على حسب كلام وكاله الناغي في الدمام راح تنزل شهر نوفمبر للعرض ويمكنك الحجز من الان والتسليم في شهر 2 او 3 2009 طبعا الاحجام 740 و 750 الان والسعر ما بين 450000 ريال الى 540000 ريال الاحجام الثانيه ما عندهم فكره عنها متى راح تنزل ولا عن اسعارها
كلام اخوي على متمه
انا كنت حاجز عند الناغي وحاط رقمي عندهم اول مايبدا الحجز بكون اول واحد يمتلك البي ام الجديد .. طبعا الكلام هذا قبل ماينزل الشكل الجديد ماكنا ندري كيف بيكون الشكل لكن بي ام اكيد بيكون خرافي .. وفعلا جاني اتصال من وكالة الناغي بالرياض يقولي الحجز بدا وانت طالب سياره قلت ارسل لي صور وارسلها لي بالايميل وهي نفسها الصور اللي منزلها اخوي تميم بالمنتدى الاوروبي ورجع واتصل فيني بعدها وقال شفت الصور والباقي عليك تشرفنا بالوكاله وتختار الالوان والموديل واللي متوفر طراز الديزل والبنزين 740 و 750 وتجيب لنا مقدم 50000 ريال والباقي ماندري كم لكن اكيد فوق 500000 ريال اذا تبي كامل المواصفات وترى الـ 6 والـ 12 سلندر بتنزل السنه اللي بعدها هي والانديفيدوال قلت لا شكرا مالي رغبه لان السياره ماكانت بمثل ماكنت اطمح فيه ... لكن يمكن بعد ماتنزل تتغير النظره
اتمنى اكون افدتك اخوي ونصيحتي لاتستعجل بتاخذها بارخص من كذا ويقولون دائما ابعد عن الموديل الاول لانه ممكن يكون فيه عيوب نظرا لحداثة الموديل والله يوفقك حبيبي
