موضوع شامل عن // جميع حلول مشاكل الفورد... بالداخل!

السلام عليكم

لكل من يواجه مشكلة في سيارته ولم يجد الحل في هذا الموضوع

عليه بطرح موضوع يشرح فيه المشكلة في قسم الورشة

https://www.assayyarat.com/forums/f30/


يغلق لعدم التفرغ

اخوي الأمير الله يسعد اوقاتك وكل حياتك والاخوة المتابعين
حبيت استفسر عن تغيير زيت القير والفلتر
انا جيت عند ميكانيكي في جدة متخصص في القير اخذت واعطيت معه وسألته عن تغيير زيت القير وقالي والله انا ما انصحك ابد ابد تغيره لان اغلب اللي غيروا راح عليهم القير وناس مشى معهم طبيعي لان الاجزاء الداخليه في القير لما تضيف عليها زيت جديد ممكن ما تقبله او ما يتناسب معها اما زيت الوكاله اللي فيه يمشي عادي لانه احتمال والله اعلم ان الشركه حاطه ماده مع الزيت ولما تفكه وتغير تروح هالماده هذا توقعاته هالميكانيكي والله اعلم لان الى الان محد يدري وش سالفة تغيير الزيت للقير البعض يمشي معه والبعض الثاني يخسره اما الميكانيكي ذا من الافارقه ورجال فيه خير ونحسبه والله حسيبه قالي تبي تغير غيرت لك تبي نصيحتي زود وامش عليه هذي مجرد نصيحه واذا تركتك بعد انا كسبان تجيني بكره توضب ما يقل عن 6000 ريال وانت وحضك ,,,, والصراحه قالها لي كذا واحد متخصص في القير او من الناس اللي ذابحهم القير ..اما شركتنا الموقرة البيان يقولون غير الزيت ولا يهمك هذي كلها كلام فاضي قلت اوكي غيروا لي الزيت واعطوني ضمان عليه رفضوا
اما الافريقي اللي اقولك بجدة قالي ممكن تغير ويمشي معك فتره طويله او فتره قصيره ويخرب عليك وهذي نسبه كبيره حصلت وممكن تخليه وتزود عليه اذا احتاج ويخرب عليك وهذي حصلت مع ناس قلة (يعني مثل ما قال اللمبي انتا كده ميت وكده ميت ) عاد انت وحظك
احترنا نصدق من ونخلي من ؟؟؟

اعتذر عن الاطاله بس شاب راسي من كثر الكلام ولا ندري

ليس موجود اخي الكريم على الضوء الامامي ولا على اللمبة اتمنى ان تفيدوني

اهلآ اخي

تقص لمبة الأنوار الأمامية؟

بالعادة,البيانات تكون مكتوبة على اللمبة

السلام عليكم
لو سمحتو مين بعرف شو رقم لمبة الفورد اكسبلورر 2009
وشكرااا لكم

^^
أهلآ اخي

اقترح ان تفتح موضوع في قسم الورشة وتوضح به مشكلة السيارة
النوع-الموديل

https://www.assayyarat.com/forums/f30/


بالتوفيق

السلام عليكم الله يعطيك العافيه ويجزاك خير يارب اخوي موضوعك جدا رائع وشامل جميع مشاكل الفورد بس فيه مشكله عندي هي
لمبة الايرباق شغاله والسياره ما طلعت ارباقاتها طبعا سيارتي ماركيز موديل 1995 واحترت فيها ياليت لو تفيدني في الموضوع هذا الله يكتب اجرك

السلام عليكم ورحمة الله وبركاته

سعدت بالاضمام لكم

عندي اكسبيديشن 2011 دبل
عندي كارونة الدفرنس الامامي تهرب زيت مع الجنب مع نفس الالمنيوم مو الوجه او الصره

كانه شعر .. لكن بعد الفحص قالوا مو شعر! وممكن مقبل على شعر.. تهريبه غريب .. امسحه ويبدا يتكون الزيت من الخارج..

سؤالي: هل ضمان 100 الف يشمل هذه الاعطال؟
وخاصة اني غيرت وجه سيلكون للدفرنس

ارجو الافاده وشكرا

صباح الخير

عندي مشكلة تظهر لي في الطبلون

oil change

required

معنها غير الزيت

غيرت زيت المكينه بس ماراحت

ايش رايك عندك حل لهذه المشكلة

ارجو الرد وشكرا

السلام عليكم

انا معي فورد م2011 في الطبلون تظهر لي لمبه برتقالي حق الزيت مكتوب oil ايش المشكلة

