السلام عليكم
ما شاء الله الواضح من الأخوان الأثنين اللي فوق
سجلوا فقط لإنزال الألتيما من المقارنه ...
لكن هيهات
فهي الأولى في السعوديه وحسب مجله سعودي اوتو
والثانيه في أمريكا
لذلك يصعب تصديق كلامكم بهذه السهوله من شخص عاقل ...
وبالنسبه للحادث
السلام عليكم قسم بالله من الحره اللي فيني سجلت بالمنتدى عشان أقولكم وش صار معي ...
عندي سيارة التيما 2008 في رمضان صدمني واحد ( قاطع إشارة ) مع الباب الخلفي انعدم تماما وعفطه بسيطة بطرف الباب الأمامي ودقش بسيط جدا جدا بالرفرف الخلفي مو باين ابد على العموم طبعا اللي ينصدم بالسعودية هو اللي يتمرمط رحت للتقييم الفاشل للأسف حاطلي زول ويمني باحترامي لهم ما يفهمون شي قالوا تحتاج 10 قطع فقط ورحت سعرت القطع من الوكالة طلعت 8293 بعد الخصم طبعا باب خلفي 1342 ريال ديكور داخلي 1546 ريال زجاج خلفي 1087 ريال المهم طلع الحساب 8893 ريال بعد الخصم رجعت لمحل تقديرات المرور قلت لهم تراكم ما حسبتوا الأقفال قالي لا ما عليك سليمة المهم وقدروا شغل اليد ب 2700 ريال استلمت المبلغ من اللي صدمني 11 ألف إلا شوي المهم رحت للوكالة تقريبا على 22 رمضان قالوا تعال بعد العيد حنا الآن ما نستلم سيارات إجازتنا 25 رمضان قلت اوكي جيتهم يوم الاثنين بعد العيد قبل ثلاث أيام ودخلت سيارتي قالوا لي تقييم السيارة يحتاج يومين وفعلا اليوم رحت عندهم وطبعوا لي تقرير خيالي بمبلغ 21343 ريال والله نفسه مدير الصيانة يقول لي ما تسوى صدمتك هذا المبلغ اللي يبي يشوف السيارة يروح لفرع نيسان مخرج 18 الصناعية صدمة اللي يشوفها يقول لو كثرت كثرت تصليح وكالة 10 آلاف ريال لكن للأسف طحت ضحية لنظام المرور عندنا و الوكيل السيئ أيضا فنصيحة للجميع لا تفكر تشتري ألتيما أو نيسان بعد ترا قطعه أغلى من البي ام الظاهر اللحين السيارة قيمتها 75 ألف وصدمة من الباب الخلفي تكلف 21 ألف أجل لو صدمت من الوجه كم 100 ألف على العموم هي سيارة قيادتها رائعة لكن لا أنصح بشرائها
آسف على الاطالة وشكرا
أخي خذ القطع المطلوبه تغييرها لدى الوكاله (( نفس تقرير القطع ))
وروح لصيانه هوندا وتويوتا وأطلبها طال عمرك ...
وشوف كم راح يطلوبون وقارن ...
وتأكد كلامك ما يستوعبه واحد عاقل (( رغم إن صيانه نيسان تتوقع منها كل شئ )) لكن مو لهادرجه
شباب اللي يعرف الالتيما 2008 والله ماراح يدفع ريال واحد تراها زينه شكل
و خاصتا الوكيل تعبان مره اسالوني تغير زيت تقعد اسبوعين
الالتيما لها كل تقديري بس مو هذي انا اتكلم عن 2006 قير عادي 6V
الالتيما كل الاي اخذوها انغرو وندمو الالتيما حلوه بس اللي يستخدمها يكرها
في السفر ما تصلح يايات قاسيه ومراتب توجع الضهر ومافيها فخامه ابد
الي التشغيل الذكي اللي الكرلا 2009 فل حطته قطع غيار غاليه على ولا سنع
الخرابات فيها في الاذرعه والعكوس والمساعد واصوات تطلع منها ماتدري من وين
كقوه الاورين افضل في ارض الواقع
أخوي أنا من أقدم اللي معاهم ألتيما في المملكه أخذتها في أول سنه 2005 تقريباً
وبتكمل معاي اربع سنوات و 160 ألف كيلوا (( ما شاء الله تبارك الله )) ..
ما أحبها كثر ما أحبها في الخطوط رساوتها ما شاء الله تبارك الله ...
أخوي واضح أنك ما تعرف عن السياره شئ البته ...
وقاعد تتكلم بأي شئ وتأكد تصدر الألتيما للتصويت في منتدى مثل السيارات ليس بالشئ الهين ...
بل بالعكس وجودها في المنافسه ينفيها عن كل ما قلتم ...
اخيرا لم اختر ال نيسان
وذلك بسبب رداءة التصنيع
وسوء القيادة وعدم الثبات وشكلها الحنفيشي
أيضاً أخي الواضح أنك لم تجرب الألتيما الجديده وأتوقع حتى القديمه ..
وإن جربت واحده منهم فأنت لم تقل الصحيح أبداً ... لأسباب لا يعلمها إلا الله ...
لماذا ؟؟
هل الألتيما ليست ثابته (( لم يقلها أحد أبداً منذ معرفتي لمنتديات السيارات ( طبعاً لمجربيها ) ))
وبالنسبه لشكلها (( فأخذت أفضل ديزاين سنه 2007 )) ...
وأرجع وأقول لم تأخذ المركز الأول في مجله سعودي أوتو والثانيه في المواصفات الأمريكيه عبثاً ...
لذا أنا لا أدافع عن سياره دون أخرى لكن لا أحب الظلم وأتحرى المصداقيه والمعقوليه فيما أكتب ..
تحيه طيبه
