مـوضوع شـامل عن//عـيوب ومزايــا الكراون فكتوريا والجراند ماركيز....شاركنـا بـرأيــك.!

^^^^^^^^^^^^^^^

اذا تبي تريح راسك من مشاكل الفرامل والصفير ركب اصلي وكاله وسعره فوق 300 ريال

والله الموفق

نبغى رد الغالي مستشار .....
يوجد نوع من الفحمات اللي هو موتر كرافت 110 ريال وفيه نوع اللي هو كرتون بني مافيه اي معلومات سوى كلمة فورد وهو 220 ريال النوع موتر كرافت يطلع صوت بعد فترة مماهي بالطويلة واداءة جيد مقابل نوع الاصلي وليس اللي بعده اللي لاصوت ولاشئ

ولله الحمد معي فكتوريا 2001 صارلها 9 سنوات عندي ماغير الا الاشياء الي تستهل مثل الفحمات

الهوابات وغيرها وغيرت الثلاجة طبعا لانه رجلي ثقيلة على السيارة ومستملها قبلي 2

مع العلم سبب عدم وجود الخرابات اللي شفتها بالصفحات اللي قبل بسيارتي

اتوقع لانه السيارة شاريها من الوكالة سعودية والصيانية استمرت في الوكالة حتى 100 الف بعدين

سحبت والفكتوريا السعودية اتوقع انها تتحمل اكثر من الامريكي بمراحل كبيرة خاصة انه السيارة

شاريها والعداد على الصفر غير الامريكي اللي تجيك من المعارض ماشية 40 الف

مدري بعد اذا كان ملعوب بالعداد او مصدومة لذلك انصح اي شخص يبي فكتوريا يبعد عن الامريكي

انا عندي ددسن موديل 2002
ويخرب فيها المكيف الألكتروني
8
امزح ههههههه

الله يخلي لكل واحد سيارته ويقربعها بالعافيه
وترى يا شباب الخراباااات من يدينكم ..
ما في شي يجي من الباب للطاقه .. خذ المطب بهداوه وشف السياره كيف تعاملك
بس يا شباب عندي استفسار
انا داييييم ازر على موتري وادعسسسس وانا امشي طبعا وكل ما شفت سياره مسرعه اشد وراها
مدرري عقده نفسيه او شي زي كذا
السؤال هو / هل التدعيس والزر يأثر ؟ و وش ممكن اسوي علشان اعقل
ومودتي لكم

أنا اللي فعلا قاهرني النقطه رقم 1 إلى الآن ما تطورت !!
تصدق كحيلان كنت بنزل موضوع بخصوص الإشكالية هذي ،، لأنها من جد مقلقه ومتعبه بشكل كبير ،،
طيب الحـين مثلا يالغالي كحيلان وباقي الشباب أنا قريت في إحدى المواضيع او المشاركات أن المساعدات الرياضيه تعالج الإشكالية بنسبة ،، هل تؤيدون الفكرة هذي << أتمنى المشاركه في هذي النقطه المهمة أو أي رأي تشوفونه مناسب بالإشكالية هذي ،،

أما النقطه رقم 2 فتطور الموضوع وصاروا الشباب يولفون لها عدسات بي إم وطالعه جونآآآآن وفيه موضوع لأثنين من الأخوان وتجربتهم في التعديل وكانت مررهــ نااااجحة وعجبتني الله يبعد عنهم الشر ،،

تقبلوا مروري ،،

دمت بود يالغالين ،، أخووكــم أبو أحمد ،،

^^^^^^

ماشاء الله تبارك الله

عقبال طرح تجربتك عند المليون:xyxthumbs:

لك تحيتي

معي قراند ماركيز موديل 99 ماشي فيه 420 الف
شريته قبل 7 سنوات وماشاء الله ماخليت خط مامشيته
المهم الخرابات اللي واجهتها
1-الكويلات .. كل فتره اغير كم واحد
2-بالونات الهيدروليك غيرتها مرتين والبالون الواحد بـ400
3-الدينمو غيرته مرتين
4-الركبه طاحت علي وانا كنت امشي فوق الـ100 لكن الحمد لله .. الله ستر
5-غيرت الأذرعه والركب والمقصات مرتين
6-الثلاجه غيرتها مرتين
7-الدفايه الغيتها
8-مكينة النوافذ الأماميه غيرتها مرتين للراكب ومره وحده للسائق .. والخلفيه غيرتها مره وحده
9-المساعدات الماميه غيرتها مره واحده
10-غيرت الهوبات الخلفيه مره واحده
11- موزع الهواء غيرته مرتين سعره بـ120
12-سيخت الرديتور مره واحده
13- البواجي خلال السبع سنوات غيرتها مرتين إلى ثلاث مرات
14-غيرت العكوس مع توضيب الدفرنش لأن كان فيه بيرنقات يبي لها تغيير (كلفني الشغل مع قطع الغيار 2500 ريال)
15- بالإظافه إلى تغيير الأقشمه وخرط الهوبات كل 8 شهور
16- السياره بإذن الله معزمه على الـ1000000 كيلو

