اول شي ياخواني اقول عسى الله لايوريكم مكروه
انا اليوم وانا طالع من الدوام او ماشي في طريقي داخل الحاره المهم الطريق طبعا مزدوج رايح جاي كان فيه سياره مقابلتني الا وفيه ذاك الواحد الي عسى الله يهديه بس طالع وطايف السياره الي مقابلتني في الطريق المعاكس لي طبعا الطريق ضيق طاف الي قدامه على سرعه واذا بي مواجهه انا بيكون يمينه السياره الي هو طايفها وانا على يساره ولا فيه امل اوخر عنه على شان جنبي جدار بيت المهم ما امداه يهدي دخل بيننا الاثنين وشطف مرايتي الله يسامحه بس وكسراها وقفت ابيه يوقف بس انحاش على الاقل لو وقف وجانا المرور واعطاني التقرير سيارتي عليها تامين شامل بتصلحها لي الوكاله بلاش بس انحاش الله يهديه لنفسه هذا الي بقول واحتسبها عند الله وعسها كفة ما هو اكبر منها بس طبعا مالكم بالطويله المهم كنت الظهر وانا عندي شغل مريت على الوكاله الي عندنا لقيتها مقفله قلت مالي غير ابو يمن يصلحها لي ويقص عليها قزازه تعبر حالي الين امر الوكاله واشتر الاصليه مريت ابو يمن وزبط لي المرايه وقص على المقاس وركبها مضبوط .
بس الي لافت انتبهي انه لما فك مراية الوكاله لقيت خلفها دائره كهربائيه ما ادري وشي والي ركبت من عند ابو يمن مرايه ساده والي ابي استفسر عنه وش هدائرة الكهربائيه الي خلف المرايه وش فائدتها ؟
هذي صورة المرايه الاصليه المكسوره .
وهذي صورة المرايه العاديه بعد تركيب ابو يمن لها .
وهاذي الدائره الكهربائيه الي خلف المرايه الاصليه والي ابي استفسر عنها هل هي ضروريه ولا اخلي الي قصها ابو يمن لي تعبرني الين افضاء لها .
