رايكم بالومينا رويال 2006

هل هاذي الطرق يجب الاهتمام بها في موديلات 2008 ولا لا
يعني نفس الامور تنطبق عليها

يعطيك الف عافيه وكل عام وانت بخير اخوي..

هلا أخوي.



أنا قلت لك الطريقه اللي به ترتاح من مشاكل الفرامل أطول مده...
أغلب الشباب يغيرون الفحمات مع الخرط كل أربع شهور تقريبا لكن مثل ماقلت لك
لي سبع شهور والفرامل تمام عشان مسوي كل اللي قلت لك عليه وتقدر تركب
هوبات رياضيه وترتاح(أ ربع هوبات بــ1400) تقريبا



بصراحه ماسألت عن قطع واجد لكن اللي أذكره سألت عن الاسطبه الاماميه قال بـ2200
مع ان سعر أسطبه الـls بــ1300 طبعا هالكلام بالوكاله يعني المحلات أكيد أقل.
والتشليح طبعا هو الخيار الاول:)

بالتوفيق أخوي وأهم شي الاستخاره

اخوي ss-power يعطيك الف عافيه وماقصرت على الشرح والتفصيل الرائع..بس صراحه كيذا خوفتني منها وخصوصا بالنسبه للهوبات وطريقة استخدام الفرامل والسرعه وايضا القطع اللي تقول غاليه مثل شنو؟..يعني بصراحه السياره شكلها وقوتها وفخامه ولا احلى بس الظاهر مثل مايقولون ..اللي يريد الحلو يصبر على مره.. انا عالعموم بشوف الموتر واي ملاحظات راح اسألك ولك مني جزيل الشكر.

أخوي أنا قلت لك السعر اذا كان البدي نضيف 100% تأكد انت من البدي والمحركات
بالنسبه للمشاكل بالنسبه للومينا2006 عموما والــv8خصوصا
أهم مشكلتين متعبه العالم:
1القــير: ضعيف وما يتحمل قوه المحرك
النصائح:
1-احرص على تغيير زيت القير مع الفلتر كل 30 الف كيلو
2-اذا انت راعي مقاومات لا تقاوم أكثر من مره بنفس الوقت وانتضر لين يبرد القير
3- اذا انت راعي مقاومات أحرص ما تقاوم من الصفر لأنه حرق الكفرات يتلف القير (على المدى الطويل
4-اذا انت راعي سرعات عاليه بالسفر(أكثر من 200)خفض السرعه فتره معينه عشان يبرد القير
لأنه تتلف الكلتشات والتروس بالقير مع زياده الحراره
5-ونصيحه ركب مبرد للقير اول ما تشتري الموتر وتلقاه عند محلات توضيب القيور

2الهوبـــات:سريعه التلف وتحتاج خرط كل فتره والثانيه مع تغيير الفحمات
انا اول ما شريت موتري أستخدمته أسبوع وصار في رجه مع الفرامل خرطت الهوبات وغيرت الفحمات
وبعد أقل من شهر رجعت المشكله فقط لأنه ماعندي خلفيه عن مشاكل الفرامل وحلولها
الحمد لله الان خارط الهوبات بشهر3 والى الان مافي مشاكل..
طرق الحفاض على الهوبات
1-لا يجي ماء للهوبات اذا كانت ساخنه سواء مياه الامطار او من مغسله السيارات
2-اذا بغيت تغسل السياره لا زم تكون الهوبات بارده يعنى سيدا
من البيت للمغسله ولا تضغط بريك واجد عشان ما يسخن الهوب
3-اذا كنت مسرع اكثر من 80 وتبي تفرمل لأشاره مثلا أحرص انك ما تضغط بريك قوي
لين ما توصل 80 بعدين قوي الضغط مو مشكله <<<احس انه مو واضحه هالنقطه

شف أخوي اللومينا مو راعيه خرابات واللي يقول غير كذا يغالط نفسه هي بس تحتاج واحد فاهم بالموتر
وهذا اللي قلته لك بالرد الاول وصدقني راح يرتاح مع الموتر
واي استفسارانا حاضر............

اخوي الموتر ماشي تقريبا 110 ولقيته بسعر مناسب بس مدري عن نظافته الى الان لاني ماشفته على الطبيعه بس ياريت تقولي مشاكله عشان احاول اتلافاها..