احذروووووووو!! من ضمان الشركات للسيارات الامريكية

-ماهر- @user_72015 · 29-09-2008

السلام عليكم ورحمة الله وبركاته
حبيت اطرح هالموضوع وودي الكل يشارك بتجاربه مع الضمانات للسيارات الامريكة حتى ينتبه الي ماشرى سيارة ولا يخسر كثير

ابدأ انا بموضوعي

شريت سيارة فورد استعمال امريكي وكانت تحت ضمان شركة تسمي نفسها ( الشرق الاوسط)

مقرها في جده المهم عندما اتيت اشتري السيارة قالوا ضمااااااااان( قير - ومكينه- ودفرنس - وكمبرسر)<<<<<<<شي مغري

فرحت كثير وقلت اوفر فلوسي فحصتها قالوا مافيها شي سمعت صوت ونه او حنه في الخلف شكيت انه دفرنس قلت للمعرض شيكوا عليها شيكو مرتين قالوا صوت كفرات شريتها ثم بعد ثلاث شهور زاد الصوت وديتها للضمان قا لوا دفرنس يبيله توضيب قلت ماشي على الضمان

تخيلوا ياشباب لما صلحت السيارة وجيت اخذها قالوا ادفع مبلغ ؟ قلت ليش مو السيارة على الضمان الشركة تدفع قالوا الضمان بس شغل اليد والتروس فقط اما الزيت وصوف وجلب عليك ا نت لا وبعد تدفع مبلغ (300) ريال لما تجي تصلح السيارة على الضمان ومكتوب في كتيب ضمانهم بس محد نبهني من المعرض عليه ان شاء الله لو شي يكلف خمسين تدفع برضو 300 ريال

اتصل بالشركة يقول الضمان بس على التروس وشغل اليد المهم دفعت الشكوى لله

بعد فترة القير صار به مشكلة وديته للورشه الي عندها الضمان قال هذا حساس القير قلت طيب صلحوه على الضمان السيارة مضمونه قالوا ( لا) الضمان مايشمل الاشياء الكهربائيه في القير لو دخلت السيارة عشان تتصلح بتدفع 300

المشكله القيور الجديده كلها كهرباء وحساسات حتى لو بتوضب القير لازم تدفع 1500 ريال ليش ؟؟؟؟؟؟ يقولون زيت وفلتر وقطعه كهربائية تركب بالقير

بالله وش بقى يضمنونه؟ هل هذا ضمان؟؟؟؟؟؟؟؟

هذا غير العطله لازم يجي فني تبع الشركة بعد يومين توقفها ويهز طوله يكتب التقرير ويرسه الى جده في ثلاثة ايام ويجي الرد من جده يومين يعني بتاجر سيارة بمبلغ وقدرة بسبب استهتار هؤلاء الذين ليس عندهم ضمير

نصب عيني عينك ولعب عل الناس

والله قالي صاحب ورشة لبناني قال لا تزعل مني انتم طيبين وهذا الي يطمعنا فيكم

ماقول الا حسبي الله ونعم الوكيل ماكملت ثلاثة شهور خسرت حول 5000 ريال

عشان كذا حبيت انبهكم من هالضمانات الكاذبه وكل واحد يعرف شركة ضمان نصابة يتب هنا ويحذر غيره بدل مانصير ملطشه لك من هب ودب والي يسوى والي مايسوى

شاكر لكم سعة صدركم

ابوحمد2000 @user_107674 · 02-08-2010

ضمانهم نصب في نصب حسبي الله عليهم

اسئل مجرب ولا تسئل طبيب بيني وبينهم قضيه في المحكمه
ان شاء الله اخذ حقي منهم

وي ر فورد 2006 @user_60377 · 06-03-2009

الضامن الله سبحانه
استخر وشاور وكشف قبل لاتشتري

راعي الزد @user_214 · 06-03-2009

ق

قطع10

معليش أنا بخش عرض لأن موتري مرسيدس لكنه أمريكي وعليه ضمان زي المواتر الأمريكية و[COLOR=Black] الضمان شركة الشرق الأوسط,,

النقطة اللي أبذكرها أنا خرب علي القير بعد ماشريت منهم بأقل من سنة صلحته وكلف 6200
هم دفعوا4000ريال واأنا دفعت الباقي زي ماهوا في الضمان,,

