بعض الاستفسارات عن الأزيرا هنا الجواب

تسلم اخوي بندر على التقرير الشامل الكامل. وجعله الله في موازين حسناتك ...

معي ازيرا فل كامل 2006 اول دفعه بدون شاشه لها اكثر من سنتين ... تصدق اخوي بندر ما عرفت إلى اليوم وضيفة مفتاح التلوث :e058:

اكرر شكري لك ... لا خلا ولا عدم :emot154:

السلام عليكم...
ماشاء الله تبارك الله , الله يعطيك خيرها ويكفيك شرها
ويسلموووووو عالتقرير المميز

حبيت أزيدكم بعض المعلومات

بالنسبة للدكسون هو كعربائي ويتحكم في طلوعه ونزول وتقدمه وترجعه بزر كما في الصورة



والدركسون يتقدم ويرجع اتوماتيكيا عند إدخال المفتاح بالسويتش حتى لو ما شغلت شيء ويرجع الدركسون للداخل عند إخارج المفتاح وليس عند اطفاء السيارة
أما بالنسبة لكرسي السائق فلا يرجع ولا يتقدم ولا يصير فيه أي شيء سواء دخلت المفتاح بالسويتش أو خرجته إلا إذا ضغط على أزرار الذاكرة الي موجودة على الباب الخاص بالسائق

في حالة إنك أخرجت المفتاح من السويتش ولم يرجع الدركسون فالسبب إنك معشق القير في موضع غير P لأن الدركسون لا يرتفع ويرجع لمكانه أتوماتيكيا إلا إذا عشقت السيارة في P وهذا كأنه بمثابة تذكير لك بوضعية القير


ميزة أخرى في هذا الزر على يسار الدركسون



هذا الزر من المعروف إنه خاص بإضائه أنوارعداد السرعة و وعداد الدوران وغيره وهو يرفع النور ويخفضه
لكن له ميزة بالأزيرا وهو انه لم تنزل الزر ينزل النور في عدادات السعرة والدوران وجميع انوار أزرار حتى أزرار الشاشة ماعدا الشاشة نفسها فإنه يتم تخفيض الشاشة من نفس الشاشة
حتى يتم تخفيض الانوار الخاصة بالقير ورفعها الي موجودة بالكنسول الأوسط وأنوار أزرار الدركسون
كلها من نفس الزر الي بالصورة

ولم ترفعه لأخر حد وتنزل سنة صغيرة تسمع صوت تكة فائدتها
إنه إذا شغلت الأنوار تبقى انوار الازرار كما هي والي ينزل انوار عدادات السرعة والدوران فقط

اتمنى إنه الصورة وضحت

أخوكم بندر

ما شاء الله
تقرير روعه ..
فيه الكثير من الافادة اتمنى ما يروح الموضوع هدرر ..

,,مشكووور

بالنسبة للتكييف ممتاز لكن تويوتا أفضل في التكييف لكن الأزيرا بعد وقت يصير في عز الظهر بارد في السيارة تحتاج تقوم تخفض بالبرودة لكن مو مثل التويوتا في سرعة التبريد




حساس التلوث الخارجي في حالة إنك مشغل المكيف وتركت الهواء يجيك من خارج السيارة يعني ما يسحب الهواء من داخل السيارة ويبرده ويرجعه مرة ثانية يسحب الهواء من خارج السيارة ويبرده ويعطيك هو بالسيارة فلم يكون الهواء الخارجي ملوث من عوادم السيارات او ادخنة أو اي شيء يقوم اوماتيكيا بتحويل الهواء بدلا من خارج السيارة إلى داخلها وبعد ذهاب التلوث يرجع مثل اول وتقدر تخلي الهواء من الداخل بدون ما يتحول من الخارج أو من الخارج بدون ما يتحول من الداخل باطفاء هذا الزر

الله يعطيك العافية بس حبيت أسأل وش فايدة حساس التلوث الخارجي ؟

بيض الله وجهك كفية ووفية بس بنسبة للمكيف الهوء وشريك بتكيفه هل هووو افضل من التويوتا وال مقاارب له وشكراا

ماشاء الله الله يهنيك فيها

الزر الي جنب القير




هذا الزر خاص بالستارة الخلفية مثلا تبي تنزلها مرة وحدة تضغط عليه وهي تنزل ومراح تطلع إلا لازم تضغط عليه مرة ثانية يرفع الستارة مثل الي يبي يلغي التسارة يخليها تحت على طول
أو في حالة رجعت ريوس والستارة نزلت وانت ما تبيها تنزل تبي ترفعها حتى لو ريوس اضغط عليها تطلع الستارة حتى لو كانت معشقة بالريوس



