موجود تحت الدركسون وهذه صورته

طبعا نحتاج لفك الغطاء كما هو واضح بالصورة :

ثم يظهر لنا المنظم الذي نسمع له صوت تنسيم عند السماح بدخول الهواء الخارجي

ولتأكد من سلامته : نضغط على زر السماح بدخول الهواء الخارجي حيث يسمع له صوت تنسيم يخرج الهواء المضغوط داخل الليات فإذا لم تسمع له صوت فهذا دليل على تعطله .

ودمتم في رعاية الله

ولا تنسوني من الدعاء

__________________

[/CENTER]

ahmed1420 @user_5410 · 11-09-2008

مشكور والله يعطيك العافية على الموضوع اخي الكريم
بالنسبة للمكيف يوجد كمبروسور كوري عند محل اسمه اقاصي البحار يركب على الاوبل وقيمته جديد 900 ريال .

وعندي استفسار اذا تكرمت بالنسبة للفحمات من وين اشتريها بالضبط غير الوكالة لأن سعرها بالوكالة غالي وكم سعر الامامي والخلفي اذا ممكن وما هي القطع المتوفره لدى المحلات التي ذكرت بارك الله فيك .

مشعل بن محمد @user_58242 · 10-09-2008

انا كنت اتعامل مع تاندن احس شغلهم نظيف

*** عندي اوبل تشليح:)

thamer909 @user_91680 صاحب الموضوع · 10-09-2008

هذا ايميلي لتواصل [email][email protected][/email]

العارض @user_31614 · 10-09-2008

ياليت اخوي تعطيني ايميلك ولا رقم ودي اتصل معك بخصوص المشكله هذي بعدين حبين احذرك من ورشة تادن هذي اكبر نصابين وياخذون من سيارك ويعطون اثاني وياخذون منه ويعطونك وهاني عليه شكاوي وقضاي كثيره ونصاب كبير وانا عندي ادله واضه وشكاوي وتقارير عنه باالهبل انتبه والله الموفق

thamer909 @user_91680 صاحب الموضوع · 10-09-2008

بالنسبه للأوبل الأربع سلندر قطع الابيكا تركب عليها الأغلبيه لأنها نفس تصميم المكينه اما مكيف الأوبل نفس مكيف الأبيكا والمساعدات و السلف نفس الومينا تركب على بعض

thamer909 @user_91680 صاحب الموضوع · 10-09-2008

السلام عليكم انا من طرح الموضوع وانا من راح يبدا:
1- الورش ورشه تادن خلف العضيب لكزس تحت اشراف فهد وهاني ممتازين وعندهم كمبيوتر فحص وعندهم قطع غيار جديده ومستعمل تشليح يعني عند سيارات تشليح بس قطعهم غاليه شوي فهد 0566400767.
2- ورشه الحديث في شارع القيور على امتداد الشارع العريض اللي موجود فيه ورش القيور نهاية الشارع شغلهم حلو لابأس وعندهم كمبيوتر وفاهمين في حراره الأوبل
3- في ورشة في التشليح هي ورشة وتشليح في نفس الوقت ويجيب قطع غيار من لبنان بس استغلالي شوي اسمه فيصل طبعاً في تشليح الرياض هذا رقمه بس تراه استغلالي في القطع 0505555692
4- محلات قطع الغيار محل باصقر شارع الصبات اللي في الصناعية بعد التقوى وبالبيد قريب عند على نفس الشارع ومحل الدوسري على نفس الشارع
5- ورشه ايسو دلكو صار عندهم خصم 40% صارت القطع عندهم رخيصه
6- مانسيت اللي في الشرقيه محل عالم القطع
عنده جميع قطع اوبل يستوردها ويشحنها لك بعشره ريال