الإخوان الكرام ... اود ان استفسر عن [COLOR=darkred]اليوكن الدبل هل تستطيع الدخول بة لأي طعس دون أن يغرز أي هل تعتمد علية وتدخل الطعس وانت مطمئن .... ارجو من جربه افادتنا لاني ناوي شراء يوكن دبل ولكم جزيل الشكر [/COLOR]
السلام عليكم ... اسمع وانا اخوك كلام مجرب... بالنسبة لدخول اي طعس تقدر تدخل... والغراز على السواق((مثل كل السيارات)) وذا كان الهوا منسم والسواق عنده اقل خلفية بالقيادة البرية اقول وبالفم المليان الموتر قدها وقدوووود واسأل مجرب والله اني اتمشى على الراحة ولا اشغل دبل بس الهوا انسم ووالله خذ رجاااال.. بس يعيبة النزول الامامي ولا يعاب الا اذا انت من النوع اللي يطامر بشكل شبابي <<<((طالع منها)) اما اذا تتمشى ع النفود فما عليك وذا تبي تقدر تفك اللحية او ترفعة شوي من الامام ويعجبك بس النزول الامامي يفيدة بالخطوط يعني اذا ما انت راعي بران فلا ترفعة بس فك اللحية (محشومة لحى الرجال) وذا ودك تجرب رح لم اقرب مكتب اجار وستاجر ولا موتري تحت الخدمة وتوكل على الله وأستخر...
مدامك مستخدم باترول وبتروح لليوكون بتحس بنقص بالآداء بالبر من ناحية الوزن ورشاقة السيارة ..
في كثير من الناس يجهل استخدام الدبل الثقيل باليوكون 4H
بالنسبة للموديلات القديمة هالكلام لان الازرار المخصصه لذلك مافيها توضيح كافي لكن الموديل الجديد سهل المهمة ووضح الامر من خلال التغيير بنظام الموجة على يسار المقود .. والـ 4H مايعمل الا ان كان القير ع الـ N
لكن نرجع للموضوع واليوكون مثل مايقولون الاخوان مقدمته نازلة وممكن تنكسر او تصيبها اعوجاجات وخلعها حسب ما يقول الكتيب افضل في حال الدخول للبر والتنسيم على الكفرات مهم جدا وماراح انورك اكثر انت ماشاءالله خبره ولكن ماراح تحصل المستوى الى يعطيك اياه الباترول لان في فرق بنظام التعليق ووزن السياره والتاهو Z71 افضل لان نظام تعليقه اقوى ومرتفع عن الارض بشكل جيد
الخيال من خيالها طال عمرك
وش انت من لحية في السواقة
إذا واحد يبي يدخل النفود وحاط ضغط الكفرات 40 ما أعتقد يتعدى محله
وانا اخوك الموتر جربته مع واحد في الربع وشقلنا لعلى طعوس الثمامة بالرياض
لكن كنت مع سواق فاهم يجلد الموتر ولاعليه وكان درجة الحرارة الخارجية 46 بالصيف
أخي Magellan اشكر ردك انا لدي جيب باترول اطلع فيه اطلق طعس ولكني حبيت أغير الموتر بسيارة اكثر رفاهية واكثر راحة في السفر وخايف اشتري اليوكن الدبل وما يصير زي الجيب ... تحياتي لك
الخيال من خيالها طال عمرك
وش انت من لحية في السواقة
إذا واحد يبي يدخل النفود وحاط ضغط الكفرات 40 ما أعتقد يتعدى محله
وانا اخوك الموتر جربته مع واحد في الربع وشقلنا لعلى طعوس الثمامة بالرياض
لكن كنت مع سواق فاهم يجلد الموتر ولاعليه وكان درجة الحرارة الخارجية 46 بالصيف
