ههههههههههههه اجل كل شوي الزبيرية تزلق
وانا صارت معي نفس الحركة يوم شلت الرصاص
زاد صوت السيارة
وترى كل يوم يرتفع اكثر من قبل
وتسلم على الموضوع
اخوووووووووك
ابونورة الشهري
هو أحسن شي انه يرتفع كل يوم أكثر من الي قبله :bigggrin:
الله يسلمك يالغالي ..
شكرا لك على التوضيح
قبل 6 اشهر تقريبا بسيارة اخوي كان الرصاص متكسر داخل الدبه ويطلع صوت قرقعه مزعج
وديتها الوكاله وسوينا لها برمجة اوكتان وكلفت 680 ريال ورجعنا للبنزين الاحمر
وبرضوا مافيه فيدهـ
وبالاخير اتذكر مشاكل الرصاص واوديها لواحد وخليته يقص الدبه ويستخرج الرصاص ويرجع كل شي لمكانه بدون التعرض للحساسات وبدون توليف اي شي
والحمد لله راح صوت القرقعه لكن صوت السياره تغير زاد شوي فقط بشكل غير ملحوظ وثابت الى الان بنفس الصوت ولم يحدث ازعاج ولله الحمد
السياره ماركيز 2004
والف شكر لك على التوضيح المصور
وشكراً لك على طرح تجربتك ايضاً :)
هو المفروض انه ما يلاحظ , لكن مدري وش الي صار معي , لكن مهما كان عاجبني<<<اي شي فيه اعدام للسياره يعجبه خخخخخ
اخوي Genus هل لاحظت إرتفاع بالحرارة ولو بسيط
أبداً , الحرارة عند الـC فوقه بشوي بعض الاحيان ماتتحرك في حاله الاستخدام الطبيعي , لكن اذا ارتفعت مع التعذيب الي يصير فيها ترتفع للنص وتشتغل مروحة التبريد وتثبت عليها كالعاده , بإختصار كلو تمام من هـ الناحية |1|
ههههههههههههههههههه الله يرجك ياجنينس .. كان من زمان مسويها مادامك راعي مقاوم .. بس وش رايك بالصوت .. طرب صح ..
ترا اريح للمكينه بس مضر جدا للبيئه << اقول اها بس ..
وتبي تنطرب زياده .. خل احد يسوقها وانت تسمع الصوت صح تخق هههههههههههههه
تحياتي ..
والله لي مده افكر فيها , لكن تعرف لازم الواحد يتردد شوي , بس الحمد لله انتهت على خير :D
والله الصوت طرب طرب |1|
البيئه عاد وش نقول , الله المستعان :D
ياسلام على الطالب المجتهد 10 على 10 <<< مسوي مدرس رياضيات :smilie16:
تجربة جيدة اخوي جينيوس وعالبركه ماسويت
تحس ان السيارة تعطيك باور هورس <<< مسوي لغه واخربها
بس الصوت كلالالام شي رهيب تحس انها مارودر
وبعدين يخلي الواحد يطرب ويدعس ويقولون ليش تصرف بعد فك الدبات الا من الزبيرية
بالتوفيق والله يعطيك خيرها وخير زبيريتك
ههههههههههههههههههههههه
هي تعطي باور هورس خخخخخ اقصد هورس باور :D
لكن مو لتلك الدرجة , شي بسيط , لكن يبقى فيه فرق خصوصاً في السرعات المنخفضة
والله تقصد تحس ان معك سوبربان 89 ولا كابريس 85 مو مارودر ههههههههههه :D
والزبيرية معتزلينها في الشتاء , لكن اليومين هذي بدينا نرجع لها الجو حااااار في الرياض انقلاب 180 درجة |11|
آمين الله يسمع منك يالغلا..
شكراً على مروركم وتعليقاتكم :)
تحياتي لكم ...
