س1: هل هي جديره بالإقتناء رغم الفارق الكبير في السعر ؟
بالعكس الهيدروليك نظام فعال لسيارات الدفع الرباعي ويستحق الااقتناء ويوم اشري موتري كان من اهم متطلباتي الهيدروليك
يوم اغرز بالدهناء مافادني بعد الله الا الهيدروليك لانه الموتر كان ملامس الارض من الجهة اليمين ويوم رفعته قدر الموتر يطلع
بالنسبه لي هذا موتري للسنه الخامسه ونظام الهيدروليك على حاله من اخذته من الوكاله ولله الحمد
مع اني استخدمه كثير
لا جيت اقطع شعيب رفعت الموتر او قص او حتى سيف
لا جا يركب معي الوالد والا الوالده نزلت الموتر
حتى بالغسيل ترفعه ويكون غسيل الموتر بطريقة اسهل :smilie332:
بصراحه النظام ايجابياته كثيره ولافيه سلبيه تذكر ابدا خصوصا على اللاندكروزر واللي اعطاله قليله لدرجة انعدام العطل في الهيدروليك تحت تجربتي المتواضعه
حتى على كثر استخدامي له زيته مانقص للحين
لا تنسى انه فعال بالخط اولا الموتر مريح واريح من اللاندكروزر اللي بدون الهيدروليك
اذا ركب معك اكثر من ثلاث اشخاص يرتفع الموتر من الخلف وينزل من الامام ويكون راسي بالخط
حتى بالمنعطفات يعطيك رساوه تفرق كثير عن الموتر اللي مافيه هيدروليك
وبعد الله الهيدروليك يساعدك لا سمح الله وانفجر الكفر الموتر مايميل ويتعرض للانقلاب الله لا يقدر
باختصار شهادتي فيه مجروحه هالنظام خصوصا باللاندكروزر وجيب اللكزس لاني جربتهم
واعتقد بالسيارات الثانيه مايفرق الا بقلة الاعطال فقط
ميزة الهيدروليك باللاندكروزر 2007 وتحت تتحكم فيه يدوي بضغطه زر فقط
اما الموديلات الجديده موجود لكن من حاله يتحكم بنفسه
باستثناء جيب اللكزس 2008 وطالع تحكم يدوي مثل القديم
س4: ماهي متطلبات الهيدرولك لتدوم فاعليته, وطرق المحافظه عليه؟
اهم شي لا ينقص زيته ولا يحوقه الواحد يكثرة الاستخدام وخصوصا اذا الموتر مايل
عندك اللاندكروزر مايستجيب لك اذا الموتر في وضعية ميلان جامده
