عاجل استفسار عن موديل سيارة في العيسى

الفتى2000 @user_101260 · 10-10-2008

ذهبت هذا اليوم للعيسى للسيارات فرع الدائري الشمالي بالرياض للبحث عن سيارة كابرس LTZ فوجدت كابرس معروضه فسألته عن موديلها فاجبني بانها 2009 وبعد فحصها وجدت انها لاتختلف عن 2008 باي شيء علما بان موديل 2009 سوف يكون قيرها نوع بترونك ولكن المشكلة بان السيارة الموجوده في المعرض تاريخ تصنيعها شهر مارس 2008 أي بداية السنه الميلادية على الرغم من أن لدى قريب لديه كابرس تاريخ الصنع شهر مايو 2008 وعندما سألت مندوب المبيعات اجبني بألا تدقق في هذه الأمور احد عنده معلومات كيف يتم ذلك يفيدنا.

لف يمين @user_124296 · 12-10-2008

لعله شر وأنزاح عنك في الأمر خيرة لك ان شاء الله

stun @user_2575 · 12-10-2008

و الله الواحد صار لازم يدوخ راسه عشان يكتشف التلاعب.

لكن الموضوع ما يستاهل تكتب "فضيحة" في العنوان!

mondeo_2006 @user_105596 · 12-10-2008

وكالات شيفروليت الأربع بصراحة مزودينها شوي ومغليين سياراتهم مرررة وهي ما تستاهل هذا الغلا
كله اللي كوري واللي استرالي واللي أمريكي ...................... الله يخارجنا بس

يبغالهم مقاطعة .

H.Alhindi @user_111914 · 12-10-2008

الجميح اللي في شارع الظهران نفس الكلام

لومينا LTZ 2008 لونها سماوي

صنعها مارس 2008 ، كانت بـ79 ألف في عروض رمضان

ويوم ماحد شراها ، غيروها إلى 2009 وخلوها بـ100 ألف :a120(89):

والكلام ذا صار معي ! أنا اللي مسعرها مرتين في رمضان وكانت ناوي عليها ، لكن الله ما قدر والحمد لله أنها ماصارت لي

يوم جيت بعد رمضان واكتشفت التلاعب ، هونت من الجميح تمامًا :a120(55):

والمشكلة ورقة المواصفات مازال مكتوب عليها 2008 !

تركي (أبو لورا) @user_125798 · 12-10-2008

يا جماعه الوالد أشترى من الجميح 2008 جي ام سي أكس إل شاص طويل جنوط 20
قيمتها 145500
والدوام عندي اشتروا نفسها من العيسى ونفس المواصفات بس والله إن أكسسوارات الجميح كامله عند ابوي
وموتر الدوام جاي كنّه سياحي لأنه من العيسى
شيلين الفرشات الداخليه ولا فيها ستارة للشنطه ولافيها دعسات إللي تحت الباب من خارج الموتر

الصراحه تعجبت والله

galaxy1 @user_89062 · 11-10-2008

اها وانا كنت ناوي على موتر ومقدم طلب قبل العيد وقال جت الموافقة لكن انتظر اخويا يجي من السفر عشان يروح يوقع العقد تقووووووووول خلصت 2008 معقولة مع اني ما اقدر اطلع الوكالة بعيدة في جنوب

الفتى2000 @user_101260 صاحب الموضوع · 10-10-2008

المشكلة انا الي حارق دمي اني كنت ناوي على وحده موديل 2008 يوم رحت للوكالة قلولي خلصت طبعا 2008 كانت سعرها 96000 v6 و2009 سعرها 120000 v6 يعني فرق 24000 حرام

سهيل الغامدي @user_125309 · 10-10-2008

نصب و سرقه عشان مايخسر يجيب اللي ما إنباعت في 2008 ويقول 2009 وبعد فتره تجي
2009 ويقولون هذه الدفعه الثانيه من 2009 فيها مواصفات جديده زي حركات تويوتا . وشكراً

Mashari @user_53720 · 10-10-2008

نصابين لا يهمونك هي 2008 أجل وشلون في مارس وهي 2009 ، السيارات التي تصنع للسنة الجديدة (كمثال 2009) تصنع قبل 2 أو 3 شهور بالكثير من السنة الجديدة (التي هي 2009)