استفسار للأخ دايم الشوق...
عندي مشكلة في الفايف هندرد وهي انها تنسم هوا من باب السايق على سرعة 80 وفوق
هل مرت عليك هالمشكلة؟
وهل تتوقع انها خطأ مصنعي؟
وهناك عندي ملاحظتين على السيارة بعد ماشريتها وهي:
1/ المرايا ماتنصفط بشكل كامل
2/ مؤشر البنزين غير دقيق : في بداية تشغيلي للسيارة يعطيني مثلا 150km To E وبعد فترة يصير 260Km To E
أرجو منك أن تجيبني بسرعة لأني وديتها الوكالة وماادري قالوا لي خلها يومين وبيشوفون شمشكلتها.
هلا وغلا اخوي العزيز بوساري شرفت يابعدي 00 من طول الغيبات جاب الغنايم 00 وينك غايبه شمسك يا الغالي
كنت اتوقع ان يكون لك حضور فعال معي للتعريف بالسيارة وتخفيف العبء علي 00 فالموضوع ملك لك ولغيرك من ملاك الفايف هندرد والمونتيجو 00 لكن الغايب عذره معه إن شاء الله نشوف لك حضور يا الغالي وتواجد في الايام القادمة وعسى الله يسهل الامور ونكون رابطة للسيارة >> ياكودها قالوا صفوا صفين قالوا حنا ثنين خخخ
عموما أنا شفت كذا شخص في المنتدى يملك الفايف هندرد والمونتيجو اتمنى حضورهم الفعال في موضوعي وتكثيف نشاطهم للتعريف بالسيارة لتكوين نواة الرابطة إذا الله كتب بهمتنا كلنا وكما ذكرت الموضوع ملك للجميع
عموما نرجع لأسئلتك ولاحظ اني قدمتك في الرد لاني شفتك تبغى الرد مستعجل وانت في النهاية زميل سيارة >> شفت الواسطة وش تسوي خخخ
بالنسبة للتنسيم اذا كان صوت ارتطام الهواء فهذا شي طبيعي في هذه الايام فالجو متقلب وشديد الرياح لدخول فصل الشتاء وهذا الشي لاحظته في جميع السيارات التي استخدمها اما اذا كان التنسيم الذي تقصده صوت صفير واضح فهذا يبي لك مراجعة الوكالة ربما الربل فيه مشكلة أو وزنية الباب عموماً لم تسلم كثير من السيارات الحديثة من صوت الهواء وفي مقدمتهم اللكزس الجديدة كما ذكر في المنتدى والعهده على الراوي 00 وأنا نصيحتي اذا كان صوت الهواء ليس واضح فلا تدقق ترى الوسوسه متعبه وانا اخوك 00 ارفع صوت الرادو والسلام اما اذا كان الصوت مزعج وصفير فانصحك بالتصرف ومراجعة الوكالة
النقطة الاخرى المرايا نفس الشي عندي لاتنصفط بشكل كلي وعموما ليس شي مهماً ويستحق الذكر 00 والله من ماعمري صفطت اي مراية في حياتي لعدم الحاجة ولا اظن اني احتاج هذه الميزة وفي النهاية ترى مراياتها صغيره مو مثل مرايا الجيوب الكبيرة التي تتعبك في المواقف التجارية
النقطة الاخيرة مركز المعلومات ومايقطعه البنزين من كيلو 00 فأنا اقول لك وبالفم المليان لاتعول عليه كثيراً فهو ليس دقيق في جميع السيارات وبالتجربة لان حساب الكيلو يعتمد على دعستك وضروف اخرى 00 فاذا كان قيادتك هادية اعطاك كيلوات اكثر والعكس صحيح00 لذا هذا المؤشر لاتعتمد عليه كثيراً وبالاخير مجرد حساب تخميني لا اكثر
اخيرا ارجو اني افدتك يا الغالي وأي خدمة حنا حضرين للطيبين 00 كما اني اكرر على ملاك الفايف هندرد والمانتيجو تحمل المسؤولية للتعريف بالسيارة ومشاركتي الموضوع الذي هو ملك للجميع 00 وذكر ميزات السيارة وسلبياتها خدمة للاعضاء الكرام وفي الاخير لاي شخص الحق في الاعجاب بها من عدمه ولولا اختلاف الاذواق لبارات السلع وماتراه قبيحاً غيرك يجده جميلاً 00 فلا احد يستنكر ذلك فتلك طبيعة البشر والناس اذواق
دمتم بخير