المهم الملعوووووون صاحب الورشة على إنه متخصص مرسيدس سوا حركة مانتبهتلها الله
لا يحلله دنيا ولا آخره تخيلوا العمود (الشافت) اللي يمر في القير ويخلي التروس تتحرك
فيه جلبة تمسكه عشان مايتحرك, المهم الغشاش حق الورشة حط جلبة تجارية أو إنه حط
وحده مغشوشة, و الله و يحرب علي القير مره ثانية بسبتها وانا ما لاحظت إن القير مهوب طبيعي
إلا يوم رفض يرد للرابع وسبحان الله قلت بكره بوديه للورشة لكنه خرب في نفس الليلة,,

و نقطة ثانية:
أنا شيكت عند نفس الورشة تشييك الخمسة الآف كيلو وقالي عندك حساسات الايرباق
لكرسي الراكب مهيب شغالة ناظرته بطرف عين وقلت في نفسي شايفني بزر تلعب عليه؟؟ لو أي
أصلا خرب في الايرباق تنور لمبة عندي وشولن مانورت؟؟ أنا رحت لورشة ثانية (اللي صلحت القير عنده المره الثانية) والله ياجماعة بدون مايكشف كمبيوتر ولا شي شاف اللمبة ماولعت قال كل شي عندك أوكيه

بس بعض الزبائن يحسب إن الكمبيوتر صح 100% و إن أي شي يقوله صحيح
لكن ممكن المهندس يلعب عليك ويقولك إن فيه الشي الفلاني وهو مافيه وهنا المشكلة

المقصوووود:

بالنسبة للقير والمكينة لا تثقووووون بالضمان أبد أنا لوي دافع ها4أو6 آلاف في أول مرة وفكيت عمري
أهون من إني أروح لضمانهم اللي همهم النصب والاحتيال,,

و بالنسبة لفحص الكمبيوتر إذا طبعلك ورقة بالمشاكل زين إذا كتبها لك كتابة اعرف إن الدعوة فيها إن
بالإضافة مهوب عشانه فحص كمبيوتر تصدقه من أول مرة رح لواحد ثاني وخله يفحصه

و أعتذر جدا جدا عن الإطالة

و إعتذار خاص للإدارة ما انتبهت إن الموضوع قديم إلا بعد كتابة الرد
[/COLOR]

طيب يالغالي يوم خرب ليه مارجعته له وتصليحه ع الضمان 6 شهور ضمان التصليح والقيور ضمان سنه مع المكاين ؟ وليه ماكتبت تقرير ان هالقطعه تجاريه وكشفت تلاعبهم اذا هم فعلا ماغيرو لك اصلي !! ؟؟؟
وانت صادق بكل كلامك من ناحيه الاذهان والتفطن لهم بعدم تصديقهم باي شي يقولونه دون تاكد من الخلل !!

قطع10 @user_126453 · 06-03-2009

معليش أنا بخش عرض لأن موتري مرسيدس لكنه أمريكي وعليه ضمان زي المواتر الأمريكية و[COLOR=Black] الضمان شركة الشرق الأوسط,,

النقطة اللي أبذكرها أنا خرب علي القير بعد ماشريت منهم بأقل من سنة صلحته وكلف 6200
هم دفعوا4000ريال واأنا دفعت الباقي زي ماهوا في الضمان,,

المهم الملعوووووون صاحب الورشة على إنه متخصص مرسيدس سوا حركة مانتبهتلها الله
لا يحلله دنيا ولا آخره تخيلوا العمود (الشافت) اللي يمر في القير ويخلي التروس تتحرك
فيه جلبة تمسكه عشان مايتحرك, المهم الغشاش حق الورشة حط جلبة تجارية أو إنه حط
وحده مغشوشة, و الله و يحرب علي القير مره ثانية بسبتها وانا ما لاحظت إن القير مهوب طبيعي
إلا يوم رفض يرد للرابع وسبحان الله قلت بكره بوديه للورشة لكنه خرب في نفس الليلة,,

