استفسار (ضروري)

وعليكم السلام عليكم ورحمة الله وبركاته ..
وأنت بخير ونعمة أخوي ..

مبروك عليك الموتر، الله يخليه لك ويخليه يطلع لك كل خير فيه ويكفيك كل سوء ممكن يجي منه..

الدبل التقليدي في موترك طريقته سهلة، إذا ما كنت تحتاج للدبل تحطه في الفاضي N

وإذا بغيت الدفع الرباعي لقيادة بسيطة مثل مرور فوق رمال أو طين أو وحل وهكذا تحطه في H4 ..

وإذا بتسوق سواقه قشراء مرة في دروب صعبة مرة كلها حصا كبيرة وحفر وحالة ، وكذلك لو غرزت في الرمل تغريز صعب ، فعليك بـ L4 ..

وطريقة النقل بينهم عادية مثل القير إلا اللهم تحتاج تظغط الدبل لأسفل في إحدى المراحل أو كلها مدري بالضبط ..

وكذلك انتبه تحرك الدبل وأنت تمشي أكثر من 60 كلم / س ، يعني لازم تمشي أقل من 60 إذا بغيت تشبك الدبل أو تفصله ..

وإذا تبي معلومات تفصيلية عن طريقة استعماله فعندك اختنراع جديد اسمه كتالوج السيارة يكون محطوط في الدرج خخخخخخ

مع أني لست صاحب موتر دفع رباعي ولم يسبق أن صار معي موتر دفع رباعي تقليدي بدبل، لكن هالمعلومات سبق وقريتها في مكان ما يا كتالوج أو ما أدري، وسبق وسوبت تجربه على أحد المواتر بس من قديم الزمان ، لذلك اعذرني إن كانت معلوماتي مو دقيقة