تحيتي

يالغالي بالنسبه لي مثبت السرعة من الضروري يكون عندي بالسيارة وخاصة أستعمله بالسفر ،،

بالعكس مريح جدا لك ،، إقتصادي للبنزين إذا مثبت على دعسة وحدهـ وسرعه متوسطه ،،

من رأي أن مافي أي أضرار ،، ومحاسنه اللي ذكرته لك ،،

تحياتي ،، :wavey:

السلام عليكم

اخواني حبيت اشارك معكم في الموضوع واطرح تجربتي مع محبوبتي قراند ماركيز 1999

بداية انا اشتريت السيارة عام 1426 هـ بسعر 37000 طبعا استخدام امريكي كانت ماشية 7000 ميل

واليوم 151000 ميل

والحمدلله انا راضي عنها كل الرضا صحيح واجهتني مشاكل وعيوب سأذكرها بعد مميزاتها

ولله الحمد والمنة السيارة نظيفة ان شاء الله واعجبني فيها قوتها وتحملها وفخامتها وشكلها وقلة خراباتها

طبعا كانت ماشية معي اول 6 شهور بدون مشاكل ولله الحمد

بعدين المشاكل اللي واجهتني هي كالتالي :
1- ضعف الانوار وحليتها بالزنون .
2- المكيف الالكتروني زي ما اقول الاخوان وحليناه بفصل الدفاية
3- الجوزات خربت بعد سنتين من الاستخدام طبعا السيارة ما طاحت بس بعد الكشف اتضح انها على وشك وتغيرت السيارة 70 % للافضل من ناحية القربعة
4- الثلاجة خربت بعد 3 ونصف من الاستخدام
5- المساعدات الخلفية بعد سنتين
6- الرساوة سيئة
7- سير المكينة بعد 3 سنوات
8- جلد القير لآنه كان يلعب فوق تحت وغيرته بـ 20 لكن التركيب بـ 100
9- ذراع الشاص بعد 3 سنوات
10- جلد عمود التوازن كاملة غيرتها بدون مشاكل بس بعد الكشف قالوا تحتاج تغيير
11- قربعة الطبلون ( طبيعي ) واصوات الزطزطة اللي مجننتني فعلا ما لقيت لها حل غير اني اغير جلود البودي ممكن منها

هذا اللي حصل معي من مشاكل وعيوب

لكن للأمانة السيارة ممتازة جدا كسعر وفخامة وصرفية بنزين وقطع غيار وتحمل

وان كان نسيت شي اقولكم لآني اكتب الموضوع على عجل ونشوفكم على خير

^^^^^^^

هههههههه...اذا جاء في بالك ان السيارة طاحت من الحكة ..فالسيارات الصينية أفضل بمليون مررره:smilie16:

هلا والله اخوي جذاب
بصراحه اناجربت فوردين وماخربت على الركب ابد
وهذامبين حادث لاحظ الضربه بالصدام الامامي والكفر منيشر شكله ناط رصيف او شي!

يا شباب اغلب مشاكلكم عن القراند ماركيز

مع المكيف والهايدروليك


ياليت الاخوان يعرضون مشاكل الكراون فكتوريا ناوي اشتري وحده

ومن يعرف او سجل اعلا رقم لعدد الكليوات اللي مشاها بدون ما يوضب المكينه او القير


فيه واحد ماشي علي كراون فكتوريا 800000 ولا وضب لا مكينه ولا قير ولا اشتكي من شي

استخدامه خليجي 2003

تحياتي

ياجماعة محد رد عليا بخصوص مثبت السرعة..

ايش هيا اضراره وايش هيا محاسنه..

هل يضر في السفرات الطويلة ؟؟؟

رجاء جاوبوني..

مشكور اخوي على موضوعك الحلو

السلام عليكم ورحمة الله وبركاته
انا عندي مشكلة الكرونة غيرتها وكاله
وفكيتها وركبتها 5 مرات وللاسف الصوت مازال مستمر مع العلم اني مغير رمانات عكوس ولكن
تي تي تي تي مثل ما رحتي جيتي
السيارة كراون فيكتوريا 1998

إذا كان موديل السيارة 2007 وإنت طالع وكان نوعها جراند ماركيز أو كراون فكتوريا وكنت تعاني من سقوط الشماسية السيارة فهذا هو المشكلة وهو خطأ مصنعي وقد قامت الشركة بإصدار رقم للقطعة محسنة

ودمتم ,,,,

^^^^^^^^^^^^^^^

ياليتك وضحت لنا وشو الخطا اللي بالشماسه لان ثقافتي انا فرنسيه والانجليزي ضعيف فيه شوي:bigggrin:

والسلاااااااااام