و نقطة ثانية:
أنا شيكت عند نفس الورشة تشييك الخمسة الآف كيلو وقالي عندك حساسات الايرباق
لكرسي الراكب مهيب شغالة ناظرته بطرف عين وقلت في نفسي شايفني بزر تلعب عليه؟؟ لو أي
أصلا خرب في الايرباق تنور لمبة عندي وشولن مانورت؟؟ أنا رحت لورشة ثانية (اللي صلحت القير عنده المره الثانية) والله ياجماعة بدون مايكشف كمبيوتر ولا شي شاف اللمبة ماولعت قال كل شي عندك أوكيه

بس بعض الزبائن يحسب إن الكمبيوتر صح 100% و إن أي شي يقوله صحيح
لكن ممكن المهندس يلعب عليك ويقولك إن فيه الشي الفلاني وهو مافيه وهنا المشكلة

المقصوووود:

بالنسبة للقير والمكينة لا تثقووووون بالضمان أبد أنا لوي دافع ها4أو6 آلاف في أول مرة وفكيت عمري
أهون من إني أروح لضمانهم اللي همهم النصب والاحتيال,,

و بالنسبة لفحص الكمبيوتر إذا طبعلك ورقة بالمشاكل زين إذا كتبها لك كتابة اعرف إن الدعوة فيها إن
بالإضافة مهوب عشانه فحص كمبيوتر تصدقه من أول مرة رح لواحد ثاني وخله يفحصه

و أعتذر جدا جدا عن الإطالة

و إعتذار خاص للإدارة ما انتبهت إن الموضوع قديم إلا بعد كتابة الرد
[/COLOR]

راعي الزد @user_214 · 05-03-2009

وياحليل الصالات الصغيره على قدهم واسعارهم وربي تفرق عن البيان اللي يلطش على 10 و15 الف بشي كثير وانا قبل لاشتري السبور قعدت اسبوعين فرفره ولاحظت تفاوت الاسعار الكبير وشطبت ع البيان تشطيبه بسبب اسعارهم الخرافيه وسيارتهم السيئه ونصب موظفينهم سوادنه ومصاريه ولامبزره من ابناء البلد وللاسف بلا ذمه وضمير وهم من دمنا ولحمنا لا وكل واحد متززز بجهاز لاسلكي ويكلم المدير العام السعودي عشان يعطيه الاوكيه وعمليه نصب شوف انا خفضت لك لان كل موظف مبيعات له نسبه اخر شهر وعموله باكبر عمليات نصب تمت من خلاله !!
وهالشي كشفته بنفسي وعلى استعداد تام كشفه للجميع بادق التفاصيل من نفس موظفين البيان سواء السودانيين او السعودين او المصاريه!!

راعي الزد @user_214 · 05-03-2009

السلام عليكم
كيف الحال اخواني

انا لقيت هالموضوع صدفه وانا اتصفح القسم وحبيت ادلو بدلوي بكل حياديه وامانه وانا يا شباب خذت الموتر من صالات الشفا وعطوني عقد ضمان 3 سنوات ( في صيانة مركبات الشرق الاوسط ) وحدوو لي 3 مراكز صيانه في الرياض وهي كالتالي
-المركز السعودي الاميركي لصيانه القير الامريكي ( شالنجر )
- مركز ديكسول
- التقوى (( ورشه اعتقد غنيه عن التعريف بسمعتها العريقه )
- التقنيه ( كذلك هذه الورشه )
- عصام

الحاصل فرقت السعر 500 ريال بضمان 3 سنوات عقد والعقود انواع برونزي ذهبي فضي وكلن حسب قيمته ضمان مكينه قير دفرنس مكيف كمبرسور وبلاويهم واول ماتشتري السياره لازم تروح تشيك في الاسبوع الاول لان لو مر شهر على تاريخ الشراء وانت ماشيكت راح عليك العقد وبعد تشييك الاسبوع الاول يعطيك رقم العداد ( يعني توصل 3000 ) وبعدين ترجع لهم ثانيه يفحصون الموتر واي تخلف عن التشكيات يلغي العقد تماما
وهذا اللي خلاني اتجه للصالات بدل المعارض اللي مادري عنهم وشفي السياره وش صاره عليها
هذي نقطه طبعا وبدخل لنقظه ثانيه وارجع للنقطه الاولى محور الحديث

