مرحبا شباب 00 صباح الليل
هاللقطة قديمة باليوتيوب وما ادري وش سالفتهم 00 بس ما اتوقع سارقينها لأن المقطع بيدينهم
اغلب الظن انهم مهبل حتى الثمالة + بطرانين ويكحون فلوس = زلايب مافيها كلام خخخ
او طالعة لهم ببلاش شارين ذاك اليوم قوطي تونة وصار عليها مسابقة تحت شعار خذ تونة وادخل السحب >> استنتاج متعوب عليه خخخ
الله ياخذ ابليسهم الانفينتي تقل فكني ماخلى فيها مغز ابره 00 كسروا ظهرها والله لو يدهنونها بفكس سنة ماتشاوت لابارك الله فيهم ولا في شلتهم الداجه >> انفعل ابو الشباب وكبر خشمه خخخ
صراحة شي يدمي القلب عندما ترى هذه المناظر المؤسفة التي تنم عن عقول فاسدة ونفوس مستهترة ( وش اريكم في كلمة تنم اللي قبل شوي 00 قوية صح خخخ ) ولابد من قطع دابر هؤلاء الشرذمة >> اقول لايكثر بس رح نم يخف راسك خخخ
لا من جد ياشباب لاتستغربون هالهبال عندنا اعظم 00 عندنا وعندهم خير 00 اجل فيه احد يفحط في بي أم ويكسرها رحوا شوفوها في اليوتيوب 00 على فكره ياشباب فيه نظرية جديدة تقول الهبال ظاهرة عالمية >> قل والله خخخ
طمطم بوط = دمتم بود
