السلام عليكم ورحمة الله وبركاته ..
كل عام وانتوا بخير ومن العايدين ان شاء الله ..
.
هذا خبر جديد عن محرك جنرال موتورز القادم واللي راح تستثمر فيه الشركة 370 مليون دولار .. وستكون مساحة المصنع الخاص بصنع هذا المحرك الجديد لجنرال موتورز 552000 قدم مربع :a120(89): ..
المحرك راح يتوفر بنوعين الاول مع تربو والثاني بدون (( من زمان وانا اقول المفروض كل المحركات بالعالم تربو بس الشركات اليابانية والامريكية ما استوعبوا الدرس الا عقب ارتفاع اسعار البنزين ))
المحرك بطبيعة الاحوال الاقتصادية راح يكون اربعة سلندر 1.4 ليتر يولد قوة 100 حصان بدون تربو (( تعتبر قوة جيدة لمحرك بهذا الحجم )) وسوف يولد 140 حصان مع التربو (( زيادة 40% في قوة المحرك راح تحتاج تربو عالي الضغط واللي يحتاج تبريد عالي ومو اي شركة تضبطه لاجواء مثل اجوائنا .. مثل سوبارو اللي رفضوا انهم ينزلون محركاتهم التربو بالخليج .. علما ان عندي فولفو بتربو عالي الضغط ولا عمري واجهتني فيه مشاكل ولا اتوقع ان فولفو فكرت باجوائنا .. لذا توفر محرك التربو باسواقنا مشكوك فيه ))
تتوقع جنرال موتورز انها من خلال هذا المحرك تصل الى معدل استهلاك وقود خيالي اذا اضيف بسيارتها الهايبرد الجديدة فولت وهو 45 ميل لكل جالون بنزين ..
45 ميل = 72 كيلو والجالون = 3.7 ليتر (هذي مو متأكد)
اوه نسيت اهم معلومة: المحرك راح يكون جاهز عام 2010 على موديلات 2011