قبل لاتشتري سياره امريكي فورد فيه امور لازم تنتبه لها قبل واترك السعر اخر شي تفكر فيه فكر بالاهم نظافه السياره واذا ماكانت عندك نظره ثاقبه استعن باي احد يعرف بالسيارات من خلال مهاراته وتفحصه له جيدا الحواف والمكينه والبدي الخ الخ وبعدين جرب السياره وافحصها بيدك وبعدها افحصها كمبيوتر وارفعها وشيك انت بنفسك ايضا تهريبات جلد مقصات الخ وامسك خط فيها وادعس لين تقول بس انت شراي مو جاي تلعب وبعدها لاتاكدت من السياره خذ رقم الشاصي واستعلم عنها زياده تاكيد وبعدها لاتاكدت من نظافتها توكل على الله واشترها وكاسر بااقل سعر ممكن ))

(( مو تشتري موتر قرمبع غرقان ولا مضروب بويه وتقعد تشكى ولعبو علي وقصو على الزين زين لوه توه صاحي من النوم والشين شين لوه توه طالع من الحمام ))

صاله البيان وفروقاتهم عن الصالات الاخرى
صاله البيان واللهي متعامل معهم لابعد الحدود واعرف حاجات عنهم من احوشتهم والسيارات المقبعه فيها وحوشهم شوفوه موجود في الحاره اللي خلف المعرض ومستعد اوصفه لاي احد يبيه عشان يتاكد من نفسه ومخزن فيها السيارات اللي توها جايه من المينا لان مخاوي السودانين في الصالات اللي ع طريق خريص وسياراتهم بعضهم نظيف وبعضهم لوشفتها قبل ماتدخل المعرض تمسك راسك جايه تشليح جاهزه وتتصلح وتضرب بويه وتركب لها بعض المواصفات وتدخل وضربه سعر ويزوزدن باسعارهم عن الصالات الاخرى فرق 5000 الى 8000 ريال والسبب ضمانهم تغيير الزيت مجاني 17 مره !! يعني اروح ادفع فرق 8000 كاش عشان الزيت اللي مابدله الا في السنه 6 مرات بالاضافه الى ضمانهم واللي غفل عنه اكثر الشباب ترا ضمانهم قائم ع التشليح الموجود لديهم ومايغيرون من عندهم واذا حبيت ادفع او جب القطع الله لايهينك لانهم مو مسولين عن قطع الغيار بس تصليح !! وهذا اللي شفته بعيني

نرجع لضمان الشرق الاوسط
هذا الضمان اول شي جميع السيارات المستورده تسجل لديهم وبحكم اني شريت سياره من صالات الشفا بعد التاكد من كل شي بنفسي و جوده السياره عطوني[SIZE=5] عقد ضمان 3 سنوات ( في صيانة مركبات الشرق الاوسط ) وحدوو لي 3 مراكز صيانه في الرياض وهي كالتالي[/SIZE]
[SIZE=5] -المركز السعودي الاميركي لصيانه القير الامريكي ( شالنجر )[/SIZE]
[SIZE=5] - مركز ديكسول [/SIZE]
[SIZE=5] - التقوى (( ورشه اعتقد غنيه عن التعريف بسمعتها العريقه )[/SIZE]
[SIZE=5] - التقنيه ( كذلك هذه الورشه )[/SIZE]
[SIZE=5] - عصام[/SIZE]
[SIZE=5] وفهمني الموظف انه لايشمل الا القير والدفرنس والمكينه والكمبرسر فقط الاجزاء الرئيسيه وليس له دخل بكهرباء او سيور او بواجي او ديلكوات الخ نفس الكلام قلته وش الفايده منه اجل يعني لوخرب على ماصوره المكيف ماشملها الضمان ولاشي ولو خربت على البريكات او السلف ماشملها وش الفايده ؟؟؟ [/SIZE]

