اختكم في امس الحوجة لرايكم وما خاب من استشار

انصحك تشوفينها تره لقطة وفرصة ماتعوض
برغم اني اشك انه نظيف اكيد في عذروب
بس
وديه الصناعية وسوي فحص
ونشاء الله مايطلع فيه شيء و 40 فوق الممتاز

الشي الغريب اني اتصلت بالوكيل وعطاني رقم شخص معه يوكن 2005 جلد وفتحة سقف ويبي فيه 40000 والله اني تحيرت وتوهقت . صاحب السيارة بعد يقول ان سيارته نظيفة . بس معقول ذا الفرقا

إذا كان نضيف فهذي قيمة وحقه ومشاء الله ممشاها زين معدل 22 الاف سنوين
بحكم اني شهت بيعات لسيارات يوكون
يوكن 2006 slt فل كامل دفع رباعي ماشي 50 الاف كم بس مش دينالي انبع ب 85 الاف
يوكن 2002 sle استاندر دفع رباعي ماشي 220 الاف ميل ب 43 الاف
يوكن 1997 فل كامل دفع خلفي ماشي حدود 350 الاف كم ب 25 الاف ريال
يوكن 1999 فل كامل دفع رباعي ماشي 270 الاف كم ب 27 الاف
واليوكن سيارة قوية
عملية - قطع غيارها متوفرة - أسعارها معقولة (البدي شوي غالية ) - مرغوبة في حال إعادة البيع وشريه موجود في السوق
يشباب ترى في لاندكروزر ( إستيشن ) 2006 gx مقلوب مصلح ب 95 حد له نظر
وفي لاندكروزر gxr 2006 ب 125 نضيف ماشي 80 الاف
سيارة تفرق عن سيارة
مبروك مقدما

يعني الله مو كاتبه لك ...وان شاءالله تلقي افضل منها ..واللي الله كاتبه بيصير ,, وبالتوفيق

نتيجة الفحص الالي للسيارة طلعت 97 .بس تدرون مندوب البنك اتصل علي وقال كل المعاملات مالت التمويل تجمدت وانا كنت خلاص حصلت موافقة البنك علي معاملتي بس الحين مادري شنو بيصير

أختي توكلي على الله السيارة داخله مزاجك ومشيكه عند الوكاله واليوكون سيارة شعبية يعني لو بعتي السيارة بعد فترة صدقيني ما راح تخسرين فيها كثير

الخلاصة : الشباب كلاهم جميل بالنسبة للسعر لكن إذا السيارة نظيفة أتوقع فرق بسيط لا يهمك
ومبروك مقدماً
اللهم أحفظها وأحفظ لها ذريتها واجعلها ممن ربت ذريتها فسعدك بهم عند كبرهم اللهم آمين

سبعين الف اشتري سياره جديده الله يوفقك افضل من كل يوم بالورشه ولا كل شهر وهاذا قطع غياره اتوقع انه غالي وبالتوفيق

هلا وغلا فيك اختي ...وهلا باهل قطر ..
مافي زياده على كلام الاخوان ...بس عندي مداخله ..وهي اول شي صلي الاستخاره ..وانا اشوف ان عينك على هاليوكن ...والمبلغ اللي معك يجيبلك دينالي نظيف ...جدا ..والدينالي افضلك من اليوكن العادي .. راي متواضع ... عموما .. بالتوفيق ان شالله .. والله يعطيك خيرها ويكفيك شرها مقدما ..

شكرا لكل الي ردو علي وان شاء الله ربنا يوفقنا جميعا. واذا في بعد احد عنده راي باموضوع انا باذن الله بكون يمب اللاب توب اشيك عليه كل شوي وربنا يعطيكم العافية

اختي الجديدة :D
اول شي اسمي سعيد
وعارف انك بقطر وهالاسعار مقاربه للي عندكم
خلاصة الموضوع لازم تبحثي عن اكثر من يوكن وتقارني بينهم من جميع النواحي وايضا الدينالي مو غالي مرة تقريبا يفرق 5 الالف عن العادي
واستخيري ربك وانشالله ربي يوفقك.

انا اشوف ان القيمة مناسبة نوعا ماء وعلى فكرة الي يبغى يقتني ما تفرق معه فرق السعر الى خمس الاف وخصوصا اذا السيارة نظيفة واذا كانت السيارة وارد قطر توكلي على الله ولا تنسين الاستخارة والاستشارة

اخوي السوبر تري انا بقطر مو بالرياض هه

لا مو غالي
اقول لا تستعجلين بالقيمه هذي تحصلين دينالي 2005 بحدود ال75 الف اقوى وافخم واحلى دامه فبالك الدينالي تراه مو شين.
اذكر شفت دينالي بالسوق قبل فترة موديل 2004 فل كامل شاشات مشالله نضيف وطالب فيه 60 الف.

لا اهو موب دينالي . وانا صراحة كنت افكر الدينالي واجد اغلي.

الي يقول سيارة جديدة افضل ما اتوقع فيه سيارة بسعر 70 الف افضل من اليوكن نهائيا.
بالنسبه للسعر اول شي انتي ما حددتي الفئة هو هو يوكن فل كامل ولا دينالي
عموما السعر يبقى مناسب اذا هو فعلا نضيف لأن اسعار ال2006 توصل لحد ال80 واحيانا فوق
لاكن حاولي باقل من هذا المبلغ..
وبالتوفيق.

والله ماعندي علم باالاسعار اليوكن بس عندي تاخدي سياره جديده افضل لك

ونصيحه بعدي عن الكرنفال الصراحه عدبت ريب لي من الخرابات لاحد يقول لي الموديلات القديمه لا الجديده

ولو تاخدي انوفا من تيوتا والله افضل لك جديده وضمان وما فيها خرابات وبتريحك من خمس الى ست سنين اقل شي

يا اخواني انا وايد اتشكركم وربنا يجزاكم عني كل خير بس الاسعار هذي بالمملكة ولا بقطر. انا اشوفكم تقولون السعودية اسعار السيارات ارخص

يوكون بـ 70 الف مرررررره غااالي ..

انظف يوكون شفته مايوصل الـ 60 الف ريال ..

امس شفت يمكن جموس يوكون وسوبربان معروضه عن طريق مكتب ..

وانظف يوكون عنده موديل 2004 ويبي فيه 53 الف رياال ..

وصراحه رأيي من رأي الاخ al_mrsh .. ا 70 الف تجيب لك سياره جديده وعليها ضماان وخدمة صيانه وغيرها ..

والله الموفق ..

تحيتي ..