تسلم أخوي أبو أسد على التقرير بس سؤال يطرح نفسه مندوب المبيعات في المعرض ما مل منك من كثر التصوير
لين أغلب اللي في معارض السيارات يتوقع أنك تصور واحد من عائلته والمشكلة السيارة منتشرة في الشوارع
وعلى فكرة البازعي سيارته وارد البحرين ( كانو) وليس وراد الامارات.. وانا اسبوعيا اشوف السيارات متوجهة من مستودعات كانوا او من الميناء لين جسر الملك فهد.. بكميات كبيرة ..لاندكروزر وبرادو وFJ و هايلكس واللكزس بجميع انواعها
اللي شدني بالتغييرات الجديده لموديل 2009 هي اللمبه اللي بين الراكب والسواق بس أما باقي التغييرات مالها سنع وزيادة سعر على الفاضي وصدقت بخصوص شكل الكفر الخلفي شكله سيئ !
يعطيك العاافيه يااابو اسد الصرااحه تقرير شاامل ومفيد للي يفكر بشراء الاف جي.
الخميس المااضي كنت طالع اناوعمي على الاف جي حقه(توه شاريه) الصرااحه الموتر ممتاز من جميع النواحي يعيبه في نظري (تصميم الديكور الداخلي+ ضيق مساحه الارجل بالنسبه للمراتب الخلفيه)والا البااقي كامل والكامل وجه الله.
اللي استغربته انه فيه زر A-TRAC لكن زر مانع الانزلاق غير موجود بالنسبه لنظام الvsc
كنا مسرعين في البر في ارض شبه طينيه وزحفت السياره زحفه يحبها قلبك(انوااع الظحك:smilie6: )لكن على طول اشتغلت انظمه منع الانزلاق (تسمعها بالصوت) ممكن يكون هذا النظام اللي تقصده؟؟
مع العلم ان الاف جي فل كامل.
أبو أسد الله يعطيك العافية على المعلومات القيمة ... والحقيقة خاب ظني لما وجدت زر الـ A-Track غير موجود. ميزة هذا الزر أنه يسمح بتشغيل التراكشن كنترول على الكفرات الأمامية فقط، في حال قفل الدفرنس الخلفي، وبدونه يعني أن السيارة لا تستطيع أن تستفيد من التراكشن كنترول في حال قفل الدفرنس الخلفي. شيء مؤسف.
لكن رأيت مرة في الإنترنت في أحد المواقع الأمريكية قيام شخص ما بتركيب الزر بنفسه، وذلك بإزالة غطاء الزر في مكانه الأصلي ووجود توصيلاته خلف الخطاء مباشرة دون الحاجة إلى التوصيل إلى كمبيوتر السيارة ... فقد يكون الأمر كذلك.
كذلك الجديد وجود زر لفصل نظام الثبات ... سابقاً كان يفصل بمجرد تشغيل الدبل، الآن ممكن فصله بدون تشغيل الدبل ... إيش الفايدة؟ الله أعلم، ربما التخميس.