[SIZE=5] المهم قلت خل الحق النصاب لين باب داره طلعت السياره وغيرت زيوتها انا على حسابي وماكلفتني الا 250 او شي ماني متاكد بكم ودخلتها الحوش عندي عشان الاحظ اي تهريبات او خرخره والحمدلله ماطلع شي بعد مامشيت 1000 ميل توجهت لشالنجر الفرع الكبير وفيه محاسبن ومسولين ومدير ورشه عشان ابدا معهم عقد الصيانه والمركز كبير ونظيف وحلو ومرتب تحسه ورشه صح استقبلني المدير نعم ياخوي طلعت له العقد قال تفضل وهات مفتاح السياره المهم شغل السياره وطلعها فوق الرافعه ورفعها وجو فلبينين ومعهم واحد لبناني او سوري مدري بالظبط ومده الكشف استغرقت 10 دقايق شيكو على كل شي وسلمني المفتاح وخذ العقد وكتب عليه فحص بعد 3000 كم وكتب لي رقم العداد وكل شي اوكي وماخذ مني ولاهلله او فلس حمر ويشهد الله ع كلامي والله ولاريال لانه مجاني مجاني !![/SIZE]

[SIZE=5] بعد ماسلمني مفتاح السياره قلت اخوي ممكن استفسار لو سمحت قال تفضل [/SIZE]
[SIZE=5] قلت وش الفايده من ضمانكم الحين وانا بدفع 300 ريال عن كل خلل !! قعد يضحك [/SIZE]
[SIZE=5] قال شوف احنا نبحث عن سيارتك اي خلل حتى لو كان بسيط نبي نصلحه لاننا نستفيد من العقد وهذا العقد بصالحك قبل كل شي حنا مو خسرانين شي ولانت شي وقالي فرضا خرب عليك القير او الكمبرسور او الدفرنس الخ [/SIZE]
[SIZE=5] خلينا ناخذ القير لو خبط عليك حلو [/SIZE]
[SIZE=5] كشفه كشف دقيق 200 ريال وفك القير فقط 900 ريال واصلاحه قد يصل الى 1000 ريال وقطع غياره قد تصل 800 ريال او 1000 ريال (( انت لست مطالب باي مبلغ سوى 300 ريال فقط ))[/SIZE]
[SIZE=5] قلت طيب لو سويتو تلاعب وطلعتو حاجات خربانه وهي كويسه جلس يضحك قال مفكر الشغله بيدنا حنا نعد تقرير دقيق جدا بفحص 3 مهندسين لدينا وبعدها نرسل فاكس لمكتبهم بالرياض ويصل منهم خبير يدقق ع التقرير وهل هو صحيح ام خطا وبعدها يعطينا الاذن بالتصليح وتعميد في خلال يوم واحد او اقل وبعدها نصلح ولديهم محاسب شوفه جالس ع المكتب وفعلا شفته بعيني محاسب حضرمي ومدقق _ طيب حبيبي واخش بعينه بسوال اقوى قلت وش يضمن لي ان القطع اصليه ولاتجاريه جلس يضحك مره ثانيه مع انه قفلت معه قال ياحبيبي ضماننا 6 اشهر ع التصليح وسنه كامله ع القيور والمكاين ومن البديهي مانستعمل شي مضروب عشان مانتعب انفسنا !! [/SIZE]

[SIZE=5] بعدها قلت تشكرات حبيبي وطلعت وانا مبسوط وقلت قدامه بلعن والدين سيارتي دام الدعوه كذا قال رجلك وماتعطيك هاتها سكراب كل شي مضمون !! [/SIZE]

