النصيحه يا اخوان في كابريس 2008 ال اس

ياخي خذ لك فورد مادام انت راعي عائله لك وللزمن ولايتعطل ومعروفه صيانته ومشاكله

وهي السيارة الشعبيه العائليه الاولى بغض النظر عن انه شكلها قديم او مافيها مواصفات السيارات

الجديده ... والمشكله ان السيارات تطورت ومشاكلها كثرت

الكابرس على مااقرا في المنتديات واعرف كذا شخص مشاكلها مستمره وهي جديده

ومواضيع الكابرس كثيرة في القسم الامريكي سو خاصية البحث ويطلع لك عدة مواضيع واقرا

وشف المشاكل والقصص يعني تحصل مثلا 50 يذمون و 5 يمدحون طبعا معروف اني راح

امشي بالنسبة الاعلى وانت وهواك ورايك وانا مااقول الا الله يوفقك بالسيارة المناسبه

سو كابرس او فكتوريا او جراند ماركيز ومعي جراند ماركيز 2000 له معي 4 سنين ماطلب

الا قبل كم يوم رمان كرونه وغيرته وماكلف ولا 250 مع شغل اليد الكابرس جديد واسعار قطعه نار

والمشكله ان الوكاله يعجزون يصلحونه هذا على كلام وذمة الاعضاء اللي يطرحون مشاكلهم

والسلاااااام

تعرف اخوي
المشكلة في هالسيارات حظوظ واحد تلقاه ما يشوف الوكاله الا يوم يطلع السياره وسيارته تبارك الله ما تشكتي من شي
وواحد الصيانه وكاله كل 10000 وكل يوم مشكله

انا رجل راعي سفر اسبوعي وراعي عائله ودوام يومي واحتاج سياره تخدمني ما اخدمها

فهمت القصد بارك الله فيك

واحتاج النصيحه لاني حاجز السياره وابي الشور الزين

حفظ الله الجميع

والله وانا اخوك لقيت اللي يمدح واللي يذم
واكثر المواضيع مقارنات لكن موضوع خاص للكابريس الجديد ما لقيت
اذا عندك نورنا والله يجزاك الف خير على نصيحتك يا ذيب

أخي العزيز أي سيارة يهتم الشخص فيها ويسوي لها صيانة بانتظام وما يلعب فيها صدقني بتقعد معه لو أنها سبارك زي العسل طالما هو حريص عليها,,والسلبيات والمشاكل تحدث عكس السابق,,

ادخل على مواضيع الكابرس وشف المشاكل ولاتستعجل مو اي واحد يمدح السياره

علطول سيده على الوكالة وتشتري اسال وتقصى الحقائق وشوف وش اكثر الايجابيات ولا السلبيات


ومواضيع الكابرس كثيره اللي تتكلم عن مشاكله

والسلاااااااام

مادم بتاخذ كابرس خذ 6 سلندر 2009 ls احسن ما تاخذسلندر 8 انا اسمع ان 8 سلندر حساس وكهربه كثيرة ويمشي معك بس مع الزمن تبلش فيه

من تجربتي الكابريس لا يوجد بها أي عيب بشرط واحد لا غير(الاهتمام بها)
واذا كانت 8سلندر يكون أفضل

التوكيلات سعر ال اس 76 2008
ال اس 92 الف 2009

كم سعر 2009 ls و ltz

ومن اي وكيل ؟

جزاك الله الف خير اخوي

بس ممكن عيوب السياره لاهنت

خذها وتوكل على الله..نصيحة مجرب

وياليل ما اطولك

محد عبرنا :(