أسعار الفورد في الصالات في الرياض........

الله يبارك لك فيها ، أعتقد السعر مبالغ فيه لأني شفت قبل 5 أشهر قراند ماركيز و سعودي موديل 2002 فل بالمعارض صاحبه يعرضه ب40 و باعه ب 39 و ماشي يمكن 130 الف .

الصالات تحط لها نسبه ربح اللي يبي يشتري يمر السوق يوم الخميس و الجمعه و يشوف اللي يعرضون مباشره أحسن له

انا شريت كراون فكتوريا موديل 2008 من توكيلات الجزيره ب 80 الف ستاندرد والحين السياره ماشيه 6500 كيلو ... طبعا شريتها قبل رمضان ب 20 يوم تقريبا .... السياره ماشاء الله ممتازه ومريحه لكن العيب يكمن في اطاراتها اللي هي من نوع Goodyear والنوعيه هذي مادخلت مزاجي ابد ........ واحب انوه للاخوان اللي بيشترون من الصالات ... واحد من الاعضاء مسوي موضوع عن الصالات وخذ كم صوره للسيارات المستورده فيها الزين وفيها المصدومه وسمكر يامسمكر وحط اي كلام وجنوط صينيه ومش حالك ...... المغزى من ذكر السالفه ان بعض الزباين اللي يشترون المستورد مايعيش معهم وتطلع عيوبه بسبب الصدمات طبعا تختلف الصدمات فيه القويه وفيه الخفيفه ..... وبالتوفيق للجميع

35 الف تجبيب لك ماركزي 98 نظيف ومضمون

افضل من المعارض والشريطية

اخويشاري سياره فورد فكتوريا 2002 قير ارضي

48 الف ريال من صاله السلطان ماشي 187 الف

اشكرك على الموضووع

إذا تبي السيارة تعيش معك خذ من الصالة <<< ماركبت في مخي لكن...

ماركيزتي من صالة أركان الروعة بالشفا

ب 56 ألف لكن السيارة نظيفة

شاكر لك مرورك

ماشالله الله يعطيك خيرها ويكفيك شرها .......... بس والله غاليه وش رايك يااخوي انا راس مالي تحت ال 35000 تنصح في الصالات والا اشتري من المعارض


تحياتي لك واشكرلك مرورك

أنا اشتريت من قبل 3 اسابيع تقريبا Ford Expedition 2008

من الدمام وسعرها 106.900 ريال


والضمان كويس وما شاء الله السارة ممتازة في البر مع التطعيس

MajeD


مبروك الله يعطيك خيره ويكفيك شره

قراند ماركيز 98 فل كامل ماشي 128000 كلم
من صالة البيان بالرياض قبل اسبوعين
ضمان 4 سنوات او 60 الف وتشييك مجاني كل 3000 كلم
37500 ريال <-- محطوني بالسعر بس الموتر يستاهل ماشاء الله

انا قبل اربعه اشهر شريت ماركيز 2004 من صاله الدوحه بالشفا ب55000