تــــحـــذيــــر مهم للغاية

على طاري مخالفة عدم تجديد الاستماره

انا كنت اليوم عند المقدم حق مرور الروضه في الرياض وسألته عن الجزئية هذي

قال انه بعد 60 يوم من انتهاء الاستماره يتم احتساب 100 ريال

وماسألته بصراحة عن المدّه اذا زادت ..

بالنسبة لـ تدبيل المخالفات

الاسبوع الماضي كنت في مرور الناصريه بالرياض

والسبب ان صديقي اخذ مخالفه سرعه قبل فتره ..

وقاله العسكري وقتها ان مخالفته داخله ضمن النظام الجديد

لكن قعدت لها حول شهر كامل مانزلوها في الكمبيوتر

عشان كذا اخذنا ايصال المخالفه الصفراء عشان يدخلونها في الكمبيوتر

ورحنا نسددها عندهم عشان مايدبلونها او شي مثل كذا

عموماً سألنا الي هناك وقالوا ان النظام الجديد تم تطبيقه في الرياض لهم تقريباً شهر

السرعه كانت ع الدائري الشمالي .. 132 .. والسرعه النظاميه 120

المخالفه حسب النظام الجديد كانت ..

الحد الادني : 300 ريال .. وهذي الي سددناها

الحد الأعلى : 500 ريال .. هذي يحسبونها عليك اذا مر شهر ولم يتم السداد

الشي الجيد .. ان المخالفات السابقة الي كانت موجوده على الشخص قبل تطبيق النظام الجديد .. ما راح تدبل

تدفعها مثل ماهي ..

والله يعيننا عليهم ..

شوف تلاحظ انه الشباب مختلفين على قيمة زيادة المخالفة لعدم تجديد الاستمارة
يعني احتمال يكون العسكري يطقطق على رؤوسنا ويزود وينقص على كيفه
ماعرفنا الى الان الشي الصح من الغلط
انا جاتني قبل مخالفة وضع ستائر مع اني عمري ماركبت ستارة
عدم ربط حزام في الباحة وانا في مكة!!!
مخالفة رقم 24 في اللائحة جلست ساعه ادور عليها لقيت مكتوب مخالفة رقم 24 (اي مخالفة لم تذكر في اللائحة) ماادري يمكن كنت داعس بالدراجة ولا اهرول بسرعه وانا ماادري!!

كل سنه 100 ريال

كل سنة 50 ريال

كانهم يقصدون التعجيز عشان ماحد يجدد استمارة سيارتة

اعرف واحد موترة مطوف خمس سنوات يعني يبغى لة 3600 ريال غرامة تاخير فقط
وقسائمة فوق 6 الاف ريال وتامين يعني بالخلاصة يبغى لة قرض من بنك التسليف
عشان يسدد تجديد الاستمارة

نتائج الاستعلام عدد المخالفات الغير مدفوعة :6إجمالي المبلغ المطلوب :1,000

المخالفات هذه 3 منها قديمه لها اكثر من سنه
و3 منها بعد مااعلنوا النظام الجديد عن المخالفات قبل 3 شهور
والى الان ماسددت شي بس مازاد ولا رفعوا حاجه
انا سالت زميلي يعرف واحد رائد في المرور يقول النظام ماطبق فعليا الى الان
وسال ناس في وزارة الداخلية بس في أبها قالوا نفس الكلام
وقالوا انه بعد مايعمم القرار يطبق غالبا بعد سنه والقرار اول مانزل تقريبا في شهر 3
يعني يمكن على بداية السنة الهجرية يطبق فعليا
او انه طبق في اماكن واماكن اخرى لم يطبق



اما الاستماره ففيها غرامة تاخير 50 ريال لكل شهر هذه اكيده
عمي راح سدد 100 ريال على تاخير شهرين لتجديد الاستمارة
والله يعين الجميع
يمكن اكون غلطان لكن هذا اللي عندي خبر عنه

اما بخصوص المخالفات وتسجيلها في الكمبيوتر دايما تتاخر شهر كامل

كيف حالك LT_RAM
من زمان ماشفت مشاركاتك

بالنسبة لقسائم السرعة وقطع الاشارة اللي فيها حجز

خلال شهر المراجعة والا تضاعف المخالفة وبرضه تدخل حجز
واللي يطنش مايروح يتسجل على اسمه تعميم
وما يقدر يمشي معاملاته الحكومية ولا يقدر يسافر..

عقوبة مبالغ فيها لكن ما باليد حيلة.

يعني أنا عندي قسائم من زمان يعني لها شهور وهي عدم تجديد الإستماره
يعني تتضاعف إذا ما سددتها ولاكيف ؟؟؟؟؟؟؟

يقولون ولكن اعرف ناس ماخذين قسائم ولها اكثر من 3 اسابيع
وماسجلت ومانزلت هذا التحذير الا مايتورط الكثير