هل أنت راضي عن ناقل الحركة الأوتماتيكي في سياراتك الهيونداي

سيارتي ديززززززل لازم تحمي وإلا تنعدم عليك طرمبة الديزل
للمعلوميه طرمبة الديزل في بعض السيارات أغلى من المكينة تصل قيمتها إلى أكثر من عشرين ألف

والله الى قعدت 30دقيقه احمي السياره ..

اذا ارتفعت الامبير حق الحراره امش ومعليك ان شاء الله ..

وخلك من خساير البنزين ..

والله أيام البرد ما أحرك قبل عشرين إلى ثلاثين دقيقة وبالصيف ما أحرك قبل عشر دقائق يعني أكثر من هالدلع شي
عموماً اليوم دخلت السيارة للوكالة وراح تقعد 8 أيام علشان التشييك بس !!!!!!!!!!!! يعني لو بصلح كم تقعد شهريين والله فوضى

احنا يسعودين فينا العجله دوم ههههههههههه

الواحد وقت البرد ما يعطي حق سيارته وقت تسخن فيه



كان وياي سوناتا من 2007 إلى 2008 شهر 9 والله ما شاء الله عليها خاصه القير غير عن كل السيارات

عطيها وقت لتسخين وتشوف شلون يأدي القير وياك

^^^^^^^^^
ثاانكس

يـــس الورشه اللي صلـحت قير نايـف

^^^^^^^
هي الى صلح عندها نايف قير موتره ؟

أنا أستعمالي سباقات قومات يوميا بالإجازات وبالويك اند ايام الدراسه

وموتري ماشي 125ألف كيلوو

ولسـى يمشـيني القيـر مع أنه على وشك

وأعرف شباب واجد بالمقاومات مواترهم التيما v6 وموضبين قيــر وموترهم ماعدى الضمان طبعا موديل 2006
والكوابرس واللومينات عد وأغلــط

صح يعيبها بطـئ تعشيق القير لكـن حتـى المرسيدس نفس الشي تعشيقه بطئ

لـكـن في ورشه متخصصه بهيونداي إذا أنت تبي توضب
كانوا يشتغلون عند صيانة الوعلان
بـصناعـية الخليــج يمكن يفيدونـك
لكـن وصفها بالضبط ماادري لكـن فاهميـن بالهيونداي صـح

أشكر كل من وجه لي نصيحه أو أبدى إهتمام بهذا الموضوع و أخص الأخ سراب الود ( وأنشاء الله الود موجود ) اللي كانت معلوماته جداً مفيدة لي بهذا الوقت اللي يكون الواحد مشوش التفكير خصوصاً أني محافظ جداً على السيارة وكنت أنصح كل من يريد شراء سيارة أن يكون من ضمن خياراته إحدى سيارات هيونداي أو كيا بالفئة التي يرغب بإقتنائها .
والآن أريد أن أعيد طرح السؤال من جديد
هل أنت راضي عند ناقل الحركة الأوتوماتيكي لسيارتك الهيونداي في المدينة وفي الرمل والطرق الوعرة ( خاص بالدفع الرباعي ) وإذا لم تكن راضي ما السبب وهل إستعمالك للسيارة رياضي أو هادئ

صدقت والله غبيه مره وبطييييييييئه مره ..<<سوناتا 6سلندر

موضوعك سهل باذن الله..
عموما لو حاب تعالج المشكله بنفسك..فيه تحت البطاريه...مفصل (موجه) يربط بين سلك القير من عصا القير (داخل السياره) الى المفصل..ثم من المفصل الى القير..
انا اتوقع المشكله من المفصل هذا ومحتاج تزييت..في اعتقادي بس ماني متأكد..
عموما الوكاله قالت لي المشكله من سلك القير..وما راح يكلفك شي اشتر سلك القير وركبه عند اي ورشه وحرص عليهم بتزيت المفصل اللي تحت البطاريه..وباذن الله بيضبط معك..
ولو تبي السياره تلقم بـ D بالغصب تقدر..

اترك السياره تحتمي بالكامل وحاول مره ثانيه انا متأكد انه راح يقبل بـ D.. حتى لو بالقوه والضرب على عصا القير اكثر من مره..راح يقبل باذن الله..لا تتوقع انه بيقبل معك بسهوله..محتاج تجمد يدك شوي..

نصيحه لوجه الله..لا تغير القير او تفكه ابدا ابدا ابدا..

كلام منطقي أخوي سراب الود يمكن أنا متنرفز شوي ومشوش التركير شكراً لك على النصيحة التي لن أتأخر بتنفيذها

الله يهديك اخوي..الحين من اللي اقنعك ان القير انتهى..!
الحمد لله بس..الحين اانا ابي اسألك سؤال..من قال لك ان القير خبط وخربان..؟!
هل الوكاله بنفسها كشفت على السياره وقالت قير خلاص انتهى...؟!