[SIZE=5] طبعا لو جينا للواقع وحسبناها انت شريت السياره بحدود 35 الى 40 الف او 45 الف فورد 2007-2004 حسب النظافه بالله عليك مو اضمن 90 مليون مره انك تشتريها من شريطي لاذمه ولاضمير ولامعرض راعيه يكلمك من طرف خشمه ويصك الحلوف الكذابه انه وانه وانه وانه واخرتها عياله كل يوم طالعين عليه ومفحطين فيه ومرجعينه !! [/SIZE]
[SIZE=5] واذا ع الضمان انه مو شامل فيه عقد ذهبي بس ارخ يدك ضمان وكاله على كل شي بس بكم !![/SIZE]
[SIZE=5] وصعبه جدا يشمل الضمان الانوار ولا القطع الكهربائيه وخلافه لانه نادر خرابه بنفس الوقت الموتر ماهو جديد ياخي حتى الوكاله ماتضمن لك الانوار ولا البطاريه ولا الكفرات ولاالفحمات ولاسوء الاستخدام كيف تبي تبي الصالات يضمنونها لك !! ( الا في حاله العيوب المصنعيه ويمكن يطلعون ريحتك عشان يصلحونها او يستبدلونها )) [/SIZE]
[SIZE=5] وبعدين ايش المشكله مع الضمان بالعكس حلو وراحه نفسيه اقل شي ترتاح نفسيا من وجع الراس [/SIZE]
[SIZE=5] وانا عني مرتاح معهم والمره الجايه باشيك للمره الثانيه والحمدلله ماواجهتني مشاكل لحد الحين [/SIZE]
[SIZE=5] وبالنهايه اكرر واقول (( هناك عده طرق للتاكد من نظافه السياره قبل شرائها والقانون لايحمي ....) [/SIZE]
[SIZE=5] مع كامل احترامي وتقديري للجميع فنحن هنا لاتوجد لدينا لارقابه ولاحمايه مستهلك بس كلام عن قوله موجود عندنا والشغل ياتسويه بنفسك وتاخذ حقك الصاع صاعين ولا محد حاك جلدك مثل ظفرك ))والسلام عليكم >> خطبه فورديه هههههه [/SIZE]
وسامحوني ع الاطاله

-ماهر- @user_72015 صاحب الموضوع · 03-10-2008

:

::SONATA::

هذا الكلام الجديد لك وللزمن مهما كان ..

وفكره المستعمل مادخلت راسي ابد .. الامن ناس اعرفهم شخصيا بسسسس غيره لا لا

صدقت اخوي الجديد لك وللزمن

تكتب بماء الذهب

شاكر لك مرورك

وعيدك مبارك

نـاصر @user_80714 · 02-10-2008

-

-ماهر-

الواحد يشتري وكالة ويريح راااااااااااااااااااااااااسه

-

هذا الكلام الجديد لك وللزمن مهما كان ..

وفكره المستعمل مادخلت راسي ابد .. الامن ناس اعرفهم شخصيا بسسسس غيره لا لا

-ماهر- @user_72015 صاحب الموضوع · 02-10-2008

حياكم الله ياشباب

واشكر الجميع على حضورة وتفاعله

الي ماشرى لا يشتري ويحذر الي يعرف هذولا فعلا يلعبون علينا لاننا شعب طيب

لان اكثر الي ماسكين الشركات في بلدنا اجانب ( لبناني - او سوري - او اردني)

كل ضمان الصالات ماتنفع الواحد يشتري وكالة ويريح راااااااااااااااااااااااااسه

الي بيوفره من سعر سيارة الوكالة ويشتري مستعمل بيحطها واضعافها في تصليحات المستعمل

-وكل عام وانتم بصحة وسلامة وعيدكم مبااااااااااااااااااااااارك-

فواز @user_561 · 01-10-2008

أخي العزيز هذا الضمان ضمان تجاري وليس ضمان مصنعي وهو تابع لشركة خاصة وأي شخص ممكن أن يشتري من هذه الشركات الخاصة ضمان لسيارته مهما كان موديلها بشرط أن يفحصوها في البداية وهم يضمنون جميع السيارات وليس السيارات الأمريكية فقط ... وكان من الأفضل لو أنك قرأت دفتر الضمان لتعرف ماهو مشمول من قبل هذه الشركة .

أذكر أفضل شركة خاصة للضمان التجاري هي شركة أمريكية تسمى AAA وأذكر كانت أسعارهم مناسبة بحدود 1300 ريال لضمان سنة .