ابي حل لها

ماشاءالله
موضوه قيم ومتكامل
يع ــطيك الع ـــافيه

اشكرك على المعلومات اللي قدمتها والله يكتب لك الاجر

السلام عليكم ..
الحمدلله دوبي خارج من الصناعية شمال جدة اتخذت القرار واشتريت الكمبروسر الأصلي 1250 بعد المناحلة مع محل قطع الغيار واخذت "لي" المكيف ( حار ) امريكي وليس الأصلي 300 الأصلي قيمته غاليه 700 ريال ( شي ولا في الخيال ) يعني نص قيمة الكمبروسر وبالنسبة لـ العلبة ورديتر المكيف الحمدلله طلعت نظيفة وما تحتاج تغيير مجرد نفخ بالهواء وطيبه رغم ان الكهربائي قال غيرها قلت له مافيه مشكلة اجيبها لك بس بعد ما تكشف على القديم قدامي ونشوف يحتاج او لا وطلعت نظيفه وسليمه ولله الحمد وبعد التركيب اشتغل المكيف 100% ما شاء الله اضافة خليت الكهربائي يقفل الهوايه اللي تحت الطبلون من جهة الراكب عشان الروائح اللي تدخل مع المكيف .

التكلفه :
كمبروسر 1250 اصلي
لي مكيف 300 امريكي
فلتر مكيف 15 اصلي
شغل يد وفريون 300
المجموع = 1865 ريال

ملحوظه :
ظروري يا جماعة الخير الواحد يوقف بنفسه على سيارته اثناء التصليح وحتى في شراء قطع الغيار لا تضمن محلات قطع الغيار فيه انواع واشكال في القطع بين الصيني والتايلندي والأمريكي والأصلي يعني اسأل اكثر من 4 الى 5 محلات حتى تستقر على رأي سديد اقسم بالله انا شفت العجب العجاب في اساليب النصب والنهب ومسكين اللي يكون مأمنهم ومصدق والله يكون بعون الجميع

السلام عليكم
يعطيك العافيه اخوي امير والجميع
اول امس فجأه وانا ماشي بسيارتي فكتوريا 2003 رايح للدوام اصبح المكيف هواء عادي واختفت البرودة وطفيت المكيف وتركته الى اليوم الثاني بدون تشغيل ويوم شغلته والسيارة واقفه عشان اتأكد من المشكلة طلع لي صوت ( حنه ) قويه عند السيور وريحة التماس كهربائي ، رحت فتحت الكبوت وشغلت المكيف من جديد وجدت الكلتش حق الكمبرسر لا يدور ومصلب ويطلع شرار خفيف وقت الدوران طفيت المكيف ورحت لكهربائي ومن اول ما شغلت المكيف قال لي الكمبروسر مصلب ولازم تغيره .

سؤالي :
1- هل كلامه صحيح ان الكمبروسر مصلب وايش اسباب تصليبه وهل فعلاً ليس له تصليح ؟
2- كم قيمة الكمبروسر جديد رغم ان قيمته كامل اصلي في قطع غيار الرميزان بجده 1300 وهل يوجد نوع اخر غير حق بلده ارخص وتنصح فيه ؟
3- الكهربائي قال لي لابد من تغيير رديتر المكيف بس راح اعمل لك تنظيف له وان شاء الله يضبط وطلب 300 ريال شغل يد مع التركيب للكمبروسر والعلبه والفلتر والليات والفريون . هل سعره مقبول ؟

والله اسف على الاطاله وكثرة الأسئلة ولكن مالنا بعد الله الا انتم لأننا تعبنا مع هالورش ونصبهم والواحد يعلم الله ماهو ناقص خسائر وفقكم الله ويجعل ما تقومون فيه في رصيد حسناتكم .

وين مكان فيوز وكتاوت وحساس طرمبة البنزين افيدوني جوزيتم خيران

الله يجزاكم خير واحنا نحاول قدر المستطاع ان نفيد ونستفيد في هذا الصرح العالي

" أحب لأخيك كما تحب لنفسك " :xyxthumbs:

بالفعل اخوي نقطة مهمه وهي الهوبات ,, وطبعاً هنا نتكلم بعد تجربة حل خرط الهوبات لان للاسف بعض السيارات الجديدة

مثل اللومينا والكابرس ايضاً في الاكورد 2011 ونازل تظهر لهم مشكلة الاهتزاز او الرجه مع الضغط مع الفرامل

وللاسف حتى بعد الخرط لم تحل المشكلة ويجب عليهم اما استبدالها بهوبات جديدة خاليه من العيب او بهوبات رياضية

بوركت :xyxthumbs:

اخوي بخصوص الدخان المفروض بالكثير ان السيارة يومين فقط ويتوقف بعدها الدخان اما اذا استمر معناته شغله غلط

وهذا يشمل العوم والصوت ونقص الزيت لانها مرتبطة في بعض ,, فالدخان الازرق او الابيض الي يظهر بعد التوقف لفترة

ومن ثم الدعس على البانزين هذه من جلد البلوف وتحتاج الى تغيير والصوت تبع الجنزير هو السبب الرئيسي في العزم

فظهور الصوت يدل على ان الجنزير لا يدور بشكل جيد ومما يسبب ايضاً عدم دوران المحرك بشكل صحيح

عليك بمراجعته اما يعدل شغله او الشكوى

لك كل التوفيق وقبل كل شوي حاول انك تتأكد من الورش وانهم يعطوك ضمان قبل اي عمل