عندي ماركيز 2000 ديجيتل
في يوم من الأيام غيرة بواجي ويوم مشيت بالسياره حسيت يتقطيع خفيف عند سرعة 70ك إلى 90ك
وبعد 6 أشهر تقريبا زادت التقطيع وبشكل واضح واشتغلت لمبة(الشيك)وكان التشخيص ثلاجة الماكينه لأن الكويلات كانت غرقانه بالماء وغيرت الثلاجه ونظفة الكويلات وضبطت وبعد 4 أشهر تقريبا زادت التقطيع بقوة وأشتغلت اللمبه (الشيك) ورحة فيها لمركز الفـــا بالمدينه الله لايعطيهم عافيه وقلتلهم اكشفوا عليها بالكميوتر وشوفوا وش تحتاج قالوا جلد كويلات وبواجي قلت غيروا بس على ضمانتكم
قالوا نظمن السيارة شهر أو 1000 كيلوا ويصكوني بفاتورة 700 ريال وخرجت وبعد 20كيلوا اشتغلت لمبة (الشيك)وبدأت التقطيع على خفيف رجعت لهم أعطوني ألف عذر وما طلعت منهم بفايده
طلبت إصلاح المشكله بأي طريقه قال الفني الكمبيوتر ما أعطى نوع العطل وأظن العطل في الحساسات اللي فوق الماكينه والحساس الخاص بضغط التانكي يحتاج تنظيف او تغيروشغلته طويله وتكلف من غير ضروره حسيت انهم ماعندهم سالفه أخذت السياره لورشه أخرى قالي غير البنزين لـ 95 فأرسلني لورشة ذو النـــون بالمدينه للكشف على الكمبيوتر كشف عليها وقال الكويلات كلها ضعيفه غيرها غيرتها هي والبواجي بـ 1000 ريال والكشف بـ50 ريال وغيرت البنزين 95 والحمدلله زال التقطيع ولاكن لمبة (الشك) ماطفت وطلبت منه حل مشكلت اللمبه قال الكمبيوتر ماأعطى اي عطل والسيارة صافيه يمكن يكون في حساس معلق وحتى الأن أكثر من شهرين واللمبه شغاله وكل مافصلت البطاريه تطفي وبعد 20 - 30 كيلوا تشتغل
ياخبراء
هل صحيح الكمبيوتر مايعطي سبب لمبة (الشك) مع العلم إني صرت أحس فيها تفتفه خفيفه
تكفى ياخبراء فزعتكم.
