حرام عليكم صراحة كل واحد معه هونداي قال جنسيس
ومعهم حق الجينيسيس افضل
منافسه للكزس جي اس وما تتنزل للأفالون
مواصفاتها اكثر من اللكزس جي اس
مكينتها اقوى من ال 430 جي اس
ودفعها خلفي
يارجال تدري قزاز الجينيسيس لوحده يسوى الافالون كلها
روح شوف النقشه على القزازه واستمتع بالمواصفات اللي فيها
والمثل يقول القرد في عين امة غزال وش جاب الكوري عند الياباني
عادي طيب المثل يرجع على الافالون
صدقني كل اللي يعرفون وش هي الجينيسيس ووش هي الافالون بيقولون للي مصوتين للأفالون القرد في عين امه غزال
وانا اولهم
الجنسيس والله رحت وشفتها كبرها زي الافلون
لا خلنا نقول كذا احسن :
الجينيسيس مقارنة بالسيارات اللي من فئتها ( لكزس جي اس , مرسيدس اي , بي م الفئه الخامسه ) هي اكبرهم
وسعرها غالي على سيارة كورية والوكيل اسمحولي زفت
افضل وكيل من بعد ابوجميل بالسعوديه هو المجدوعي هيونداي اذا ماكان افضل منه في بعض الامور خصوصاً خدمات العملاء
وانا بصراحة مامعي لا هونداي ولا تويوتا أنا صاحب فكتوريا
وانا معي هيونداي ومعي تويوتا :)
صدقني اللي يبي يبحث عن حقيقة الهيونداي بجديه بيحصلها سيارات ناجحه جدا جدا
انا مؤخرا بس فتحت العيون الاربع على هيونداي ومالقيت الا كل خير وشريت الازيرا ابشرك
لكن مهما كان الياباني يبقى فوق هام السحب
تبقى مجرد وجهة نظرك الشخصيه
ولا يزعلون اصحاب الهونداي لأن التويوتا قطع الغيار حقها
رخيص والهونداي قطع الغيار حقتة مسكات مرة يرخصون
ومرة يرفعون
في شي لازم تنتبه له
هيونداي لها اكثر من وكيل واعتقد تختلف الاسعار
اما المجدوعي قطع الغيار رخيصه انا سألت قبل فتره عن كم قطعه للسوناتا وشفتها حلوه وانا اقول للهندي اوه والله كويس ويقول لا هازا قبل خصم يعني مدري مين اللي جالس يطلع اشاعات اسعار قطع الغيار بالهيونداي
عزيزي اذا انك مره حساس لو زادت اسعار قطع الهيونداي على اسعار التويوتا 50 او 70 ريال روح بالله ولا عليك امر خذ فره على اليابانيات الثانيات نيسان وهوندا ومازدا وسوبارو وميتسوبيشي وصدقني راح تعرف ما معنى كلمة اسعار قطع غيار غاليه
صدقني لو المقارنه كانت مثلاً مع الليجيند من هوندا كان ماحد جاب طاري اسعار قطع الغيار ولا حطيتوها شي مهم
بس مدام طرف هيونداي وطرف ياباني كل المقاييس اللي تطري على البال تصير مهمه عندكم هذا اذا ماصرفتو عليها شي من راسكم
بالعربي تتصيدون على الهيونداي بس