ثاني شي من المفترض انك تدخله للوكاله فحص للمشكله..وهي ان القير ما يلقم بـ D...!
مهب تروح لهم وتقول كم توظبون القير..؟!
انا ما زلت اقول ان القير سليم الى ان تثبت الشي هذا في الوكاله بتقرير منهم..!!

يعني بالعربي انا اعاني من نفس المشكله اللي عندك بالتمام والكمال ودخلته الوكاله فحص كلفني 120 ريال واخر شي قالوا لي سلك القير محتاج تغيير..ومشكلتي نفس مشكلتك بالضبط..وطلعت بتقرير منهم عن مشكلة السياره ورقم القطعه ونوعها..وفي الاخير صار سلك القير..
وسيارتي ديزل مثل سيارتك..2006..
المهم ما تروح لهم وتقول كم توظبون القير...!!!!
اولا لازم تتاكد من المشكله..واترك فكرة ان القير انتهى اخر فكره تفكر فيها..
هالكلام من سنه والى الان ما غيرت السلك..وفي البرد اعاني صعوبه في التعشيق بـ D..مثلي مثلك..!
وراح اغيره متى ما فضيت..
زيت القير ما غيرته الا مرتين فقط...انت تبالغ كثير كثير...!!
اتمنى تأخذ الامور بهدوء..
واذا احتجت شي كلمني على الخاص وباذن الله راح افيدك باللي اقدر عليه..

تحياتي..

صعبة تشيل سيارتك على سطحة من الرياض إلى جدة على أمل لعل وعسى ، أما الناغي والله كثير ما يمدحونه لا بالصيانة ولا قطع الغيار وأنا أعرف واحد بمكه بهذلوا فيه بتوضيب تيركان 2006وبالنهايه ما ضبطت بعدها كره الكوري وحرم يشتريه حتى لو ركب سيكل

اخوي انا صار علي مشكلة مع الوعلان بخصوص الصيانة و لقيت اسعارهم بالعلالي

وسويت مقارنة لاسعار الوكلاء ( مشكلتي توضيب المكينة ) = انا دهورت المكينة مسوية بورش على غفلة
ولقيت اسعار الصيانة و القطع الارخص الناغي وكيل الجنوب و الغربية و من بعدة المجدوعي و كيل الشرقية و اغلى واحد الوعلان بس لا يهمونك انا وضبت عندهم و طلع لي السعر النهائي 12000 اثناعشر الف بس حطيتهم قدام الامر الوقع و قلت ما عندي الا 5000 ريال بس و ظبطو الفاتورة
انت روح لمدير الصيانة راه رجال و نعم خلهم يفحصون لك القير و انت بعد كذا قرر و اسال الناغي ترا اسعارة افضل بمراحل
اخوك مجرب

أخوي أبي السلامة يقالي أبي أحافظ على الموتر

أشيك على التوسان في الوكالة حبيبي رحت اليوم الصباح للوكالة وسألت مدير الصيانة عند الوع ....لان عن التوضيب ( ما بعد التوضيب شي ) تتوقع كم قال لي
قال يكلفك من ( 15) إلى ( 17 ) ألف ريال
بالله عليك هل هذا يعقل وبالصناعية ماحصلت أحد يعرف لها ولا فيه مستعمل كوري فيه مستعمل ألماني فيه مستعمل أمريكي فيه مستعمل ياباني حتى التشليح ما حصلت إلا قير عادي وبعد البحث حصلت قير توماتيك بعد الفرحة اللي تمت تبين أنه مايركب على السيارة يقول المكانيكي أنه ماهو حق دبل وسيارتك دبل
الأن عرفت ليش تنزل أسعار الكوري بسرعة
هذي أخرة تغلب العاطفة على العقل مالي ومال الكوري على الأقل لو كان معي ياباني مشهور ( تويوتا - نيسان ) أو أمريكي رح يكون عندي عدة حلول ( توضيب - قير مجدد - استعمال أمريكي أوياباني - التشليح متوفر)

والله الحمدالله معاي توسان 4 سلندر 2006م القير زي الحلاوة و لله الحمد (قولو مشاء الله )
و تغيير الزيت عند الوكالة لاني كل عشر الاف اودية لهم تشييك و السيارة ماشية الان 111000 و الحمدالله الامور تمام مع اني استخدم العادي كثير ( تربوترنك ) و اطلع البر برضو كثير و لا ارحمها
اعتقد مشكلتك بسيطة و انشاء الله اخونا ((( سراب الود))) يفيدك و يفيدنا بنوعية الزيت المناسب للقير
و انشاء الله مشكلتك بسيطة