انا شخصياً ما جربت اشتري سياره من خارج السعوديه ..اكيد احد الاخوان راح يفيدك
ياطويل العمر .. آذكر قبل عشر سنوات كان فيه لكزس موديل 97 جي اس للبيع في معارض النسيم
راعيها فاز بهاا في مهرجان دبي للتسوق...قبل ماينزل 98 بشهرين ...اذكر راعي المعرض يقول مايشملها الضمان
(لكن ماتدري يمكن تغير النظام حالياً لأن الكلام هذا قبل عشر سنوات)
واحد من الاقارب اشترى سياره من الكويت ...ودخل فيها السعوديه واستعملها وهي بلوحاتهاا الا ان حصل عليه حادث وباع السياره تشليح
وعندي ولد عمه في الكويت كان معه جيب مرسيدس ..المهم يوم وصل السعوديه خرب عليه الدبل صار يشبك من حاله او شيء من هذا القبيل المهم انه راح الجفالي وشمله الضمان ( مع انه شاري السياره من بره السعوديه) بس الظاهر ضمانها عالمي او محدد بالدول .... وتدفع عليه فلوس زياده
اسف اذا طولت عليك بس هذي اللي اعرفه من الموضوع يمكن تفيدك بشيء
والأخوان هنا مايقصرون راح يفيدونك اكثر مني
بالتوفيق انشاء الله
تقبل تحياتي
لا بالعكس لا طولت علي ولا شي الا ما اقول غير جزاك الله خير
ويا ريت اذا معك اقارب في الكويت تسألهم عن سعر البرادو الفل ابشن لأني شفت مواصفاتهم وايد حلوه،وإذا قدرت تشوف لي موضوع اجراءات الجمارك والنقل وأي شي يخص ها الموضوع