وعيدكم مبارك :)

وي ر فورد 2006 @user_60377 · 01-10-2008

الحمدلله انا مافكرة في الضمان توكلت على الله وشريتها
وقلتلهم اخصمو قيمة الضمان من السياره قالو ابشر وهذي 500ريال
يعني الضمان ب500ريال على وشو

ابــو ســعــد @user_108772 · 30-09-2008

انا الضمان الي علئ سيارتي من الشرق الاوسط

EPICA 219 @user_113013 · 30-09-2008

ياساتر على النصب الله يعينك

arabicizing @user_44793 · 29-09-2008

الحمد لله الى الآن ماخدنا ولا سيارة لا وكالة ولا تشييك ولا بطيخ

أبو LAMeS @user_107563 · 29-09-2008

أخوي ماهر حياك الله

وش نوع السيارة ؟ وموديلها ؟ وسعرها ؟

هاجوووس @user_89601 · 29-09-2008

هذا الضمان ,

يضمنون لك القطع اللي ما تخرب كثير ,

Mashari @user_53720 · 29-09-2008

الحمدلله إني ما أخذت الضمان الي زي كذا ، الوالد أعجبه الوضع وكان بياخذه لسيارتي
لكني أصريت على الرفض.

عكوس @user_50224 · 29-09-2008

على طاريها اشتريت سياره من الملحم
بالدمام طريق الحبيل
الوكاد الضمان يشمل قير مكينه دفرنس
اقصى تكلفه للمكينه ٤٠٠٠ الاف ريال
القير ٢٥٠٠
الدفرنس ١٤٠٠

وبند من ضمن الشروط
- يحق للملحم تركيب قطع مستعمله نص عمر للعميل وان رفض دفع قيمة الفرق بينها وبين الجديد!!
- لو تعدي ٧٠٠ ميل ما جيت تشييك ال ٥ الاف راح الضمان
علما اني سويت تشييك ال ٧٠٠ ميل الاولى بمبلغ ١١٠ ريال عالما
انهم ما حركوا شي بالسياره !
وهناك شروط وشروط تحس انك مستحيل تحصل على الضمان
وانا واقف عند الاستقبال اقول في نفسي على هالشروط
كن عملاء الملحم (المغلوب على امرهم ) يخوضون مسابقه من
يشمله الضمان لو احتاج لذلك ليحضى بقطع مستعمله نص عمر

والاجمل والاروع ان الموضف اول ما تجيه يقول هذا ضمان الوكاله!!

قلت كيف قال الملحم وكيل فورد !! قلت وكيله بطه ....

والاسما من ذلك كله موضف الناصر اللي بطريق الملك فهد بعد اشارة
الضغط العالي قبل معرض البيان يقول العميل للسوداني انا رحت الوكاله
ما استقبلوني قال هذا الخلل منك ما عرفت تقنعهم !!!

ياللعار ياللعار ياللعار ،،،

الى متي الاحتيال علينا ونحن نضحك

هل تعتقدون العيب منا لا اعتقد لانا عاجزين عن حل المشكله
لوحدنا

-ماهر- @user_72015 صاحب الموضوع · 29-09-2008

A

Abu Rayan

الأخ ماهر ، يعوض عليك ربي وانشاء الله السيارة الآن ظبطت .

بصراحة ضمان الشرق الأوسط ما يطمن ولا يريح من فكرته أصلا واللي معطي ضمان لكل الصالات وكل من جابله سيارتين من امريكا يعطيه ضمان بعد !

أنا أستغرب وين دور وزارة التجارة أو حتى حماية المستهلك ؟؟ كيف شركات مثل الشرق الأوسط مستمرة بإعطاء ضمانات لا يضمنها أحد !

عموما مثل ما قال أخي المارودر 2004 ، أن ضمان شركة البيان ممتاز الى حد بعيد ، وأضيف لك أني عن تجربة شخصية من عام 2002 الي اليوم حيث شريت من البيان سيارتين وحده في عام 2002 والثانية في 2007 ، بصراحة تعامل ولا أروع وأصلا أغلب سياراتهم نظيفة ، وضمانهم تحسه أفضل من الوكاله أحيانا ، ولا أريد الخوض في التفاصيل .

أتمنى للجميع التوفيق والبعد عن الصالات والشركات المشبوهه ولو اضطر الانسان انه يدفع زيادة 2000 أو 3000 لكن يضمن ان سيارته نظيفة ويضمن تعامل بعد البيع .

تقبلو تحياتي .

اي والله ياخوك قلت اوفر خسرت اكثر لكن قدر الله ماشاء فعل

والبيان كما تفضلت افضل كما سمعت بصراحه استغليتهم شوي اكثر من غيرهم بكم الف بس افضل ضمان

عشان كذا مارحت يعطيك ربي العافية على تعليقك الجميل