ويعطيكم العافية على مروركم
وبنتظار استفساراتكم حتى لو بالصور
أخوكم بندر

الله يعطيك خيرها ويكفيك شرها
اخوي ايش الزر اللي جنب القير ؟ في الرد الثاني

يعطيك الف الف عافيه

ويعطيك خير الازيرا ويكفيك شرها

الموضوع حماس تمنيت اللي معي ازيرا فل بشاشه

تقبل تحياتي

تم التقييم :)

جزاك الله خير يا أخ ( بندر ) على الموضوع الرائع
وأتمنى من الادارة تثبيت هذا الموضوع نظرا لأهميته
ولي ان شاء الله بعض الاستفسارات سأضعها لاحقا

الآن نيجي لبعض العتقادات الخاطئة بالأزيرا

1- زر الشنطة للأزيرا الي يبي يفتحها من الخلف بدون استخدام الريموت أو من الداخل
وهو زر موجود فوق اللوحة وبمجرد اضغط عليه لمسة بسيطة جدا تفتح الشنطة وهو ليس له علاقة بقرب الريموت ولا غيره وهو مجرد زر عادي لأنه البعض يعتقد إنه يفتح إذا كان معاك الريموت

2- لم تفتح الشنطة ما ترتفع لحالها مباشرة لازم ترفعها نصف المسافة والباقي ترتفع لحالها
السبب لم يكون في مطر وانت تفتح الشنطة عشان ما يدخل الماء ويرق عليك الشنطة لأنها فرش وتبدأ تصدر روائح كريهه فالأفضل رفعها يدويا حتى نصف المسافة والباقي هي ترفتع لحالها

3- عدد السماعات بالسيارة البعض يقول 12 سماعة والبعض يقول 14 سماعة وهو كلام خاطئ
والصحيح أن الازيرا تحوي على 8 سماعات فقط
1 على الطبلون 4 على البيبان الامامية 2 على البيبان الخلفية 1 خلف مساند الرأس الخلفية

4- البعض يقول إنه الازيرا تحوي على 12 زسادة هوائية
وانا أقول تحوي على 8 فقط
2 على الطبلون 2 تخرج من المقاعد الامامية من الجنب 2 ستائر من الزجاج الجانبي للراكب الامامي إلى الزجاج الخلفية للركاب بالخلف 2 تخرج من المقاعد للركاب بالخلف المجموع 8

ملاحظة : أقصد بـ 2 يعني للجهتين

5- الكراسي الأمامية كلها كهربائية لكن كرسي السائق يحتوي على مسند خاص بأسفل الظهر يمكن نفخه عند الحاجة أو ارجاعه لوضعه الطبيعي وكذلك رفع الكرسي وانزاله وهو غير موجود عن الراكب الامامي

6- الستارة الكهربائية بالخلف تنزل لحالها وقت الرجوع للخلف والبعض يقول ترجع بعد فترة من الوقت وأنا اقول لا ترجع إلا في 3 حالات:
1- الضغط على الزر الخاص بالستارة إلي جنب القير كما في صورة القير السابقة
2- وضع القير على P
3- إذا مشت السيارة للامام وتعدت سرعة 20 كيلو متر بالساعة أما إذا مشت أقل من كذا مراح تطلع
السبب:
إفرض إنه واحد بشارع ضيق ويبي يداور بالسيارة فيقعد يقدم ويرجع ويقدم ويرجع حت يوجه السيارة للجهه الثانية فالستارة ما تقعد تطلع وتنزل وتطلع وتنزل كل ما عشقت القير فهي عند نزولها الاول لو عشقت في D مراح تطلع والسيارة واقفة عشان لو قدمت السيارة شوي تقدر تناظر للخلف هل المسافة كافية للرجوع وإذا عدلت السيارة ومشيت راح تلاحظ إنه لو عديت سرعة 20 كيلو متر بالساعة راح ترتفع الستارة لحالها أو إذا رجعت ريوس وبعدين وقفت السيارة حلاص وحطيتها في P
ترتفع الستار ة لحالها

هذا الي حبيت أوضح للشباب وإنشاء الله إني أفدتكم

إلي عنده أي معلومة أو عنده شيء يبي يستفسر عنه بأقول أبشر بالرد الي يرضيك


معلومة وملحوظة انا لاحظتها:
الازيرا الي تيجي بمكينة 3.8 سي سي لا يوجد بها حساسة تلوث خارجي وهذا الشي أنا ملاحظه في أكثر من ازيرا فل كامل بشاشة وكاميرا لكن الغريب ليش ما تيجي بهذا الزر وهو موجود في مكينة 3.3
وهذا صورة الزر




وتقدرون تلاحظون الشيء هذا في سيارات أزيرا 3.8 عدم وجود هذا الزر


إنتهي الموضوع

أخوكم بندر